અરવલ્લી જિલ્લાના ટીંટોઈ વિસ્તારના એક ગામમાં મામા-ભાણીના પવિત્ર સંબંધને કલંકિત કરતી ઘટના સામે આવી છે. નરાધમ મામાએ પોતાની સગી 13 વર્ષની ભાણીને પોતાની હવસનો શિકાર બનાવી છે. આ ઘટનાએ સમગ્ર જિલ્લાને હચમચાવી નાખ્યો છે.
પીડિત કિશોરીના પરિવારજનોએ ટીંટોઈ પોલીસ સ્ટેશનમાં આરોપી મામા વિરુદ્ધ ફરિયાદ નોંધાવી છે. પોલીસ દ્વારા તાત્કાલિક કાર્યવાહી હાથ ધરીને ગણતરીના કલાકોમાં જ આરોપી મામાને ઝડપી પાડવામાં આવ્યો છે. આરોપી મામાએ 13 વર્ષની માસૂમ ભાણીને લાલચ આપીને અને તેનું અપહરણ કરીને દુષ્કર્મ આચર્યું હોવાનો આરોપ છે. આ ઘૃણાસ્પદ કૃત્યથી પીડિત કિશોરી માનસિક અને શારીરિક રીતે ભાંગી પડી છે.
