સલમાન ખાન એ બોલીવુડ સ્ટાર છે તેના ફેન્સ તેની ફિલ્મો કરતા ભાઈજાન ક્યારે વરરાજા બનશે તે જાણવા માટે વધુ ઉત્સાહિત છે. હકીકતમાં અભિનેતા 59 વર્ષની ઉંમરે પણ સિંગલ છે. તેથી જ અભિનેતાના ફેન્સના મનમાં એક જ સવાલ છે કે, સલમાન ખાને હજું સુધી કેમ નથી કર્યા લગ્ન? સલમાને પોતે વર્ષો પહેલા આ રહસ્ય ખોલ્યું હતું.
સલમાન ખાને લગ્ન વિશે શું કહ્યું ?
સલમાન ખાન વર્ષોથી હિન્દી સિનેમામાં સક્રિય છે. તેમણે ઈન્ડસ્ટ્રીમાં ઘણી સુપરહિટ ફિલ્મો આપી છે. આ સમય દરમિયાન તેમનું નામ સોમી અલી, સંગીતા બિજલાની, ઐશ્વર્યા રાય અને કેટરિના કૈફ જેવી સુંદરીઓ સાથે જોડાયું હતું પરંતુ વાત કોઈની સાથે લગ્ન સુધી પહોંચી ન હતી. અભિનેતાએ પોતાના ઇન્ટરવ્યુમાં ઘણી વખત લગ્ન વિશે વાત કરી છે. તે જ સમયે, એક વખત તેમણે કહ્યું હતું કે તે લગ્ન કરવા માટે ઉત્સુક હતો.
હું લગ્ન કરવા માટે ઉત્સુક છું: સલમાન
વાસ્તવમાં આ ઘટના ત્યારે બની હતી જ્યારે સલમાન ખાન 2016માં તેની બ્લોકબસ્ટર ફિલ્મ 'સુલતાન'નું પ્રમોશન કરી રહ્યો હતો. આ સમય દરમિયાન તેણે એક કાર્યક્રમમાં એવું કહીને હેડલાઇન્સ બનાવી હતી કે તે લગ્ન કરવા માટે ઉત્સુક છે. અભિનેતાએ કહ્યું હતું કે, પ્રેમના મામલામાં હું ખૂબ જ કમનસીબ રહ્યો છું પરંતુ લોકોની નજરમાં મારી છબી ખોટી રહે છે.' સલમાને આગળ કહ્યું હતું કે, 'ખરેખર, હું લગ્ન કરવા માટે ખૂબ જ ઉત્સુક છું. હું હંમેશા બીજા પક્ષના સંમત થવાની રાહ જોઉં છું પરંતુ પુરુષ કંઈપણ નક્કી કરતો નથી. સ્ત્રી બધું નક્કી કરે છે.
સલમાન ખાનનું અંગત જીવન ચર્ચામાં
તમને જણાવી દઈએ કે, 'દબંગ' ફિલ્મના ડિરેક્ટર અભિનવ કશ્યપે ભાઈજાન વિશે વિવાદાસ્પદ નિવેદન આપીને બધાને ચોંકાવી દીધા છે. 'દબંગ' ફિલ્મના ડિરેક્ટર અભિનવે સલમાન ખાનની આકરી ટીકા કરી હતી અને તેને ખૂબ જ ખરાબ કહ્યો હતો. અભિનવે સલમાન ખાનને ગુંડો અને ખરાબ વર્તન કરનાર પણ કહ્યો હતો. એટલું જ નહીં, અભિનવે સલમાન ખાન તેમજ ખાન પરિવાર પર પણ નિશાન સાધ્યું હતું. વર્ક ફ્રન્ટ વિશે વાત કરીએ તો, બોલીવુડ સુપરસ્ટાર આ દિવસોમાં તેના રિયાલિટી શો 'બિગ બોસ 19'ના શૂટિંગમાં વ્યસ્ત છે. સલમાન ખૂબ જ ટૂંક સમયમાં ફિલ્મ 'બેટલ ઓફ ગલવાન'માં જોવા મળશે.
