સની દેઓલની બહુપ્રતિક્ષિત ફિલ્મ "બોર્ડર 2" જોવા તેના ફેન્સ ઉત્સુક છે. 23 જાન્યુઆરીના દિવસે "બોર્ડર 2", મોટા પડદા પર રિલીઝ થવા માટે તૈયાર છે. અનુરાગ સિંહ દ્વારા દિગ્દર્શિત, આ ફિલ્મનું ધમાકેદાર એડવાન્સ બુકિંગ થઈ રહ્યું છે. દરમિયાન "બોર્ડર 2" ફિલ્મને લઈને ખરાબ સમાચાર સામે આવ્યા છે. અહેવાલો છે કે ફિલ્મને યુએઈ સહિત ઘણા ખાડી દેશોમાં રિલીઝ માટે મંજૂરી આપવામાં આવી નથી. તેથી "બોર્ડર 2"ને રિલીઝના એક દિવસ પહેલા જ મોટો ફટકો પડયો.
બોર્ડર-2 ફિલ્મમાં ધમાકેદાર એડવાન્સ બુકિંગ
અત્યાર સુધીમાં 1.1 લાખથી વધુ ટિકિટ વેચાઈ ગઈ છે, જેનાથી ₹3.7 કરોડની કમાણી થઈ છે. "બોર્ડર 2"ની ફિલ્મની જોરદાર ચર્ચા થઈ રહી છે. રણવીર સિંહની ધુરંધર 2025ની સૌથી મોટી હિન્દી ફિલ્મ બની છે. વર્ષ 2025માં આ ફિલ્મે ભારતમાં ₹828 કરોડ અને વિશ્વભરમાં ₹1287 કરોડની કમાણી કરી. જયારે સનીદેઓલની ફિલ્મ "બોર્ડર 2"એ અત્યાર સુધીમાં 9369 શોમાં 1.17 લાખ ટિકિટ વેચી છે. ફિલ્મ રિલીઝ પહેલા જ આટલું જોરદાર બુકિંગ જોતા દેખાય છે કે ફિલ્મ ધુરંધરને ટક્કર આપી બોક્સ ઓફિસ પર મોટી કમાણી કરી શકે છે.
