TMKOC: ટપ્પુ અને સોનુના થશે લગ્ન? તારક મહેતાના આ સ્ટાર્સે આપી મોટી ખુશખબરી!

તારક મહેતા કા ઉલ્ટા ચશ્મામાં નવા ટ્વિસ્ટ આવી રહ્યા છે. હાલમાં જ શોમાં એક નવા પરિવારની એન્ટ્રી થઈ છે. શોમાં આવેલા પરિવારમાં એક કપલ અને 2 બાળકો છે. આ કપલનું નામ રત્ના અને રૂપા બિંજોલા છે. બાળકોના નામ વીર અને બંસરી છે. તો બીજી તરફ તારક મહેતામાં નવા ટ્વિસ્ટ આવ્યા હોવા છતાં TRP મામલે 4 નંબરે છે તેથી મેકર્સ દરરોજ નવા નવા પ્રયાસો કરીને દર્શકોનુ દિલ આકર્ષવાનો પ્રયાસ કરી રહ્યા છે તો બીજી તરફ શોમાં ટપ્પુ અને સોનુના લગ્નની અફવાઓ ફેલાઈ છે.

ગોકુલધામને દુલ્હનની જેમ શણગારાયું

તારક મહેતામાં નવા પરિવારની એન્ટ્રી સાથે એક હોબાળો મચી જવા પામ્યો છે કારણ કે, નવા પરિવારનો સામન ભરેલો ટ્રક ચોરાઈ જાય છે. તેથી આખી ગોકુળધામ સોસાયટી ચિંતામાં છે. ત્યાર બાદ હવે શોમાં બંસરી અને વીરે અજાણતાં એક નવી અફવા ફેલાવી જે સાંભળીને આત્મારામ ભીડેની દુનિયા હચમચી ગઈ હતી. હકીકતમાં શોમાં ટપુ સેના ગણેશ ઉત્સવની તૈયારી કરી રહી છે. આખા ગોકુલધામને દુલ્હનની જેમ શણગારવામાં આવી રહ્યું છે. ગણપતિ બાપ્પા માટે મંડપ શણગારવામાં આવી રહ્યો છે, ઢોલવાદક બોલાવવામાં આવ્યા છે, ફટાકડા ખરીદવામાં આવ્યા છે અને ટપ્પુ સેનાએ એક પ્રદર્શન પણ તૈયાર કર્યું છે.

નવા પરિવારના બાળકોએ ફેલાવી આ અફવા

આખી ટપ્પુ સેના કમ્પાઉન્ડમાં તૈયારી કરી રહ્યા હોય છે ત્યારે વીર અને બંસરી તેમની બાલ્કનીમાં આવે છે અને આ બધું જુએ છે. આ જોઈને તેઓ વિચારવા લાગે છે કે આ બધી તૈયારીઓ કેમ થઈ રહી છે. ત્યાર બાદ ટપ્પુ સેના મંડપ, ફટાકડા, ઢોલ વિશે વાત કરે છે. અંતે ટપ્પુ સોનુને કહે છે કે બંનેની જોડી રંગ લાવશે. આ સાંભળીને બંસરીને લાગે છે કે ટપ્પુ અને સોનુના લગ્નની તૈયારીઓ ચાલી રહી છે. તે વીરને કહે છે કે ચાલો, મમ્મી-પપ્પાને આ ખુશખબર આપીએ.

શું ટપ્પુ અને સોનુના થશે લગ્ન?

ત્યાર બાદ તેઓ આ અંગે તેમના માતાપિતાને કહે છે અને આ સાંભળીને રત્ના અને રૂપા ખુશ થઈ જાય છે. હવે આગામી એપિસોડમાં બતાવવામાં આવશે કે તે બંને મીઠાઈઓ લઈને આત્મારામના ઘરે પહોંચશે. તે તેમને મીઠાઈઓ ખવડાવશે અને ટપુ અને સોનુના લગ્નની શુભેચ્છા પાઠવશે. ટપ્પુ અને સોનુના લગ્નના સમાચાર સાંભળીને આત્મારામ અને માધવી ચોંકી જાય છે. હવે આગામી એપિસોડમાં જોવા મળશે કે ટપ્પુ-સોનુના લગ્નની અફવા શું વળાંક લે છે. આ મૂંઝવણ ક્યાં સમાપ્ત થશે.