Deesa નગરપાલિકાએ પાણીની ચોરી કરતા લોકો સામે કરી કડક કાર્યવાહી

બનાસકાંઠાના ડીસામાં લોકો પાણીના ગેરકાયદેસર કનેક્શન આપીને ચોરી કરે છે.જેની સામે ડીસા નગરપાલિકાએ લાલ આંખ કરી છે. ડીસા નગરપાલિકા દ્વારા પાણીની ચોરી કરતા લોકો સામે કડક કાર્યવાહી કરવામાં આવી છે. જેમાં ડીસા નગરપાલિકાએ એવા લોકો જે પાણીની લાઈન તોડીને પોતાના નળ કનેકશન આપીને પાણીની ચોરી કરે છે. તેમની સામે કાર્યવાહી કરવામાં આવી છે.

ડીસામાં પાણી ચોરી પર રોક

ડીસામાં આવેલા રિલાયન્સ પેટ્રોલ પંપ પાસે આવેલ 5 હોસ્પિટલ અને 1 સોસાયટી આવેલી છે. જેમાં પાણીની ચોરી થતી હોવાનું સામે આવતા કાર્યવાહી કરવામાં આવી છે. છેલ્લા ઘણા સમયથી ડીસામાં પાણીની ચોરી થતી હતી. નગરપાલિકાની પાણીની પાઇપલાઇનમાંથી મંજૂરી વગર ગેરકાયદેસર રીતે પાણી કનેક્શન જોડીને લોકો પાણી ચોરી કરતા હતા.નગરપાલિકાએ આવા લોકો સામે કાર્યવાહી કરી હતી.નગરપાલિકાએ છેલ્લા ઘણા સમયથી ગેરકાયદેસર પાણીના કનેક્શન ચલાવતા તમામ હોસ્પિટલ અને સ્થાનિકોના કનેક્શન કાપ્યા હતા અને તેમને દંડ પણ ફટકાર્યો હતો.

ડીસા નગરપાલિકાએ કરી કાર્યવાહી

ડીસામાં મહાદેવીયા ગ્રામ પંચાયતની હદમાં હોસ્પિટલ અને સોસાયટી આવે છે. તેમ છતાં નગરપાલિકાની પાઇપલાઇનમાંથી પાણીની ચોરી થતી હતી. તો ડીસામાં ભણેલા ગણેલા તબીબો પણ પાણીની ચોરીમાંથી બાકાત નથી. ભણેલા ગણેલા તબીબો પણ છેલ્લા કેટલાય વર્ષોથી પાલિકાની પાઇપલાઇનમાંથી કનેક્શન જોડીને પાણીની ચોરી કરતા હતા.જેના લીધે જરુરિયાતમંદ વિસ્તારો સુધી પાણી પહોંચતું નથી. તો ડીસા નગરપાલિકાની ટીમે આજે તમામ ગેરકાયદેસર કનેક્શન કાપીને કડક કાર્યવાહી કરી છે.