OTT પર એવી ખૂબ ઓછી ફિલ્મો હોય છે જેની સ્ટોરી લોકોને એટલી પસંદ આવે કે તેઓ તેને વારંવાર જોવાનું પસંદ કરે. જો તમે પણ થ્રિલર ફિલ્મોના શોખીન હોવ અને કંઈક નવું, રોમાંચક અને મગજ ચકરાવે ચડાવી દે તેવું કન્ટેન્ટ શોધી રહ્યા હોવ, તો સાઉથની આ ફિલ્મ તમારી વોચ લિસ્ટમાં ચોક્કસ હોવી જોઈએ. આ ફિલ્મમાં તમને સસ્પેન્સ અને એક્શનનો ભરપૂર ડોઝ મળશે અને તેનો ક્લાઈમેક્સ જોઈને તમે દંગ રહી જશો.
10 વર્ષ પહેલા રિલીઝ થયેલી શાનદાર મિસ્ટ્રી થ્રિલર
વર્ષ 2016માં રિલીઝ થયેલી ફિલ્મ ક્ષણમ (Kshanam) ની. તેલુગુ ભાષાની આ મિસ્ટ્રી થ્રિલર ફિલ્મનું નિર્દેશન રવિકાંત પેરેપુએ કર્યું છે. આ ફિલ્મ OTT પર હિન્દીમાં પણ ઉપલબ્ધ છે. આ ફિલ્મ એટલી સફળ રહી હતી કે તેને ઘણી ભાષાઓમાં રિમેક કરવામાં આવી છે. તમિલમાં સત્યા, હિન્દીમાં બાગી 2 અને કન્નડમાં આદ્યા નામે આ જ સ્ટોરી પર ફિલ્મો બની છે.
સ્ટોરી જોઈને મગજ ચકરાવે ચડશે
ક્ષણમની સ્ટોરી ઋષિ નામના એક ઇન્વેસ્ટમેન્ટ બેન્કરની આસપાસ ફરે છે, જે સાન ફ્રાન્સિસ્કોમાં રહે છે. ઋષિ તેની એક્સ-ગર્લફ્રેન્ડ શ્વેતાની મદદ કરવા ભારત પાછો ફરે છે. શ્વેતાની 5 વર્ષની દીકરી રિયાનું અપહરણ થઈ ગયું હોય છે. જેમ જેમ ઋષિ તપાસ શરૂ કરે છે, તેમ તેમ પોલીસ અસહકાર કરે છે અને પુરાવા ગાયબ થતા જાય છે. ઋષિને ટૂંક સમયમાં જ ચોંકાવનારા સત્યો અને વિશ્વાસઘાતનો સામનો કરવો પડે છે, જેનાથી ખુલાસો થાય છે કે બાળકીનું ગાયબ થવું એક બહુ મોટા કાવતરાનો ભાગ છે.
રેટિંગ અને ક્યાં જોવી?
આ ફિલ્મને IMDb પર 8.1 નું શાનદાર રેટિંગ મળ્યું છે. તમે આ ફિલ્મ સન નેક્સ્ટ (Sun NXT) અને MX પ્લેયર પર જોઈ શકો છો.
બજેટ કરતા અનેકગણી કમાણી
આ તેલુગુ થ્રિલર ફિલ્મ બોક્સ ઓફિસ પર સુપરહિટ સાબિત થઈ હતી. ફિલ્મ માત્ર 1 થી 2 કરોડ ના ઓછા બજેટમાં બની હતી, પરંતુ તેણે વિશ્વભરમાં અંદાજે 5 કરોડથી વધુની કમાણી કરી હતી અને વિદેશમાં તેનું કલેક્શન લગભગ 10 કરોડ સુધી પહોંચ્યું હતું. ફિલ્મમાં આદિવી શેષ અને અદા શર્મા મુખ્ય ભૂમિકામાં છે, સાથે જ અનસૂયા ભારદ્વાજ અને વેનેલા કિશોર જેવા કલાકારો પણ મહત્વના રોલમાં છે.
આ પણ વાંચો- ભૂત બંગલા એ રવિવારે લૂંટી લીધું બોક્સ ઓફિસ, બની વર્ષની ચોથી સૌથી મોટી ફિલ્મ!
