Bharuch: જંબુસરમાં ટેકાના ભાવે તુવેરદાળ વેચવા આવેલા ખેડૂતોની લાઈનો લાગી

રાજ્ય સરકારે તુવેર દાળની ટેકાના ભાવે ખરીદી શરૂ કરી છે. રાજ્યના ખેડૂતો પાસેથી ટેકાના ભાવે તુવેરદાળની ખરીદી શરૂ કરવામાં આવી છે. ત્યારે ભરૂચના જંબુસરમાં શુક્રવારે વહેલી સવારથી ખેડૂતોની લાઈનો લાગી હતી. જે મોડી રાત સુધી જોવા મળી હતી. સવારથી સાંજ સુધીમાં ત્રણ હજાર બેગ તુવેર દાળની ખરીદી કરવામાં આવી છે.

ટ્રેક્ટર સહિતના વાહનોમાં તુવેર દાળ ભરીને લાવ્યા

પ્રાપ્ત વિગતો પ્રમાણે ભરૂચના જંબુસરમા શુક્રવારે વહેલી સવારથી જ ટેકાના ભાવે તુવેર વેચવા માટે ખેડૂતો ની લાઈનો લાગી હતી. વહેલી સવારથી લાગેલી લાઈનો મોડી રાત સુધી જોવા મળી હતી. ખેડૂતો ટ્રેક્ટર સહિતના વાહનોમાં તુવેર દાળ ભરીને લાવ્યા હતાં. દાળ વેચવા માટે ખેડૂતો વહેલી સવારથી જ લાઈનમાં ઉભા રહ્યા હતાં. ગુજ એગ્રો નામની કંપની દ્વારા ખેડૂતો પાસેથી ટેકાના ભાવે તુવેરદાળની ખરીદી કરવામાં આવી રહી છે.

ખેડૂતોના વાહનોની લાંબી લાઈનો જોવા મળી

જંબુસરમાં યુનિયન જીનની બાજુના કમ્પાઉનમા સરકાર દ્વારા ટેકાનાં ભાવે તુવેરની ખરીદી કરવામાં આવી છે. વહેલી સવારથીજ ખેડૂતો પોતાના ટેકટરો લઈને તુવેર વેચવા માટે લાઈનમાં લાગ્યા હતાં. સવાર થી સાંજ સુધીમાં 3 હાજર બેગની ખરીદી કરવામાં આવી હતી. 7550ના ભાવે ખેડૂતોની તુવેર ખરીદવામાં આવતા ખેડૂતોનો ઘસારો જોવા મળ્યો હતો. રાતના સમયે રોડ પર ખેડૂતોના વાહનોની લાંબી લાઈનો જોવા મળી હતી.