Botad અધિક જિલ્લા મેજિસ્ટ્રેટનું કામદારોને લઈ જાહેરનામું પ્રસિદ્ધ

બોટાદ જિલ્લામાં વિવિધ ઔધોગિક એકમોમાં રોજગારી અર્થે મજુરો/કારીગરો/કર્મચારીઓ દેશ/રાજ્ય/જિલ્લા બહારથી મોટી સંખ્યામાં રોજગારી અર્થે ઘરઘાટી, ચોકીદા૨, કારખાનામાં, મકાન બાંધકામમાં, પોલ્ટ્રી ફાર્મ ઉધોગમાં, હીરા ઉધોગમાં, ફેક્ટરીઓમાં અને ખેતીના તેમજ વેપા૨-ધંધામાં મજુ૨ તરીકે જિલ્લામાં આવે છે. જેમાં અમુક ગુનાહિત ઇતિહાસ ધરાવતા તથા ગુનાહિત માનસ ધરાવતા ઇસમો હોય તેવી સંભાવના નકારી શકાય તેમ નથી.

આંતરીક સુરક્ષા માટે પણ આ બાબત યોગ્ય અને ઇચ્છનીય નથી

અમુક કિસ્સાઓમાં તેમના વતનમાં કે અન્ય શહે૨માં ગંભી૨ ગુનાઓ આચરી અન્ય જિલ્લામાં આશરો લેતા હોય અને આવા મજુરોના ટુકા નામ સિવાય માલિક પાસે વિશેષ કોઇ માહિતી હોતી નથી જેથી આવા સંજોગોમાં કાયદો અને વ્યવસ્થા જાળવવા અને ભવિષ્યમાં કોઇ ગુનેગા૨ ગુનો કરી નાસી જાય તેવા સંજોગો માટે વ્યક્તિની ચોક્કસ ઓળખ પ્રસ્થાપિત થવી આવશ્યક જણાય છે. ઉપરાંત પ્રવર્તમાન સંજોગોને ધ્યાને લેતા દેશની આંતરીક સુરક્ષા માટે પણ આ બાબત યોગ્ય અને ઇચ્છનીય નથી.

નાગરીક સુરક્ષા સંહિતા,૨૦૨૩ની કલમ-૧૬૩ મુજબ જાહેરનામું

જેથી તે માટે જાહે૨ હિતમાં બોટાદ અધિક જિલ્લા મેજિસ્ટ્રેટ પી.એલ.ઝણકાતે ભારતીય નાગરીક સુરક્ષા સંહિતા,૨૦૨૩ની કલમ-૧૬૩ (ભારતના ફોજદારી કાર્યરીતી અધિનિયમ- ૧૯૭૩(૧૯૭૪નો ૨ જો)ની કલમ-૧૪૪) થી તેમને મળેલી અધિકા૨ની રૂએ ફ૨માવ્યુ છે કે, હાલની સાંપ્રત પરિસ્થિતીને ધ્યાને રાખી, રોજગારી આપતી વખતે રોજગા૨ આપના૨ સંસ્થા કે, એકમ,ઉદ્યોગે કામદારોના નામ, સ૨નામા, મો.નં., પુર્વ ઇતિહાસ, નાગરિકતા અને ઓળખ નક્કી થઇ શકે તેવા તમામ આધાર પુરાવા ( ચુંટણી કાર્ડ, આધારકાર્ડ, ડ્રાઇવિંગ લાઇસન્સ, પાસપોર્ટ, વિ.) ફરજીયાત મેળવીને લગત પોલીસ સ્ટેશન ખાતે જાણ ક૨વાની ૨હેશે. જાહે૨નામાનો ઉલ્લંઘન ક૨ના૨ વિરુદ્ધ ગુજરાત પોલીસ અધિનિયમ-૧૯૫૧ની કલમ ૩૩, ૩૬ અને ૩૭ મુજબ આ ભંગ ક૨ના૨ વિરૂધ્ધ G.P.Act- ૧૩૧, ૧૩૫ મુજબ શિક્ષાને પાત્ર થશે.જાહેરનામાના અમલ તથા તેના ભંગ બદલ પગલાં લેવા હેડ કોન્સ્ટેબલથી નીચેના ન હોય તેવા અધિકારીને અધિકૃત ક૨વામાં આવે છે.