Gujarat Latest News Updated: સુરતમાં માંગરોળના નવાપરા GIDCમાં આગ

તિરૂપતિ મંદિરમાં દુર્ઘટના, વડાપ્રધાન મોદીએ  દુ:ખ વ્યક્ત કર્યુ

આંધ્રપ્રદેશના પ્રસિદ્ધ તિરુપતિ મંદિરમાં વૈકુંઠ દ્વાર દર્શન ટિકિટ કેન્દ્રો પાસે નાસભાગમાં 4 શ્રદ્ધાળુઓના મોત મામલે વડાપ્રધાન નરેન્દ્ર મોદીએ દુ: ખ વ્યક્ત કર્યુ છે અને કેન્દ્ર સરકાર તરફથી દરેક સંભવિત મદદ કરવા માટે ખાતરી આપી છે. 

આંદામાન-નિકોબાર ટાપુઓ પાસે ભારત કરશે મિસાઈલનું પરીક્ષણ

ભારતે વ્યૂહાત્મક રીતે મહત્વપૂર્ણ આંદામાન અને નિકોબાર ટાપુઓ નજીક 2 અલગ-અલગ મિસાઈલ પરીક્ષણો કરવાની તૈયારી કરી છે. આ માટે NOTAM જાહેર કરવામાં આવ્યું છે. આ પરીક્ષણો ભારતની મિસાઈલ ક્ષમતાઓને પ્રદર્શિત કરવા અને તેને વધુ અદ્યતન બનાવવા માટે મહત્વપૂર્ણ લશ્કરી કવાયતનો એક ભાગ છે. આ પરીક્ષણોની તારીખ 15થી 17 જાન્યુઆરી અને 19થી 20 જાન્યુઆરી, 2025 સુધી નક્કી કરવામાં આવી છે. 

અમદાવાદમાં બાલાજી મંદિરને 50 હજારનો દંડ

અમદાવાદમાં બાલાજી મંદિરને 50 હજારનો દંડ ફટકારવામાં આવ્યો છે. SG હાઈવે પર આવેલા બાલાજી મંદિરને દંડ કરવામાં આવ્યો છે. AMCએ ગંદકી અને ભંગાર રાખવા મુદ્દે દંડ ફટકાર્યો છે.

પોરબંદર જિલ્લામાં બે સરપંચો સસ્પેન્ડ

પોરબંદર જિલ્લામાં બે સરપંચોને સસ્પેન્ડ કરવામાં આવ્યા છે. પાતા ગામના સરપંચ ગાંગા પરમાર અને ભડ ગામના સાકરબેન મોકરીયાને સસ્પેન્ડ કરવામાં આવ્યા છે. જમીનના દબાણો દૂર નહીં કરાતા સસ્પેન્ડ કરાયા છે. 

જિલ્લા વિકાસ અધિકારીએ સસ્પેન્ડ કર્યા છે.

આંધ્રપ્રદેશના સીએમ ચંદ્રબાબુ નાયડુએ દુ:ખ પણ વ્યક્ત કર્યુ

આંધ્રપ્રદેશના પ્રસિદ્ધ તિરુપતિ મંદિરમાં વૈકુંઠ દ્વાર દર્શન ટિકિટ કેન્દ્રો પાસે નાસભાગમાં 4 શ્રદ્ધાળુઓના મોત મામલે મુખ્યપ્રધાન ચંદ્રબાબુ નાયડુએ પણ અધિકારીઓ પાસેથી ફોન પર પરિસ્થિતિ વિશે માહિતી લીધી છે અને આ ઘટના પર દુ:ખ વ્યક્ત કર્યુ છે. 

Andhra Pradeshના તિરૂપતિ મંદિરમાં ભાગદોડ મચી, 4 લોકોના મોત 

આંધ્રપ્રદેશના પ્રસિદ્ધ તિરુપતિ મંદિરમાં વૈકુંઠ દ્વાર દર્શન ટિકિટ કેન્દ્રો પાસે નાસભાગમાં 4 શ્રદ્ધાળુઓના મોત થયા છે. સવારથી હજારો શ્રદ્ધાળુઓ વૈકુંઠ દ્વાર દર્શનના ટોકન માટે તિરુપતિના વિવિધ ટિકિટ કેન્દ્રો પર લાઈનમાં ઉભા હતા. આ ઘટના ત્યારે બની જ્યારે બૈરાગી પાટિડા પાર્કમાં ભક્તોને લાઈનમાં ઊભા રહેવાની મંજૂરી આપવામાં આવી હતી. વૈકુંઠ દ્વાર દર્શન 10 દિવસ માટે ખુલ્યા છે, જેના કારણે હજારો લોકો ટોકન માટે ઉમટી રહ્યા છે.

મોરબીના ટંકારામાં કારમાં આગના બે બનાવ

મોરબીના ટંકારામાં કારમાં આગના બે બનાવ બન્યા છે. નેકનામ પડધરી રોડ પર કારમાં અચાનક આગ લાગી, ત્યારે બીજા બનાવમાં બંગાવડી નજીક કારમાં આગની ઘટના બની છે. બંને બનાવમાં કાર આગ ભડથું થઈ ગઈ છે, જો કે ઘટનામાં કોઈ જાનહાનિ થઈ નથી.

