Saiyaara: ફિલ્મની ઐતિહાસિક સફળતા પર અહાન પાંડેએ તોડ્યું મૌન, કહ્યું- મને આટલો બધો પ્રેમ.....

અહાન પાંડેની છેલ્લી રિલીઝ થયેલી ફિલ્મ સૈયારા સુપરહિટ બની હતી. આ ફિલ્મ 18 જુલાઈના રોજ સિનેમાઘરોમાં રિલીઝ થઈ હતી. આ ફિલ્મ કોઈ પણ પ્રકારના પ્રમોશન વગર રિલીઝ થઈ હતી છતાં પણ બોક્સ ઓફિસ પર અદ્ભુત પ્રદર્શન કર્યું હતું. આ ફિલ્મે અનિત પદ્દા અને અહાનને સ્ટાર બનાવ્યા હતા. આ ફિલ્મે ભારતમાં 300 કરોડથી વધુ અને વિશ્વભરમાં 500 કરોડથી વધુની કમાણી કરી હતી. હવે ફિલ્મના અભિનેતાએ આ ઐતિહાસિક સફળતા પર એક લાંબી પોસ્ટ લખી છે.

અહાન પાંડેએ કરી પ્રેમભરી પોસ્ટ

અહાન પાંડેએ ફિલ્મ ' સૈયારા'ના અનસિન ફોટો શેર કર્યા છે. તેણે કેપ્શનમાં લખ્યું છે કે, મેં ક્યારેય વિચાર્યું ન હતું કે મને આટલો બધો પ્રેમ મળશે, દાદી હંમેશા મને રાજ કહેતી હતી, કાશ તે આજે ક્રિશને જોઈ શકતી, હું હંમેશા ભગવાનને કહેતો હતો કે ભલે દુનિયા મને પસંદ ન કરે, હું જાણતો હતો... તારાઓ વચ્ચે એક તારો, એકલો તારો, મારી દાદી. તે ત્યાંથી મારા પર સ્મિત કરશે આ ફક્ત તમારા માટે છે દાદી. અહાન પાંડેએ વધુમાં લખ્યું હતું કે, મને ખબર નથી કે મારા માટે આગળ શું છે. પરંતુ આ ક્ષણે હું મારા અસ્તિત્વ સુધી તમારા બધા માટે પ્રેમ અનુભવી રહ્યો છું અને હું આ લાગણીને મારા હૃદયમાં હંમેશા રાખીશ. હું વચન આપું છું કે હવે હું બમણી મહેનત કરીશ, આ બધું તમારા માટે પણ તે બાળક માટે પણ જે મારી અંદર છે.

મને આશા છે કે તમે બધા તે બાળકને ખુશ કરતા રહેશો કારણ કે તમારી અંદરનું તે બાળક બધું જ લાયક છે. આ ચમત્કાર માટે આભાર. હું ઈચ્છું છું કે હું તમારા દરેકને ગળે લગાવી શકું. તેરે બિના તો કુછ ના રહીં. સૈયારાએ 21 દિવસમાં બોક્સ ઓફિસ પર 306.82 કરોડ રૂપિયાનો બિઝનેસ કર્યો છે. જ્યારે વિશ્વભરમાં ફિલ્મે 500 કરોડનો આંકડો પાર કરી લીધો છે. મોહિત સૂરીની ફિલ્મ અજય દેવગનની સન ઓફ સરદાર 2 અને તૃપ્તિ ડિમરીની ધડક 2 સાથે બરાબરી કરી શકી નથી.