પટૌડી પરિવારની વહુરાણીમાં શું છે ખોટ? કરીના કપૂરની સાસુએ કર્યો મોટો ખુલાસો

• કરીના કપૂર ફિલ્મોની સાથે લગ્ન જીવનને સારી રીતે કરે છે હેન્ડલ
  
• કરીના કપૂરને તેમની વહુ તરીકે મેળવીને ખુશ છે: શર્મિલા ટાગોર
• કરીના બધાના સંપર્કમાં રહે છે તે મને ખૂબ જ પસંદ છે: શર્મિલા ટાગોર

બોલીવુડ અભિનેત્રી કરીના કપૂર ખાન પોતાની ફિલ્મોની સાથે સાથે અંગત જીવનને કારણે પણ ચર્ચામાં રહે છે. કરીના કપૂરે 2012માં પોતાનાથી 10 વર્ષ મોટા અભિનેતા સૈફ અલી ખાન સાથે લગ્ન કર્યા હતા. ત્યાર બાદ તે પ્રખ્યાત પટૌડી પરિવારની વહુરાણી બની હતી.

કરીના કપૂર ખાન પટૌડી પરિવારની વહુ

કરીના કપૂર પોતાની પ્રોફેશનલ લાઈફની સાથે સાથે લગ્ન જીવનને પણ સારી રીતે હેન્ડલ કરી રહી છે. કરીના કપૂર અને સૈફ અલી ખાનને બે પુત્રો તૈમૂર અને જેહ છે. કરીના કપૂર પોતાના પરિવાર સાથે પ્રેમ અને સ્નેહથી સમય પસાર કરે છે અને ફિલ્મોની સાથે પૂરો સમય આપતી જોવા મળે છે.

કરીના કપૂરનું સાસું સાથે કેવું છે બોન્ડિંગ?

તમને જણાવી દઈએ કે હિન્દી સિનેમાની દિગ્ગજ અભિનેત્રી શર્મિલા ટાગોર અભિનેત્રી કરીના કપૂરની સાસુ છે. સાસુ અને વહુ વચ્ચે ખૂબ જ સારું બોન્ડિંગ છે. બંને કેમેરા સામે ખુલીને એકબીજા વિશે વાત કરતા જોવા મળે છે. એક જૂના ઈન્ટરવ્યુમાં કરીના કપૂર ખાને તેની સાસુ શર્મિલા ટાગોરને પૂછ્યું હતું કે પુત્રવધૂ તરીકે મારામાં શું ખામી છે અને તેણે પોતાનામાં શું સુધાર લાવવાની જરૂર છે. આના પર શર્મિલા ટાગોરે કહ્યું હતુંકે, તમે બધાના સંપર્કમાં રહો અને મને આ રીતે ગમે છે.

'તમે જાણો છો કે કેવી રીતે તમારી જાતને શાંત રાખવી'

શર્મિલા ટાગોરે કહ્યું હતું કે, જો કોઈ તમને મેસેજ કરે તો તમે તેને તરત જ જવાબ આપો જે એક સારી આદત છે. તમે સુંદર છો અને તમારી પાસે ધીરજ પણ છે. આ બધી આદતો સારી છે. તમે જાણો છો કે તમારી જાતને કેવી રીતે શાંત રાખવી. શર્મિલા ટાગોરે કરીના કપૂરને કહ્યું હતું કે, તમારામાં કોઈ ખામી નથી. તમે સારા છો. પરંતુ હંમેશા તમે જેવા છો તેવા જ રહો. તમારી જાતને બદલશો નહીં.

પુત્રવધૂ અને પુત્રી વચ્ચે શું તફાવત છે?

એક ઈન્ટરવ્યુમાં તેમણે કહ્યું હતું કે તેમની વહુ કરીના કપૂર ખૂબ સારી છે. કરીનાને તેની વહુ તરીકે મેળવીને તે ખુશ છે. જ્યારે શર્મિલા ટાગોરને પૂછવામાં આવ્યું કે વહુ અને દીકરીમાં શું ફરક છે તો તેમણે કહ્યું હતું કે જો તમે તમારી દીકરીને ઘણા વર્ષોથી ઉછેરતા હોવ તો તમે તેની પસંદ-નાપસંદ સારી રીતે જાણો છો.

શર્મિલા ટાગોરે કહ્યું કે, તમે જે વ્યક્તિનો ઉછેર કરો છો તેના સ્વભાવ વિશે તમે જાણો છો. જોકે પુત્રવધૂ પહેલેથી જ બુદ્ધિશાળી છે પરંતુ તમે તેના વિશે ઘણી બધી બાબતો જાણતા નથી. આવી સ્થિતિમાં પુત્રવધૂ સાથે ટ્યુનિંગ સ્થાપિત કરવામાં સમય લાગે છે.

કરીના કપૂરના લગ્નને 12 વર્ષ થયા

તમને જણાવી દઈએ કે કરીના કપૂરના લગ્નને 12 વર્ષ થયા છે. કરીના એક સારી વહુ તરીકે પરિવારને સંભાળતી જોવા મળે છે. કરીના કપૂર માત્ર તેની સાસુ શર્મિલા ટાગોર સાથે જ નહીં પરંતુ તેની બે નણંદ સાથે પણ ખૂબ જ સારી બોન્ડિંગ ધરાવે છે.