સાઉથ આફ્રિકન એક્ટર અર્નોલ્ડ વોસ્લૂ સાઉથ ફિલ્મોથી ભારતીય સિનેમામાં ડેબ્યૂ કરવા જઈ રહ્યા છે. હોલીવુડ ફિલ્મ દ મમીથી ચર્ચામાં આવેલા અર્નોલ્ડ વોસ્લૂ પેન ઇન્ડિયા તેલુગુ ફિલ્મ રણબલીથી ડેબ્યૂ કરશે. એક્ટર વિજય દેવરકોંડા અને રશ્મિકા મંદાનાથી સજ્જ પીરિયડ ડ્રામા ફિલ્મ રણબલીનું પોસ્ટર જાહેર થયા પછી ફિલ્મને લઈને પ્રશંસકોમાં જબરદસ્ત ઉત્સાહ છે.
દ મમીનો સ્ટાર હવે તેલુગુ ફિલ્મમાં
હોલીવુડ ફિલ્મ દ મમીમાં શાપિત હાઈ પ્રીસ્ટ ઇમ્હોતેપની ભૂમિકાથી આખી દુનિયાને દીવાના બનાવી ચૂકેલા સાઉથ આફ્રિકન એક્ટર અર્નોલ્ડ વોસ્લૂ સાઉથની તેલુગુ ફિલ્મ રણબલીમાં વિલનના પાત્રમાં એક્ટર વિજય દેવરકોંડા સામે ટકરાતા જોવા મળશે. પોતાની ઉત્કૃષ્ટ અદાકારીથી દર્શકો પર છાપ છોડી ચૂકેલા અર્નોલ્ડ ફિલ્મમાં એક બેરહેમ બ્રિટિશ ઓફિસર બન્યા છે.
