દાહોદ જિલ્લામાં દારૂની હેરાફેરી કરનારાઓ બેફામ બની રહ્યા છે. દારૂના ધંધાર્થીઓને પોલીસનો કોઈ ડર હોય તેમ જણાતું નથી. ત્યારે અમદાવાદ-ઈન્દોર હાઈવે પર એક્સિજન લિક્વિડ લઇ જતા ટેન્કરમાંથી દારૂનો જથ્થો ઝડપાયો છે.
રાજ્યમાં પોલીસ તંત્ર દારૂના વેચાણ બંધ કરવા અને દારૂબંધીની કડક અમલવારી મામલે એક્શન મોડ પર જોવા મળ્યું છે. આ દરમિયાન રાજ્યમાં બુટલેગરો બેફામ બન્યા છે. ત્યારે દાહોદ લોકલ ક્રાઈમ બ્રાંચને બાતના આધારે અમદાવાદ-ઈન્દોર હાઈવે પર મુવાલીયામાંથી દારૂનો જથ્થો ઝડપી પાડ્યો છે. એક્સિજન લિક્વિડ લઇ જતા ટેન્કરમાંથી 764 લીટર દારુની પેટી સાથે 2 શખ્સોને ઝડપી પાડવામાં આવ્યા છે. દાહોદ લોકલ ક્રાઈમ બ્રાંચે દારુના ટેન્કર, મોબાઇલ સહિત 82.14 લાખનો મુદ્દામાલ જપ્ત કર્યો છે. દાહોદ લોકલ ક્રાઈમ બ્રાંચે સમગ્ર મામલે તપાસનો ધમધમાટ શરૂ કર્યો છે.
