'2025માં અમે 3 લોકોનો પરિવાર....', કેટરિના કૈફ અને વિકી કૌશલે આપ્યા ગુડ ન્યૂઝ?

કેટરિના કૈફ અને વિકી કૌશલ બોલીવુડના સુંદર અને ફેમસ કપલમાંથી એક છે. બંનેએ વર્ષ 2021 માં લગ્ન કર્યા હતા. લગ્ન બાદ ફેન્સ સતત સવાલ કરી રહ્યા છે કે, આ કપલ ક્યારે 'ગુડ ન્યૂઝ' આપશે. ઘણી કેટરિના પ્રેગનેટ હોવાની અફવાઓ સામે આવી પરંતુ આ કપલે પૂર્ણવિરામ મૂકી દીધો હતો. સાથે જ કહ્યું હતું કે, યોગ્ય સમય આવશે ત્યારે તેઓ પોતે જ દુનિયાને જણાવશે. વિકી અને કેટરિના બંને ખૂબ જ સાદું જીવન જીવવામાં માને છે. આ દિવસોમાં એક પોસ્ટ વાયરલ થઈ રહી છે. આ પોસ્ટમાં દાવો કરવામાં આવ્યો છે કે કેટરિના કૈફ ગર્ભવતી છે.

શું પ્રેગનેટ છે કેટરિના કૈફ?

છેલ્લા ત્રણ-ચાર દિવસથી કેટરિના કૈફની ગર્ભાવસ્થા અંગે અટકળો ચાલી રહી છે. એક યુઝરે દાવો કર્યો હતો કે કેટરિના ઓક્ટોબર અથવા નવેમ્બર 2025માં બાળકને જન્મ આપવા જઈ રહી છે અને જુનિયર વિકેટ ટૂંક સમયમાં આવી રહ્યો છે. કેટલાક યુઝર્સે તેને માત્ર અફવા ગણાવી જ્યારે ઘણા લોકોએ તેને સાચી માન્યું છે.

નોંધનીય છે કે વિક્કી કૌશલ અને કેટરિના કૈફે હજુ સુધી આ વાતની સત્તાવાર પુષ્ટિ કરી નથી. શક્ય છે કે આ અફવા સાચી ન હોય કારણ કે આવી અટકળો છેલ્લા 4 વર્ષથી કોઈ આધાર વગર ચાલી રહી છે. હવે આ દરમિયાન એક વાયરલ પોસ્ટે ધ્યાન ખેંચ્યું છે. હાલમાં જ સોશિયલ મીડિયા પર એક પોસ્ટ વાયરલ થઈ રહી છે જેમાં દાવો કરવામાં આવી રહ્યો છે કે કેટરિના ઓક્ટોબર-નવેમ્બરમાં માતા બનશે. વિકી કૌશલ અને કેટરિના કૈફ માતા બનવાની એક પોસ્ટ વાયરલ થઈ રહી છે જેમાં લખ્યું છે કે, 2025માં અમે ત્રણ લોકોનો પરિવાર બનીશું. કેટરિના અને વિકીએ હજુ સુધી આવી કોઈ પોસ્ટ કરી નથી કે ગર્ભાવસ્થા સંબંધિત કોઈ સમાચારની પુષ્ટિ કરી નથી.