સલમાન ખાન અને ઐશ્વર્યા રાયના સંબંધોનો ઈતિહાસ કોઈનાથી છુપાયેલો નથી. મીડિયા રિપોર્ટ્સ મુજબ બંને વચ્ચે નિકટતા સંજય લીલા ભણસાલીની ફિલ્મ 'હમ દિલ દે ચૂકે સનમ'ના સેટ પર વધી હતી. શૂટિંગ દરમિયાન બંને એકબીજાના પ્રેમમાં પડ્યા હતા.
સલમાન ખાન અને ઐશ્વર્યા રાય વચ્ચેનો સંબંધ લાંબો ચાલ્યો નહીં અને બંને અલગ થઈ ગયા. બંનેના બ્રેકઅપની ખૂબ ચર્ચા થઈ હતી. સલમાન ખાનથી અલગ થયા બાદ ઐશ્વર્યાએ એક્ટર પર શારીરિક અને ભાવનાત્મક શોષણનો આરોપ લગાવ્યો હતો. આવી પરિસ્થિતિમાં હવે ઐશ્વર્યા અને સલમાનના બ્રેકઅપને લઈને સોહેલ ખાનની એક કોમેન્ટ ખૂબ જ ઝડપથી વાયરલ થઈ રહી છે.
સોહેલ ખાને જણાવ્યું સત્ય
મીડિયા રિપોર્ટ મુજબ સોહેલ ખાને જાહેરમાં સલમાન ખાન પર વિવિધ આરોપો લગાવવા માટે ઐશ્વર્યા રાયની આલોચના કરી હતી. સોહેલે કહ્યું હતું કે તેના પરિવારે ઐશ્વર્યાને ખુલ્લા દિલથી અપનાવી હતી. ઐશ્વર્યાએ પરિવાર સાથે સમય વિતાવ્યો હતો. પરંતુ ઐશ્વર્યાએ સલમાન ખાન સાથેના તેના સંબંધોને ન સ્વીકારવા અને તેના વિશે ખુલ્લેઆમ વાત ન કરીને ઈનસિક્યોર બનાવી દીધી હતી. સોહેલ ખાને એ પણ ખુલાસો કર્યો હતો કે સલમાન ખાન હંમેશા એ જાણવા માંગતો હતો કે ઐશ્વર્યા તેની સાથે રહેવા માંગે છે.
સોહેલ ખાને સલમાન વિશે કહી આ વાત
સોહેલ ખાને મીડિયા સાથે વાતચીત કરતાં કહ્યું હતું કે, 'ઐશ્વર્યા હવે જાહેરમાં રડે છે. જ્યારે તે પરિવારના એક ભાગ તરીકે અવારનવાર અમારા ઘરે આવતી હતી. તો શું તેણે ક્યારેય આ સંબંધનો સ્વીકાર કર્યો હતો? ના, તેણે ક્યારેય સ્વીકાર્યું નહીં. ઐશ્વર્યાના આવા વર્તનથી સલમાન ખાન હંમેશા ઈનસિક્યોર રહેતો હતો. સલમાન હંમેશા એ જાણવા માંગતો હતો કે તે તેને કેટલો પ્રેમ કરે છે પરંતુ તેણે ક્યારેય તેના વિશે વાત નથી કરી.
