Bollywood : આ સુપરસ્ટાર એક્ટરે 30000માં ખરીદ્યો હતો બેસ્ટ એક્ટરનો એવોર્ડ, પછી આજીવન થયો પસ્તાવો!

બોલીવુડમાં અવારનવાર એવું જોવા મળે છે જ્યારે કોઈ સ્ટાર નાની ઉંમરે મળેલી સફળતાને યોગ્ય રીતે હેન્ડલ શકતો નથી અને આ દરમિયાન કંઈક એવું કરી બેસે છે જેનો તેને પછીથી પસ્તાવો થાય છે. ફૂલ ઔર કાંટે ફિલ્મની એક્ટ્રેસ મધુએ જણાવ્યું હતું કે તે પોતાની બોલીવુડની આ પહેલી જ હિટ ફિલ્મ પછી ઘમંડી થઈ ગઈ હતી. કપૂર પરિવારના એક દિગ્ગજ એક્ટરે તો બ્લોકબસ્ટર ડેબ્યૂ પછી પૈસા આપીને એવોર્ડ ખરીદી લીધો હતો, જેનો તેમને હંમેશા રંજ રહ્યો.

આ એક્ટરે 30 હજારમાં ખરીદ્યો હતો એવોર્ડ

અહીં જે એક્ટરની વાત થઈ રહી છે તેમણે હિન્દી સિનેમાને એકથી ચઢિયાતી એક ફિલ્મો આપી હતી. આ એક્ટર હવે આ દુનિયામાં નથી. તેમનું નામ છે ઋષિ કપૂર. રાજ કપૂરના દીકરા ઋષિ કપૂરે વર્ષ 1973માં માત્ર 21 વર્ષની ઉંમરે બોલીવુડમાં 'બોબી' થી બ્લોકબસ્ટર ડેબ્યૂ કર્યું હતું. તેમની પહેલી ફિલ્મ દર્શકોને ખૂબ પસંદ આવી હતી. વર્ષ 1974માં 22 વર્ષની ઉંમરે તેમણે આના માટે ફિલ્મફેરનો બેસ્ટ એક્ટરનો એવોર્ડ ખરીદી લીધો હતો. આનો ઉલ્લેખ તેમણે પોતે પોતાની આત્મકથા ખુલ્લમ ખુલ્લા: ઋષિ કપૂર અનસેન્સર્ડમાં કર્યો હતો.

30 હજાર આપીને જીત્યો એવોર્ડ

ઋષિ કપૂરે જણાવ્યું હતું કે, હું તે સમયે માત્ર 22 વર્ષનો હતો અને મને સમજ નહોતી કે પૈસા ક્યાં ખર્ચ કરવા અને ક્યાં નહીં. મને એ કહેતા પણ શરમ આવે છે કે બોબી માટે મેં બેસ્ટ એક્ટરનો એવોર્ડ ખરીદ્યો હતો. દિવંગત એક્ટરના જણાવ્યા અનુસાર તારકનાથ ગાંધી નામના એક PRO એ તેમને કહ્યું હતું કે, સર, 30 હજાર આપી દો, તો હું તમને એવોર્ડ અપાવી દઈશ. મેં કંઈપણ વિચાર્યા વગર તેમને પૈસા આપી દીધા. મારા સેક્રેટરી ઘનશ્યામે પણ કહ્યું હતું કે, સર, પૈસા આપી દઈએ છીએ, મળી જશે એવોર્ડ.

ઋષિ કપૂરની બેસ્ટ ફિલ્મો

ઋષિ કપૂરે પોતાના 45 વર્ષથી વધુના કરિયરમાં કર્ઝ, સાગર, પ્રેમ રોગ, ચાંદની, બોલ રાધા બોલ, અમર અકબર એન્થની, કુલી, દો દૂની ચાર, અગ્નિપથ, સરગમ, નગીના અને દીવાના સહિત ઘણી શ્રેષ્ઠ ફિલ્મો આપી હતી. અભિનેતાનું એપ્રિલ 2020માં 67 વર્ષની ઉંમરે અવસાન થયું હતું.

આ પણ વાંચો-800 કરોડની હવેલી અને અબજોની દોલત... કેટલા અમીર છે સૈફ અલી ખાન? જાણો ક્યાં-ક્યાં આવેલી છે તેમની પ્રોપર્ટી