TMKOC: 8 વર્ષ પછી પરત ફરશે ભવ્ય ગાંધી? એક્ટરે કહ્યું- "મારું જીવન...!"

"તારક મહેતા કા ઉલ્ટા ચશ્મા" એક પોપ્યુલર ટેલિવિઝન શો છે. તેને ઘણા સામાન્ય લોકોને એક અલગ ઓળખ આપી છે. ભવ્ય ગાંધી તેમાંથી એક છે. ભવ્ય ગાંધી 2008માં "તારક મહેતા" શોમાં ટપ્પુની ભૂમિકા ભજવીને જોડાયો હતો.

પરંતુ ઘર-ઘરમાં જાણીતો બન્યા પછી તેને 2017માં શો છોડી દીધો. ભવ્ય હવે ગુજરાતી સિનેમાનો ભાગ છે. લાંબા સમય પછી ભવ્યે "તારક મહેતા" પર તેના કમબેક વિશે એક મોટું નિવેદન આપ્યું છે.

ભવ્ય ગાંધીએ છોડ્યો શો

"તારક મહેતા" પર 7 વર્ષ સુધી રહ્યા પછી ભવ્યએ બધાને આઘાત લાગ્યો. ફેન્સ ટપ્પુની ભૂમિકા ભજવતા બીજા એક્ટરને જોવા માટે તૈયાર ન હતા. મીડિયા રિપોર્ટમાં એવો દાવો કરવામાં આવ્યો હતો કે ભવ્યે પૈસા માટે શો છોડી દીધો હતો. એવું પણ કહેવામાં આવ્યું હતું કે તે પ્રતિ એપિસોડ 10 હજાર રૂપિયા ચાર્જ કરતો હતો.

હવે એક્ટરે આ ચર્ચાઓ પર પોતાનું મૌન તોડ્યું છે. મીડિયા સાથે વાત કરતાં ભવ્યએ કહ્યું કે "મેં ક્યારેય પૈસા માટે કામ કર્યું નથી. કે મેં પૈસા માટે શો છોડ્યો નથી." ભવ્યને પૂછવામાં આવ્યું કે શું તે પ્રતિ એપિસોડ 10 હજાર રૂપિયા ચાર્જ કરે છે. તેને જવાબ આપ્યો ના." મને ખબર નથી કે મને શો માટે કેટલો પગાર મળ્યો હતો કારણ કે હું નાનો હતો. મારા માતા-પિતા બધા વ્યવહારો સંભાળતા હતા. મેં તેમને પૂછ્યું નથી કે મને શો માટે કેટલો પગાર મળ્યો હતો."

તારક મહેતામાં પાછો ફરશે ભવ્ય ગાંધી?

ભવ્ય ગાંધીના ગયા પછી ટપ્પુની ભૂમિકા રાજ અનડકટે ભજવી હતી. પરંતુ થોડા વર્ષો પછી રાજે પણ શો છોડી દીધો. હવે નિતેશ બ્લુની આ ભૂમિકા ભજવી રહ્યો છે. ભવ્યને પૂછવામાં આવ્યું કે શું તે શોમાં પાછો ફરવા માગે છે. તેને કહ્યું કે "હા, કેમ નહીં? હું ચોક્કસપણે શોમાં પરત ફરવા માગુ છું. તે મને પૂર્ણતા આપશે."

ભવ્ય ગાંધીએ એમ પણ કહ્યું કે અસિત મોદી જ સૌથી પહેલા તેની પ્રતિભાને ઓળખતા હતા. ભવ્યના આ નિવેદન બાદ ફેન્સનો ઉત્સાહ આસમાને પહોંચી ગયો છે. ફેન્સ શોમાં તેના પરત ફરવા અંગે અટકળો લગાવી રહ્યા છે.