Dwarka Holi: દ્વારકાધીશ મંદિરમાં ઉજવાયો ફૂલડોલ મહોત્સવ, ભક્તિરંગમાં રંગાયા ભક્તો

 દ્વારકાધીશ મંદિરમાં ફૂલડોલ મહોત્સવની ધામધૂમથી ઉજવણી કરવામાં આવી રહી છે. ભગવાન દ્વારકાધીશના દર્શન કરવા ભક્તો મોટી સંખ્યામાં ભક્તો ઉમટ્યાં છે. ફુલ ડોલ ઉત્સવ ઉજવવા ભક્તો ભગવાન દ્વારકાધીશનાં ચરણોમાં શિશ ઝુકાવીને આશિર્વાદ લીધા હતા.

આજરોજ દ્વારકાધીશ મંદિરમાં ઉજવાયો ફૂલ ડોલ મહોત્સવ. ફાગણીપર્વ દરમિયાન ભગવાન રંગની પોટલી અને ચાંદીની પિચકારી સાથે ઘેરીયાનુ સ્વરૂપ ધારણ કર્યુ. ચાંદીની પિચકારીમાં કેસુડાના ફુલનો રંગ ભરીને ઉડાવવામાં આવે છે. મંદિર ચોકમાં ભક્તો વહેલી સવારથી જ અબીલ ગુલાલ સંગ હોળી રમી પાવન પર્વને ઉજવ્યો. સાથે જ જીલ્લા વહીવટી અને પોલિસ તંત્ર દ્વારા પરંપરા અનુસાર પૂજા કરી ધજા ચઢાવી સૌની સુખાકારી માટે પ્રાર્થના કરી. ખાસકરીને મહીલાઓ ભગવાન દ્વારકાધીશ સાથે ફુલ ડોલ ઉત્સવ રમવા ધરેથી બાલ સ્વરૂપ કૃષ્ણ ભગવાન રાધા કૃષ્ણની મુર્તિને સાથે ભક્તિરંગમાં રંગાયા ભક્તો...ડીજેના તાલ સાથે ભકતો ફુલ ડોલ ઉત્સવની ઉજવણી કરી રહ્યા છે.

હોળી-ધૂળેટીના પર્વને લઈને દેવભૂમિ દ્વારકા જગતમંદિરમાં આયોજિત ફૂલડોલ ઉત્સવમાં સહભાગી થવા માટે દર વર્ષની જેમ આ વર્ષે પણ હજારો શ્રદ્ધાળુઓ પગપાળા યાત્રા કરી રહ્યા છે. પદયાત્રીઓની સેવા માટે સેવાભાવિકો દ્વારા કેમ્પ ઊભા કરવામાં આવ્યા છે. જેમાં ભક્તિ, સેવા, સુરક્ષાનો અદભૂત સમન્વય જોવા મળી રહ્યો છે. તેવામાં અકસ્માતની ઘટના ન સર્જાય અને લોકો સલામત રહે તે માટે ગુજરાત સ્ટેટ રોડ ડેવલપમેન્ટ કોર્પોરેશન અને આરટીઓ દ્વારા રિફ્લેક્ટર અને લાઈફ જેકેટનું વિતરણ કરવામાં આવી રહ્યું છે.