‘ફાઇટર’નો ફર્સ્ટ લુક આવ્યો સામે, ક્યાંરે રિલીઝ થશે રિતિક રોશનની ફિલ્મ?

• રિતિકે શેર કર્યુ પોસ્ટર
  
• દેશભક્તિ આધારિત છે ફિલ્મ
• રિતિકના કરીયરની સૌથી મોટી બ્લોકબસ્ટર હશે ફિલ્મ?

બોલિવૂડ એક્ટર રિતિક રોશન આ દિવસોમાં પોતાની આગામી ફિલ્મ 'ફાઈટર'ને લઈને ચર્ચામાં છે. આ ફિલ્મમાં તેની સાથે દીપિકા પાદુકોણ લીડ રોલમાં જોવા મળશે. હવે રિતિક રોશનની ફિલ્મ 'ફાઇટર'નો ફર્સ્ટ લુક સામે આવ્યો છે. આ જોઈને ચાહકો આનંદથી ઉછળી પડ્યા છે.

દેશભક્તિ પર છે ફિલ્મ

દેશભક્તિ પર આધારિત ફિલ્મ 'ફાઇટર'નો ફર્સ્ટ લૂક શેર કરીને રિતિક રોશને તેના પેટી ઉર્ફે સ્ક્વોડ્રન લીડર શમશેર પઠાનિયાના પાત્ર વિશે પણ જણાવ્યું. અભિનેતાએ લખ્યું, "સ્ક્વોડ્રન લીડર શમશેર પઠાનિયા, કોલ સાઇન: પેટી, હોદ્દો: સ્ક્વોડ્રન, પાયલટ, યુનિટ: એર ડ્રેગન, ફાઇટર ફોરેવર..."

રિતિકે શેર કર્યું પોસ્ટર

રિતિક રોશનની ફિલ્મના આ પોસ્ટરમાં બતાવવામાં આવ્યું છે કે તે પાયલટના રોલમાં જોવા મળશે. સિદ્ધાર્થ આનંદના નિર્દેશનમાં બનેલી આ ફિલ્મ એક્શન અને દેશભક્તિની આસપાસ ફરતી વાર્તા છે. ફાઈટર ફિલ્મમાં રિતિક રોશનના લુકે ચાહકોને ખૂબ જ પ્રભાવિત કર્યા છે. લોકો આના પર કોમેન્ટ કરી રહ્યા છે અને તેને રિતિકની કરિયરની સૌથી મોટી બ્લોકબસ્ટર ગણાવી રહ્યા છે.

2025માં રિલિઝ થશે ફિલ્મ

તમને જણાવી દઈએ કે દીપિકા પાદુકોણ પહેલીવાર ફિલ્મ ફાઈટરમાં રિતિક રોશન સાથે સ્ક્રીન શેર કરશે. જેના કારણે ફેન્સ આ ફિલ્મને લઈને ખૂબ જ ઉત્સાહિત છે. આ સિવાય અનિલ કપૂર પણ આ ફિલ્મમાં લીડ રોલમાં જોવા મળશે. આ ફિલ્મ આવતા વર્ષે 25 જાન્યુઆરી 2024ના પ્રજાસત્તાક દિવસના અવસરે રિલીઝ થશે. ફિલ્મ ફાઈટર સિવાય રિતિક રોશનની ફિલ્મ વોર 2ને લઈને પણ ઘણી ચર્ચા થઈ રહી છે. આ ફિલ્મ વર્ષ 2025માં રીલિઝ થશે જેના માટે ચાહકોએ લાંબી રાહ જોવી પડશે.