'ભગવાન તમને ક્યારેય છોડશે નહીં...',હાર્દિક ભારત આવતા જ નતાશાની પોસ્ટે મચાવ્યો ખળભળાટ

• નતાશા સ્ટેનકોવિક અને હાર્દિક પંડ્યાના અંગત જીવનની ચર્ચા
  
• નતાશાની પોસ્ટ સામે આવ્યા બાદ યુઝર્સ ફરી ચિંતિત 
• ભગવાન હંમેશા તમારી આગળ ચાલે છે અને તે હંમેશા તમારી સાથે છે: નતાશા

નતાશા સ્ટેનકોવિક અને હાર્દિક પંડ્યાના અંગત જીવનની ચર્ચા થોડા સમયથી સતત ચાલી રહી છે. ભારતની T20 વર્લ્ડ કપ જીત પર નતાશાના મૌનથી દંપતીના છૂટાછેડાની અફવાઓ ફરી ઉભી થઈ છે. આ દરમિયાન હવે નતાશાએ ફરી એક એવી પોસ્ટ શેર કરી છે જે જોઈને ફેન્સ વિચારમાં પડી ગયા છે.

છૂટાછેડાની અફવાઓ ફરી શરૂ

નતાશાએ હાલમાં જ પોતાના ઈન્સ્ટાગ્રામ પર એક પોસ્ટ શેર કરી છે જે યૂઝર્સને ફરીથી કન્ફ્યુઝ કરી રહી છે. નતાશાએ તેના ઇન્સ્ટાગ્રામ પર એક સ્ટોરી વીડિયો શેર કર્યો છે જેમાં અભિનેત્રી 'ખોવાયેલી' હોવાની વાત કરતી જોવા મળી હતી. જે વીડિયો સામે આવ્યો છે તેમાં નતાશા કહી રહી છે કે હું તેને વાંચીને ખૂબ જ ઉત્સાહિત છું કારણ કે આજે તેને સાંભળવું મારા માટે ખૂબ જ જરૂરી છે. નતાશાએ વધુમાં કહ્યું હતું કે તેથી જ આજે હું મારી સાથે કારમાં 'બાઇબલ' લઈને આવી છું અને આજે હું તમને પણ તે શીખવવા માંગુ છું.

ભગવાન હંમેશા તમારી સાથે છે: નતાશા

વીડિયોમાં આગળ નતાશા કહે છે કે ભગવાન હંમેશા તમારી આગળ ચાલે છે અને તે હંમેશા તમારી સાથે છે. ફક્ત એક જ છે જે તમને ક્યારેય છોડશે નહીં કે તમને નકારશે નહીં. તેથી ડરવાની અને નિરાશ થવાની જરૂર નથી. જ્યારે પણ આપણે મુશ્કેલીમાં હોઈએ છીએ ત્યારે આપણે નિરાશ, દુઃખી અને પરાજય અનુભવીએ છીએ પરંતુ એવું કરવાની જરૂર નથી કારણ કે ભગવાન આપણી સાથે છે. નતાશાએ કહ્યું હતું કે આજે તમે જે પણ પરિસ્થિતિમાં છો તે ભગવાન પહેલાથી જ જાણે છે.

યુઝર્સ પોસ્ટ દ્વારા ફરીથી મૂંઝવણમાં

હવે નતાશાની આ પોસ્ટ સામે આવ્યા બાદ યુઝર્સ ફરી ચિંતિત છે. દરેક વ્યક્તિ વિચારી રહી છે કે નતાશા આ પોસ્ટ દ્વારા શું કહેવા માંગે છે? નતાશાની આ પહેલી પોસ્ટ નથી જે યુઝર્સને પરેશાન કરી રહી છે. અભિનેત્રી ઘણીવાર આવી પોસ્ટ શેર કરતી રહે છે.

નતાશાએ T20 વર્લ્ડ કપ જીત પર કંઈપણ પોસ્ટ કર્યું નથી

નોંધનીય છે કે જ્યારથી ભારતે T20 વર્લ્ડ કપ જીત્યો છે ત્યારથી નતાશા ઈન્સ્ટાગ્રામ પર એક્ટિવ છે અને સતત પોસ્ટ શેર કરી રહી છે પરંતુ આશ્ચર્યની વાત એ છે કે ટીમ ઈન્ડિયાની જીત પર ન તો તેણે તેના પતિ હાર્દિક વિશે કંઈપણ શેર કર્યું છે અને ન તો તેણે ટીમને અભિનંદન પાઠવ્યા છે જેના કારણે તેને ટ્રોલિંગનો પણ સામનો કરવો પડ્યો હતો.