ટીવીની લોકપ્રિય પુત્રવધૂ હિના ખાન વિશે વધુ એક મોટા સમાચાર આવી રહ્યા છે. હિના ખાનને ગયા વર્ષે સ્તન કેન્સર હોવાનું નિદાન થયું હતું ત્યારબાદ તેણીએ સારવાર લીધી અને કીમોથેરાપી લીધી હતી. તેની આડઅસર પણ થઈ પરંતુ અભિનેત્રી સ્વસ્થ થવા લાગી અને આ દરમિયાન તેણીએ તેના લાંબા સમયના બોયફ્રેન્ડ રોકી જયસ્વાલ સાથે લગ્ન પણ કરી લીધા હતા. પરંતુ હવે એવું લાગે છે કે હિના ખાનની હાલત ફરીથી ખરાબ થવા લાગી છે કારણ કે તેણીએ ઇન્સ્ટાગ્રામ પર જે ફોટો શેર કર્યો છે તે જોયા બાદ લોકો સોશિયલ મીડિયા પર તેના માટે પ્રાર્થના કરી રહ્યા છે.
કેન્સરથી ઝઝુમી હિના ખાન
હિના ખાન પોતાના ઇન્સ્ટાગ્રામ દ્વારા તેના ફેન્સને સ્વાસ્થ્ય વિશેની દરેક માહિતી આપતી રહે છે. આ વખતે પણ તેણે તેના કેટલાક ફોટા શેર કર્યા છે જેમાં તેના હાથ પર ડ્રિપ અને પાટો બાંધેલો જોવા મળ્યો હતો. આ સાથે તેણે દવાઓ અથવા ઇન્જેક્શનને કારણે તેના હાથ પર બ્લૂ નિશાન પણ બતાવ્યા. આ દરમિયાન તેના હાથમાં સોજો પણ જોવા મળ્યો હતો. આ ફોટા બાદ તેના ફેન્સ ખૂબ ડરી ગયા અને અભિનેત્રીને તેના સ્વાસ્થ્ય વિશે પૂછવા લાગ્યા હતા.
હિના ખાનની હાલત જોતા જ ફેન્સ ચિંતિત
હિના ખાને એક ફોટો શેર કરતાની સાથે જ એક નોંટ શેર કરી છે અને જેમાં લખ્યું છે કે, 'મારી નસો એટલી નાજુક છે કે ઈજા અને સોજાને કારણે તેમાં કામચલાઉ નબળાઈ આવે છે.' દર બીજા દિવસે વારંવાર ઇન્જેક્શન લેવાના કારણે ઘણા દિવસો સુધી કંઈપણ પહેરવું મુશ્કેલ બની જાય છે પરંતુ શો ચાલુ જ રહેવો જોઈએ.' હિનાએ પોતાની બીમારી દરમિયાન પણ પોતાનું કામ ચાલુ રાખ્યું અને પોતાના શૂટિંગના કેટલાક ફોટા શેર કર્યા હતા. તેણે ફેન્સને પતિ રોકી સાથેની બોન્ડિંગ પણ બતાવી હતી.
હિના ખાનની હાલત એકદમ ખરાબ દેખાઈ
હિના ખાનની તબિયત ખૂબ જ ખરાબ દેખાઈ રહી હતી જેને જોઈને તેના ફેન્સ ચિંતિત થઈ ગયા અને અભિનેત્રી માટે પ્રાર્થના કરવા લાગ્યા હતા. તેઓ કહે છે કે હિના જલ્દી સ્વસ્થ થઈ જશે અને તેના ફેન્સને સારા સમાચાર આપશે. તમને જણાવી દઈએ કે, વર્ષ 2024માં હિના ખાનના કેટલાક પરીક્ષણો થયા હતા ત્યારબાદ તેણીને સ્તન કેન્સર સ્ટેજ 3 હોવાનું જાણવા મળ્યું હતું. તેમ છતાં અભિનેત્રીએ હાર માની નહીં અને તેણી સંઘર્ષ કરતી રહી. આ લડાઈમાં હિના ખાનને તેના પતિએ સારો સાથ આપ્યો. હાલમાં આ કપલ ટીવી રિયાલિટી શો પતિ, પત્ની ઔર પંગામાં જોવા મળે છે અને હિના ખાન આ શો દરમિયાન પણ તેની સફર વિશે વાત કરતી રહે છે.
