Banaskantha: લાખણીમાં ગામ લોકોની દારૂબંધી, દારુ પીનારા અને વેચનારાનો કરાશે બહિષ્કાર

ઉત્તર ગુજરાતના બનાસકાંઠા જિલ્લામાં દારૂબંધીનો કાયદો નિષ્ફળ સાબિત થયો હોય તેમ ગામના લોકોએ જાતે જ દારૂબંધીનો નિર્ણય લીધો છે. જિલ્લાના લાખણીના ડેરા ગામમાં લોકોએ જાતે જ દારૂબંધીનો નિર્ણય લીધો છે. દારૂના દૂષણને ડામવા માટે ગામ લોકોએ જાતે જ નિર્ણય લીધો છે. જે પણ વ્યક્તિ ગામમાં દારુ પીશે અથવા તો વેચશે તેનો ગામમાંથી બહિષ્કાર કરવામાં આવશે.

સરકારની દારૂબંધી પર અનેક સવાલો ઉભા થયા

પ્રાપ્ત વિગતો પ્રમાણે બનાસકાંઠા જિલ્લાના લાખણીના ડેરા ગામમાં લોકોએ સ્વયંભૂ દારૂબંધીનો નિર્ણય લીધો છે. ગામમાંથી દારૂના દૂષણને ડામવા માટે લોકો આગળ આવ્યા છે. ગુજરાતમાં દારૂબંધીનો કાયદો છે છતાં કાયદાનો અમલ નહીં થતાં ગામ લોકોએ જાતે જ ગામમાં દારૂબંધી કરી દીધી છે. કાયદાનો અમલ નહીં થતાં બનાસકાંઠામાં સરકારની દારૂબંધી પર અનેક સવાલો ઉભા થયા છે.

ગામ લોકોએ સ્વયંભુ સાથે મળી દારૂના દુષણને ડામવા નિર્ણય કર્યો

લાખણીના ડેરા ગામના લોકોએ એકજૂટ થઈને દારૂબંધીનો નિર્ણય લીધો છે. ગામમાં હવેથી દારુ વેચવા, પીવા કે બનાવવા પર પ્રતિબંધ મુકવામાં આવ્યો છે. ગામમાં દારૂનું વેચાણ કરનારા અને દારુ પીનારા લોકોનો બહિષ્કાર કરવામાં આવશે. આ પ્રકારના માણસોના ઘરના કોઈપણ પ્રસંગે ગામનો એક પણ માણસ હાજર નહીં રહે. જો કોઈ વ્યક્તિ દારૂનું વેચાણ કે દારૂ પીવાનું કાર્ય કરશે તો ગામ લોકો તે પરિવારનો બહિષ્કાર કરવામાં આવશે. ગામ લોકોએ સ્વયંભુ સાથે મળી દારૂના દુષણને ડામવા નિર્ણય કર્યો છે.