જાણીતા તાઝિકિસ્તાની ગાયક અને બિગ બોસ સ્ટાર અબ્દુ રોઝિકની દુબઈ ઈન્ટરનેશનલ એરપોર્ટ પર ધરપકડ કરવામાં આવી છે. મળતી માહિતી પ્રમાણે તેમની ચોરીના ગુનામાં ધરપકડ કરવામાં આવી છે. અબ્દુને શનિવારે સવારે લગભગ 5 વાગ્યે મોંટેનેગ્રોથી દુબઈ પહોંચ્યા તરત પછી જ એરપોર્ટ ઓથોરિટીએ રોકી લીધા હતા.
અબ્દુની કઈ ચોરીના ગુનામાં ધરપકડ કરવામાં આવી છે તેની કોઈ પણ પ્રકારની જાણકારી સામે આવી નથી કે કોઈ અધિકારીઓ તરફથી કોઈ સત્તાવાર નિવેદન જાહેર કરવામાં આવ્યું નથી. અબ્દુની ટીમ તરફથી જણાવવામાં આવ્યું છે કે અમે ફક્ત એટલું કહી શકીયે કે તેમની ચોરીના ગુનામાં ધરપકડ કરવામાં આવી છે.
