Suratના ઓલપાડમાં સહકારી મંડળી લિમિટેડ દ્વારા શતાબ્દી મહોત્સવનું આયોજન કરાયું

ઓલપાડ તાલુકાના કોબા ગામે આવેલ ધી કોબા ગ્રુપ વિવિધ કાર્યકારી સહકારી મંડળીના 100 વર્ષ પૂર્ણ થતા શતાબ્દી મહોત્સવ મંડળીમાં વન પર્યાવરણ મંત્રી મુકેશ પટેલની ઉપસ્થિતિમાં અને સમારોહ ના પ્રમુખ સુરત જિલ્લા સહકારી સંઘના પ્રમુખ ભીખાભાઈ પટેલની અધ્યક્ષતામાં યોજાયો હતો.

સભાસદોને ધિરાણ આપવાની કામગીરી કરાય છે

શ્રીકોબા ગ્રુપ વિવિધ કાર્યકારી સહકારી માંળી લી.ની સ્થાપના ના. ૨૮-૭-૧૯૨૫ના રોજ કોબા ગામના સ્વ. નારણ પરભુ પટેલ, સ્વ. મગન ખુશાલ પટેલ, પારડી કોબા ગામના સ્વ.ડાહ્યા કાળા પટેલ એ ખેડૂતોને સાહુકારોના શોષણમાંથી બચાવવા માટે કરી હતી. સ્થાપનાનાં શરૂઆતનાં વર્ષોમાં મંડળી નજીવા વ્યાજ દરે ખેડૂત સભાસદોને ધિરાણ આપવાની કામગીરી કરતી હતી.સભાસદોને ધિરાણ આપવાની કામગીરી કરનારી મંડળીમાં ઓલપાડ તાલુકાના 7 ગામો કોબા, પારડીકોબા, ઠોઠબ,કસાદ, સરસાણા, કદરામાં અને ભાદોલ સમાવિષ્ટ અને હાલમાં સભાસદ સંખ્યા ૬૫૮ છે વન અને પર્યાવરણ મંત્રી મુકેશ પટેલ સહીત મહાનુભાવોના હસ્તે મંડળીના આધ્યાસ્થાપકોના તૈલી ચિત્રનું અનાવરણ વિધિ કરવામાં આવી હતી તેમજ શતાબ્દી મહોત્સવના અંકનું વિમોચન કરવામાં આવ્યા હતું.મંડળીના વર્તમાન થતા ભૂતપૂર્વ પ્રમુખો અને સેક્રેટરીઓનું પણ સન્માન કરવામાં આવ્યું હતું.