Air Indiaના સપોર્ટમાં આવી સના મકબુલ, ફ્લાઈટમાં બેસીને કહી આ વાત

બિગ બોસ ઓટીટી 3ની વિજેતા સના મકબુલ છેલ્લા કેટલાક સમયથી તેના સ્વાસ્થ્યને લઈને ચર્ચામાં છે. હવે અભિનેત્રીએ એર ઈન્ડિયાની ફ્લાઈટમાં મુસાફરી કરી છે. હકીકતમાં અભિનેત્રી તેનો જન્મદિવસ ઉજવવા માટે ભારતની બહાર ગઈ હતી અને હવે તે પાછી આવી ગઈ છે. સનાએ ઈન્સ્ટાગ્રામ સ્ટોરી પર કેટલીક પોસ્ટ શેર કરીને એર ઈન્ડિયાને ટેકો આપ્યો છે.

સના મકબુલે શેર કરી આ પોસ્ટ

સના મકબૂલે પોતાની ઇન્સ્ટાગ્રામ સ્ટોરી પર બે તસવીરો શેર કરી છે. પહેલી પોસ્ટમાં અભિનેત્રી એર ઈન્ડિયાની બે મહિલા કેબિન ક્રૂ સાથે પોતાનો બોર્ડિંગ પાસ બતાવી રહી છે. આ તસવીર સાથે તેણે લખ્યું હતું કે, 'અમે તમારી સાથે છીએ એર ઈન્ડિયા.' બીજા ફોટામાં સના મકબૂલે ફ્લાઇટ સીટ પર બેઠેલી વખતે પોતાનો મચકોડાયેલો પગ બતાવ્યો છે. આ ફોટા પર તેણે લખ્યું છે કે, 'મચકોડાયેલ પગ સાથે મુંબઈમાં આપનું સ્વાગત છે.' સીટની સામેની સ્ક્રીન પર 'નમસ્તે' લખેલું છે.

વિમાન દુર્ઘટના બાદ એર ઈન્ડિયાની ટીકા

સના મકબૂલની આ પોસ્ટ એવા સમયે આવી છે જ્યારે 12 જૂન 2025 ના રોજ થયેલા વિમાન દુર્ઘટના બાદ લોકો ઈન્ડિયન એરલાઈન્સની ખૂબ ટીકા કરી રહ્યા છે. અમદાવાદથી લંડન જતી એર ઈન્ડિયાની ફ્લાઇટ A-171 ટેક ઓફ થયાના થોડા સેકન્ડ પછી જ ક્રેશ થઈ ગઈ હતી. આ ભયંકર અકસ્માતમાં 242 મુસાફરોમાંથી 241 મુસાફરોના ઘટનાસ્થળે જ મોત નીપજ્યા હતા. ગુજરાતના ભૂતપૂર્વ મુખ્યમંત્રી વિજય રૂપાણી પણ ફ્લાઈટમાં હાજર હતા અને તેમનું મોત નીપજ્યું હતું.

સના આ બીમારી સામે ઝઝુમી

સના મકબૂલે થોડા દિવસો પહેલા હોસ્પિટલમાંથી પોતાનો ફોટો શેર કર્યો હતો. તે ઓટોઈમ્યુન ડિસઓર્ડરને કારણે લીવર સિરોસિસથી પીડાઈ રહી છે. સનાએ એમ પણ કહ્યું કે બિગ બોસ ઓટીટી 3માંથી બહાર આવ્યા બાદ તે ઘણું કામ કરવા માંગતી હતી. તેને કામ પણ મળ્યું પરંતુ સ્વાસ્થ્યને કારણે તેને રોકવું પડ્યું.