ઊંઘમાં 23 વર્ષની યુવતીને હાર્ટ એટેક આવ્યો અને જીવ ગુમાવ્યો

• અરવલ્લીમાં હાર્ટ એટેકથી 23 વર્ષીય યુવતીનું મોત
  
• હોસ્પિટલ ખાતે લઈ જતા હાજર તબીબે યુવતીને મૃત જાહેર કરી
• મેઘરજના કંભરોડામાં હાર્ટ એટેકથી યુવતીનું મોત

રાજ્યમાં હાર્ટ એટેકે વધુ એકનો ભોગ લીધો છે. જેમાં અરવલ્લીમાં હાર્ટ એટેકથી 23 વર્ષીય યુવતીનું મોત થયુ છે. મેઘરજના કંભરોડામાં હાર્ટ એટેકથી યુવતીનું મોત થતા પરિવારમાં શોકનો માહોલ છે. જેમાં રાત્રે ઊંઘમાં યુવતીને હાર્ટ એટેક આવ્યો હતો.

દરરોજ સરેરાશ એકથી ત્રણ હાર્ટ અટેકના કિસ્સા આવે છે

યુવતીને 108 મારફતે હોસ્પિટલ ખાતે લઈ જતા હાજર તબીબે યુવતીને મૃત જાહેર કરી છે. રાજ્યમાં સતત વધી રહેલા હાર્ટ અટેક અને તેનાથી થતાં મોતના કિસ્સાએ ચિંતા વધારી છે. નાની વયે હાર્ટ અટેકના કેસ ચિંતાજનક રીતે વધી રહ્યા છે. કોરોના બાદ નાની વયે આવતા હાર્ટ અટેક અને તેનાથી થતાં મોતની સિલસિલો થંભવાનું નામ લેતો નથી. રાજ્ય દરરોજ સરેરાશ એકથી ત્રણ હાર્ટ અટેકના કિસ્સા બની રહ્યાં છે.

વોલીબોલ રમતા હતા એ દરમ્યાન હાર્ટ એટેક આવ્યો

તાજેતરમાં તાપીના વાલોડમાં 36 વયે હાર્ટ અટેક આવતા પ્રોફેસરનું નિધન થયુ હતુ. નાની વયે અચાનક મોતથી પરિવારમાં શોકનો માહોલ છે. પ્રોફેસર ગૌરવ ચૌધરી સરકારી વિજ્ઞાન કોલેજ વાલોડના ફિઝિકલના પ્રોફેસર હતા. વાલોડ સાયન્સ કોલેજમાં ફરજ બજાવતા પ્રોફેસરને હાર્ટ એટક આવતા તેઓ ઢળી પડ્યાં હતા. ગૌરવ ચૌધરી વોલીબોલ રમતા હતા એ દરમ્યાન હાર્ટ એટેક આવતા તેઓ મેદાનમાંજ ઢળી પડ્યાં હતા. ત્યારબાદ તેમને હોસ્પિટલ પહોંચાડવામાં આવ્યાં હતા. જો કે દુર્ભાગ્યવશ ડોક્ટરે તેમને મૃત જાહેર કર્યા હતા.