સૈયારા ફેમ અનીત પડ્ડા પર દુઃખનો પહાડ તૂટી પડ્યો છે. અભિનેત્રીના દાદાનું નિધન થયું છે. અનીત પડ્ડાએ ઇન્સ્ટાગ્રામ પર એક ઇમોશનલ પોસ્ટ શેર કરીને તેના ફેન્સને આ જાણકારી આપી છે. આ પોસ્ટ દ્વારા અભિનેત્રીએ તેના દાદા સાથે વિતાવેલી યાદોનો પણ ઉલ્લેખ કર્યો છે. સોશિયલ મીડિયા પર અનીત પડ્ડાની આ ઇમોશનલ પોસ્ટ ખૂબ વાયરલ થઈ રહી છે. આ પોસ્ટ શેર કરતી વખતે અભિનેત્રીએ કોમેન્ટ સેક્શન બંધ રાખ્યું છે.
અનીત પડ્ડાએ ફેન્સને આપી જાણકારી
અનીત પડ્ડાએ તેના દાદાનો હાથ પકડેલો હોય તેવી એક બ્લેક એન્ડ વ્હાઇટ તસવીર શેર કરી છે. તેની સાથે કેપ્શનમાં એક સ્પેશિયલ નોટ લખી છે. અભિનેત્રીએ કેપ્શનમાં લખ્યું, મારી લાઈફનો એકમાત્ર પ્રેમ. તમે અમારાથી દૂર જઈ રહ્યા હતા, પરંતુ માખણને ભૂલ્યા નહીં. તમે પ્રેમને પકડી રાખ્યો, ભલે તમે યાદોને પકડી ન શક્યા. હું બંનેને પકડી રાખીશ. હું આપણી સાથે વિતાવેલી તમામ પળોને સાચવીને રાખીશ. હું એક સારી વ્યક્તિ બનીશ. હું તમારા જોક્સ યાદ રાખીશ અને જ્યારે પણ તક મળશે ત્યારે તેમને પુનરાવર્તન કરીશ.
ઇમોશનલ પોસ્ટ શેર કરી
અભિનેત્રીએ આગળ લખ્યું, હું તમારી દયા અને તમારા પ્રકાશને દરેક અંધારા રૂમમાં લઈ જઈશ. હું તમારી વાર્તાઓ યાદ રાખીશ અને દુનિયાને સંભળાવીશ. હું તમારો પ્રેમ પકડી રાખીશ, તમે મને સૌથી શુદ્ધ અને બિનશરતી પ્રેમ શીખવ્યો. હું તમને પકડી રાખીશ. આજે મેં આકાશમાં સૌથી તેજસ્વી તારો જોયો અને મને ખબર પડી ગઈ કે તમે ક્યાં ગયા છો. હું તમને પ્રેમ કરું છું, હું તમને પ્રેમ કરું છું, હું તમને પ્રેમ કરું છું, દાદાજી.
અનીત પડ્ડાની આગામી ફિલ્મ
અનીત પડ્ડાના ફેન્સ આ દુઃખની ઘડીમાં તેમની સાથે ઉભા છે. કરણ જોહરે પણ અનીત પડ્ડાની આ પોસ્ટ પર રિએક્ટ કર્યું છે. સાથે જ દરેક તેમને ઇમોશનલ સપોર્ટ આપી રહ્યા છે. અનીત પડ્ડા ગયા વર્ષે આવેલી સૈયારાથી બોલીવુડમાં છવાઈ ગઈ છે. હવે અભિનેત્રી તેની આગામી ફિલ્મ પણ મોહિત સૂરી સાથે કરવા જઈ રહી છે. આ ફિલ્મમાં અભિનેત્રીની સાથે અહાન પાંડે જોવા મળશે.
આ પણ વાંચો- 17 ભાષાઓમાં સબટાઈટલ અને 28 દેશોમાં રિલીઝ! 70 વર્ષ પહેલાં દિલીપ કુમારની આ ફિલ્મે સર્જ્યો હતો ગ્લોબલ રેકોર્ડ
