અમદાવાદમાં જ નકલી દારૂ બનાવવાનું કારખાનું ઝડપાયું

• મોતીબાગની ચાલીમાં ચાલી રહ્યું હતું દારૂનું કારખાનું
  
• અસરફી લાલ સરોજ નામનો શખ્સ બનાવતો હતો દારૂ
• 147 દારૂની બોટલો અને બિયરની બોટલ કબ્જે કરાઇ

રાજ્યમાં નકલી બનાવચના કારખાના સામે આવી રહ્યા છે ત્યારે હવે નકલી કેમિકલ મિક્સ દારૂનો જથ્થો પણ સામે આવી રહ્યો છે. અમદાવાદમાં હલકી ગુણવત્તાનો દારૂ પેક કરવાનું રેકેટ ઝડપાયું છે. જેમાં હલકી ગુણવત્તાનો દારૂ મોંઘી બોટલમાં ભરીને વેચવામાં આવતો હોવાની માહિતી સામે આવી છે. જેમાં અમદાવાદ શહેરના ઓઢવમાં પીસીબી એ દરોડા કરી ઈંગ્લીશ દારૂનો જથ્થો પકડી પાડયો છે.

આ અંગેની માહિતી અનુસાર, અમદાવાદમાં ઓઢવની ચાલીમાં વ્હીસ્કીની બોટલના દારૂને સ્કોચની બોટલમાં ભરવામાં આવતો હતો એટલે અમદાવાદમાં જ મોંઘી દારૂની બોટલમાં સસ્તો દારૂ ભરવામાં આવતો હતો. પીસીબીને જાણ થતાં 89,030 રૂપિયાનો મુદ્દામાલ સાથે એક આરોપીને ઝડપી પાડયો છે જ્યારે અન્ય 2 આરોપી ફરાર છે.

 બાતમી આધારે ઓઢવમાં આવેલી મોતી ભગતની ચાલીમાં દરોડા કર્યા હતા, જ્યાંથી ઈંગ્લીશ દારૂની બોટલ અને બીયરના ટીન મળી કુલ 147 દારૂની બોટલ મળી આવી હતી. આ ઉપરાંત અલગ અલગ બ્રાન્ડના ડુપ્લીકેટ બૂચ, સ્ટીકર, 91 વિવિધ બ્રાન્ડ બોટલ મળી આવી હતી. આ તમામ મુદ્દામાલ સાથે અશરફીલાલ સરોજ નામના આરોપીની ધરપકડ કરી છે. ચેતક શાહ અને સંજય ગોહિલ નામના અન્ય 2 આરોપી ફરાર છે જેની તપાસ ચાલી રહી છે.

તેમજ મુદ્દામાલ અને આરોપીને ઓઢવ પોલીસને સોંપ્યા છે. પકડાયેલો આરોપી વ્હીસ્કીની બોટલના દારૂને સ્કોચની બોટલમાં ભરીને વેચતો હતો. એક પ્રકારનું ડુપ્લીકેટ દારૂ પેક કરવાની ફેક્ટરી જ હતી. જેમાં રાજ્યમાં દારૂ બંધી અને અમદાવાદમાં દારૂબંધી પર અનેક સવાલો ઉભા થયા છે. જ્યારે મામલે પોલીસે એક આરોપીની ધરપકડ કરી, 2 વોન્ટેડ જાહેર કર્યા છે.