ગુજરાતમાં તાપમાનનો પારો વધી રહ્યા છે. માર્ચ મહિનાના મધ્યમાં જ તાપમાન 40 ડિગ્રીએ પંહોચ્યું હતું. રાજ્યમાં વધતા ગરમીના પ્રકોપને લઈને બાર કાઉન્સિલે મહત્વનો નિર્ણય લીધો છે. બાર કાઉન્સિલનાની નિર્ણયથી વકીલોનો મોટી રાહત મળશે. બાર કાઉન્સિલે ઉનાળાની ગરમીમાં વકીલોને કાળા કોર્ટમાંથી કેટલાક સમય માટે મુક્તિ આપી.


વકીલોને મોટી રાહત

રાજ્યમાં ગરમીનો પારો વધતા બાર કાઉન્સિલે વકીલોને 4 મહિના સુધી કોર્ટમાં કાળો કોટ પહેરવામાંથી રાહત આપી છે. ઉનાળાની સિઝનમાં અત્યારે વકીલોને કાળા કોર્ટમાં વધુ ગરમી લાગે છે. દિવસ દરમિયાન જ્યારે તેઓ કાળો કોટ પહેરી કોર્ટમાં કામ કરતા હોય ત્યારે વધુ ગરમીના કારણે અનેક વખત તેમના કામ પર પણ અસર જોવા મળે છે. અને એટલે જ કાળઝાળ ગરમીમાં વકીલોને ગરમીથી રાહત મળે માટે બાર કાઉન્સિલ દ્વારા આ મહત્વનો નિર્ણય લેવામાં આવ્યો છે. હવે વકીલો કાળા કોર્ટમાં નહીં પરંતુ આગામી 4 મહિના એટલે કે એપ્રિલ મહિનાથી લઈને જુલાઈ મહિના સુધી કાળા કોટના બદલે સફેદ શર્ટમાં જોવા મળશે. બાર કાઉન્સિલે ગરમીની સિઝનમાં વકીલો માટે કોર્ટ કામગીરી દરમિયાન તમામ વકીલોને ફરજીયાતપણે સફેદ શર્ટ પહેરવાનો નિર્દેશ કર્યો છે.

Also Read

રાજ્યમાં ગરમીનો પ્રકોપ

માર્ચ મહિનાના જ આરંભમાં જ અંગદઝાડતી ગરમીનો અનુભવ લોકોને થયો. સામાન્ય રીતે મે મહિનામાં તાપમાન 40 થી 45 જેટલું જોવા મળતું હોય છે. જ્યારે આ વર્ષે માર્ચ મહિનામાં જ રાજ્યોમાં અનેક સ્થાનો પર તાપમાન 40 ડિગ્રીને પાર થયું લોકો ગરમીમાં શેકાવા લાગ્યા. વધુ પડતી ગરમીના કારણે લોકો બપોરના સમયમાં એટલે કે 12 વાગ્યાથી 4 વાગ્યા સુધીના સમયમાં જરૂર વગર બહાર જવાનું ટાળી રહ્યા છે.  ગરમીના પ્રકોપથી બચવા લોકો વિવિધ પ્રયોગો કરતા હોય છે. ગરમીને લઈને આરોગ્ય વિભાગ દ્વારા પણ એડવાઈઝરી જારી કરતા લોકોને વધુ પાણી પીવાનું સૂચન કર્યું છે તેમજ અનેક માર્ગો પર છાશ આપવાનું આયોજન કરાયું છે.

  • Follow us on: