Bollywood: 'સોનાક્ષી અને ઝહીરના લગ્ન બાદ પરિવારમાં...', અભિનેત્રીના ભાઈ કુશે કર્યો ચોંકાવનારો ખુલાસો

સોનાક્ષી સિંહાએ મુસ્લિમ ઝહીર ઇકબાલ સાથે લગ્ન કર્યા છે. એવી અફવાઓ હતી કે, અભિનેત્રીના જોડિયા ભાઈઓ લવ અને કુશ લગ્નમાં જોવા મળ્યા ન હતા. સોનાક્ષીના લગ્ન બાદ કૌટુંબિક મતભેદની અફવાઓ પર અભિનેત્રીના ભાઈ કુશ સિંહાએ પોતાનું મૌન તોડ્યું છે અને સત્ય જણાવ્યું છે.

સોનાક્ષીના લગ્નને લઈ ભાઈ કુશે તોડ્યું મૌન

કુશે સૌપ્રથમ સ્પષ્ટતા કરી હતી કે, તેણે સોનાક્ષીના લગ્નમાં હાજરી આપી હતી. સાથે જ તેણે પરિવારમાં તણાવ હોવાની અફવાઓને પણ ફગાવી દીધી હતી. કુશે કહ્યું હતું કે, હું ખૂબ જ સાદગીથી જીવન જીવું છું. લોકો શું વાત કરે છે તેનાથી મને કોઈ ફરક પડતો નથી. મને ખબર છે કે લોકો કહી રહ્યા હતા કે કેટલીક બિનજરૂરી બાબતો થઈ રહી છે. તો તે તેમનો પોતાનો એજન્ડા છે. મારે તેની સાથે કોઈ લેવાદેવા નથી.'

શું લવ સિંહા સોનાક્ષીના લગ્નમાં હાજર નહોતો?

સોનાક્ષીના ભાઈ કુશે વધુમાં કહ્યું હતું કે, જો તમે મને તસવીરોમાં ન જુઓ, તો તેનો અર્થ એ નથી કે હું ત્યાં નહોતો. મારે દરેક વખતે બધું બતાવવાની જરૂર નથી. લવ સિંહાની ગેરહાજરી અંગે કુશે તેના ભાઈ કે બહેન વતી કંઈ કહેવાનો ઇનકાર કર્યો અને કહ્યું કે, મેં સ્પષ્ટ શબ્દોમાં કહ્યું કારણ કે હું લવ વતી ટિપ્પણી કરવા માંગતો નથી. હું સોનાક્ષી વતી પણ ટિપ્પણી કરવા માંગતો નથી. મને લાગે છે કે દરેકને પોતાના સ્ટંટ કરવાની સ્વતંત્રતા છે. જ્યાં સુધી તેઓ પ્રામાણિકપણે તે કરી રહ્યા છે તેથી કે તે ઠીક છે.'

કુશે સોનાક્ષીને ટેકો આપ્યો

કુશે પણ સોનાક્ષીની વ્યક્તિગત પસંદગીને ટેકો આપતા કહ્યું કે, આ એવી જ છે અને હું તેનો આદર કરું છું. મને તેના રોજિંદા જીવનમાં બહુ રસ ન હોય શકે પણ હું તેની પસંદગીનો આદર કરું છું. તે એક પુખ્ત વયની છે તે એક વ્યક્તિ છે. તેને પોતાની પસંદગીઓ કરવાની સ્વતંત્રતા છે. અને જેમ મારા પિતા હંમેશા કહેતા હતા. તે કંઈ ગેરકાયદેસર નથી કરી રહી, ખરું ને?