રશ્મિકા મંડન્ના અને વિજય દેવરકોંડાના લગ્ન ઉદયપુરમાં ખૂબ જ ધામધૂમ અને પારંપરિક રિત રિવાજ પ્રમાણે થયા. 'વિરોશ'ના લગ્નની તસવીરો સોશિયલ મીડિયા પર ખૂબ વાયરલ થઈ છે. ફેન્સને તસવીરોમાં વિજય અને રશ્મિકાનો લુક વધુ પસંદ આવ્યો. વિજય અને રશ્મિકાના લગ્નમાં ફક્ત પરિવારના લોકો અને નજીકના મિત્રો જ હાજર હતા. જો કે બોલીવુડ અભિનેત્રી કૃતિ સેનન અને કલ્યાણી પ્રિયદર્શિની સહિત અનેક અગ્રણી હસ્તીઓએ લગ્નમાં મહેમાન બની હાજરી આપી હતી. વિજય અને રશ્મિકના લગ્નની તસવીરો જોઈ કૃતિ સેનન ભાવુક થઈ. કૃતિ સેનને આ કપલને અભિનંદન આપવા માટે ખાસ ઇમોશનલ પોસ્ટ શેર કરી.
જીવનભર આ સ્મિત રહે, કૃતિ સેનન
આ દંપતીએ લગ્નના સુંદર ફોટા પણ શેર કર્યા હતા, જે ઝડપથી સોશિયલ મીડિયા પર વાયરલ થયા હતા. વાયરલ ફોટા પર કૃતિ સેનને પ્રતિક્રિયા આપી. કૃતિ સેનને ઇન્સ્ટાગ્રામ સ્ટોરીઝ પર વિજય અને રશ્મિકાના લગ્નનો ફોટો શેર કર્યો અને લખ્યું, "ઉફ્ફ... આ ફ્રેમમાં ખૂબ જ પ્રેમ અને ખુશી. તમારા બંનેને અભિનંદન. તમને જીવનભર સુંદર યાદો અને પ્રેમની શુભેચ્છા. રાશુ, હું તમારા માટે ખૂબ જ ખુશ છું. તમારું સ્મિત મને ભાવુક કરી ગયું. તમે અત્યાર સુધીના સૌથી શુદ્ધ હૃદયના વ્યક્તિ છો. મારા મિત્ર, તમે ખૂબ જ ખુશીના હકદાર છો. તમને ખૂબ જ પ્રેમ મોકલી રહ્યા છો."
