Godhra પોલીસે શંકાસ્પદ ખાદ્યતેલનો મોટો જથ્થો ઝડપ્યો, એક વ્યક્તિની ધરપકડ

ગોધરા પોલીસે શંકાસ્પદ ખાદ્યતેલનો મોટો જથ્થો ઝડપ્યો છે. ખાદ્યતેલનો જથ્થો સગેવગે કરાતો હતો ત્યારે પોલીસે દરોડા પાડ્યા હતા. દરોડા દરમિયાન માધવ અને મેટ્રો રીફાઇન્ડ સોયાબીન બ્રાન્ડનો જ 3.12 લાખનો જથ્થો ઝડપાયો છે. પોલીસે ટેમ્પો સાથે એક વ્યક્તિની ધરપકડ કરીને આગળની કાર્યવાહી હાથ ધરી છે. 

મળતી માહિતી મુજબ, ગોધરા બી ડિવિઝન પોલીસે શંકાસ્પદ ખાદ્ય તેલનો મોટો જથ્થો ઝડપી પાડ્યો છે. શંકાસ્પદ ખાદ્યતેલનો જથ્થો ટેમ્પોમાંથી સગેવગે કરાતો હતો તે દરમિયાન પોલીસે પહોંચી ઝડપી પાડ્યો અને 125 ડબ્બા જેટલો ખાદ્ય તેલનો જથ્થો જપ્ત કરી લેવામાં આવ્યો છે. 

ટેમ્પો રજીસ્ટ્રેશન થયા વગર ની માધવ, અને મેટ્રો રીફાઈન્ડ સોયાબીન બ્રાન્ડનો જથ્થો હોવાનું સામે આવ્યું છે. માધવ બ્રાન્ડના કુલ 15 કીલોના 25 ડબ્બા અને મેટ્રો રીફાઈન્ડના 100 ડબ્બા મળી કુલ 3,12000 ની કિંમત નો જથ્થો ઝડપી પાડવામા આવ્યો છે. સમગ્ર જથ્થાનો બીલમા ઉલ્લેખ પ્રાથમિક તપાસમા જોવા મળ્યો ન હતો. પોલીસ દ્વારા એક શખ્સની ધરપકડ કરવામાં આવે છે. પોલીસે તમામ જથ્થો ફુડ એન્ડ ડ્રગ વિભાગને બોલાવી સેમ્પલ લેવડાવ્યા છે. ફુડ એન્ડ ડ્રગ વિભાગ દ્વારા લેવાયા સેમ્પલ લેવામાં આવ્યો છે. સમગ્ર મામલે વધુ તપાસ હાથ ધરતું પોલીસ અને ફુડ એન્ડ ડ્રગ વિભાગ અને તોલ માપ વિભાગે કાર્યવાહી હાથ ધરી છે.