- વિકીએ પહેલી વાર જાહેરમાં પત્ની વિશે વાત કરી
- કેટરીનાની ટુવાલ ફાઈટની જોરશોરથી ચર્ચા
- ટાઈગર 3 ફિલ્મ સાથે જોવા માટે પહોચ્યું હતું કપલ
બોલિવૂડ એક્ટર વિકી કૌશલ આ દિવસોમાં ખૂબ જ વ્યસ્ત છે. 'સામ બહાદુર' અંગે દરરોજ નવી નવી અપડેટ મળી રહી છે. ફિલ્મમાંથી વિકી કૌશલના ઘણા લુક્સ પણ સામે આવ્યા છે, જેને ખૂબ જ સારો રિસ્પોન્સ પણ મળ્યો છે. આ ફિલ્મમાં વિકી આર્મી ઓફિસરના રોલમાં જોવા મળશે. વિકીએ આ પહેલા પણ બે વખત આર્મી ઓફિસરની ભૂમિકા ભજવી છે. આવી સ્થિતિમાં, ચાહકો તેને ફરી એકવાર આ પાત્રમાં જોવા માટે ખૂબ જ ઉત્સાહિત છે.
પ્રમોટ કરવા માટે પહોંચ્યો હતો
આ દિવસોમાં અભિનેતા ફિલ્મના પ્રમોશનમાં વ્યસ્ત છે. હાલમાં જ વિકી કૌશલ પોતાની ફિલ્મના પ્રમોશન માટે એક શોમાં પહોંચ્યો હતો. જ્યાં તેણે ઘણા મુદ્દાઓ પર ખુલીને વાત કરી છે. આ દરમિયાન વિકીએ તેની પત્ની કેટરિના કૈફની 'ટાઈગર 3'માં ટોવેલ ફાઈટ સીન પર પણ પોતાની પ્રતિક્રિયા આપી છે. તમે બધા જાણો છો કે વિક્કી કૌશલ જ્યાં પણ જાય છે, તે ચોક્કસપણે તેની પત્ની વિશે વાત કરે છે. આવી સ્થિતિમાં આ વખતે પણ તેણે કંઈક આવું જ કર્યું છે. ખરેખર, તાજેતરમાં જ વિકી તેની ફિલ્મ 'સામ બહાદુર'ના પ્રમોશન માટે એક શોમાં પહોંચ્યો હતો. આ દરમિયાન તેમણે ઘણા મુદ્દાઓ પર ખુલીને વાત કરી હતી.
મને મારી પત્ની પર ગર્વ છે
આ દરમિયાન જ્યારે વિકીને આ સવાલ પૂછવામાં આવ્યો કે, શું તમે 'ટાઈગર 3'માં કેટરિના કૈફનો ટુવાલ ફાઈટ સીન જોયો હતો, તેના પર તમારી પ્રતિક્રિયા શું હતી? આ સવાલનો જવાબ આપતા વિકી કૌશલે કહ્યું, 'હું ફિલ્મના સ્ક્રીનિંગમાં ગયો હતો અને અમે સાથે ફિલ્મ જોઈ રહ્યા હતા. આ દરમિયાન જ્યારે ટુવાલ ફાઈટનો સીન આવ્યો ત્યારે સીનની વચ્ચે મેં મારી પત્નીને કહ્યું, મને નથી લાગતું કે હવેથી હું તારી સાથે દલીલ કરી શકું. આ સિવાય વિકી કૌશલે કેટરિના કૈફના વખાણ કરતા કહ્યું કે તેને તેની પત્ની પર ગર્વ છે.