Spadexનું ડોકિંગ નહીં થાય આવતીકાલે, ISROએ ફરી સ્થગિત કર્યુ

ઈન્ડિયન સ્પેસ રિસર્ચ ઓર્ગેનાઈઝેશન (ISRO)એ ફરીથી 9 જાન્યુઆરીના રોજ નિર્ધારિત SpaDexનું ડોકીંગ સ્થગિત રાખ્યું છે. સ્પેસ એજન્સીએ સોશિયલ મીડિયા પોસ્ટમાં આ જાણકારી આપી છે. તેની પાછળ ટેકનિકલ કારણ આપવામાં આવ્યું છે. એજન્સીએ એ પણ સ્પષ્ટતા કરી છે કે Spadex સંપૂર્ણપણે સુરક્ષિત છે અને તેની ડોકીંગ પ્રક્રિયા ટૂંક સમયમાં પૂર્ણ કરવામાં આવશે.

અમરેલી લેટરકાંડમાં પરેશ ધાનાણી કરશે ઉપવાસ

અમરેલી લેટરકાંડમાં પરેશ ધાનાણી ઉપવાસ કરશે. પાયલ ગોટીને ન્યાય અપાવવા 24 કલાકના ઉપવાસ કરશે. આવતીકાલે સવારે 10 વાગ્યાથી ઉપવાસ પર ઉતરશે.

Surat: ચેમ્બર ઓફ કોમર્સની મેનેજિંગ કમેટીની ચૂંટણીની તૈયારીઓ શરૂ

સુરતમાં ચેમ્બર ઓફ કોમર્સની મેનેજિંગ કમિટીની ચૂંટણીને લઈ તૈયારી શરૂ થઈ ગઈ છે. આગામી 1લી ફેબ્રુઆરીએ ચૂંટણીને લઈ નોટિફેકેશન પણ બહાર પાડવામાં આવનાર છે. તે પહેલા ચેમ્બરના સભ્યોને આગામી 25મી જાન્યુઆરી સુધીમાં મેમ્બરશિપ ડેટા કે સહીના નમૂનામાં કોઈ ફેરફાર કરવાનો હોય અથવા નવો આઈકાર્ડ બનાવવો હોય તો લેખિત પુરાવા સાથે જાણ કરવાની સુચના આપવામાં આવી છે.

સુરતમાં માંગરોળના નવાપરા GIDC માં આગ

• અનન્યા ટેક્ષરાઇઝ કંપનીમાં લાગી ભીષણ આગ
• યાર્ન બનાવતી કંપનીમાં ભીષણ આગ
• ફાયર વિભાગની આગ બુજાવવાની કામગીરી
• આગ લાગવાનું કારણ અકબંધ

યાત્રાધામ દ્વારકામાં ફરી આખલાનો આતંક

• શાકમાર્કેટ ચોક પાસે બે આખલા બાખડ્યા
• આખલા યુદ્ધમાં બાઇક અને લારીઓને નુકશાન
• આખલાઓના આતંકથી સ્થાનિકોના શ્વાસ અધ્ધર
• લોકોને હાલાકી હોવા છતાં તંત્ર હજુ પણ ગાઢ નિંદ્રામાં

HMPV અંગે WHOનું નિવેદન, કહ્યું-"કોઈ નવો વાયરસ નથી"

વર્લ્ડ હેલ્થ ઓર્ગેનાઈઝેશન (ડબ્લ્યુએચઓ) એ હ્યુમન મેટાપ્યુમોવાયરસ (એચએમપીવી) અંગે નિવેદન બહાર પાડ્યું છે. WHOએ કહ્યું કે HMPV નવો વાયરસ નથી, પરંતુ તેની ઓળખ સૌપ્રથમ 2001માં કરવામાં આવી હતી અને તે લાંબા સમયથી માનવ વસ્તીમાં હાજર છે. આ એક સામાન્ય વાયરસ છે જે શિયાળા અને વસંત ઋતુમાં વધે છે. HMPV સામાન્ય રીતે સામાન્ય શરદી જેવા શ્વસન લક્ષણોનું કારણ બને છે. ડબ્લ્યુએચઓએ આ વાયરસ વિશે વધુ કોઈ ચિંતાનો ઇનકાર કર્યો અને તેને સામાન્ય વાયરસ ગણાવ્યો.

MS યુનિ.ના ઇન્ચાર્જ વીસીની નિયુક્તિ 

• પ્રોફેસર ધનેશ પટેલ બન્યા ઇન્ચાર્જ વીસી

MP: ATS કસ્ટડીમાં યુવકનું મોત, પરિવારજનોએ લગાવ્યો ગંભીર આરોપ

મધ્યપ્રદેશ ATSની કસ્ટડીમાં એક યુવકનું મોત થયું હતું. એટીએસની ટીમ હરિયાણાના સોહનામાં ટેરર ​​ફંડિંગ અને હવાલા કેસમાં પૂછપરછ કરી રહી હતી. પૂછપરછ દરમિયાન યુવકે વોશરૂમ જવાનું બહાનું બનાવ્યું અને પછી કૂદીને આત્મહત્યા કરી લીધી. મૃતક બિહારનો રહેવાસી હતો. તેમના મોત અંગે પરિવારજનોએ ગંભીર આક્ષેપો કર્યા છે. આ મામલાની તપાસ માટે MP ATS સામે પણ તપાસ શરૂ કરવામાં આવી છે.

ખંભાતના પાંદડમાં ખાણ ખનીજનો સપાટો

• મંજૂરી વગર રસ્તો બનાવતા 30થી વધુ ડમ્પર સીઝ
• પેટ્રોકેમિકલ્સ કંપની અને મળતિયાઓ સામે કાર્યવાહી
• અગાઉ પણ સન પેટ્રોકેમિકલ્સને દંડ ફટકારાયો હતો
• ગેરકાયદે ખનન કરતા 6 કરોડનો દંડ કરાયો હતો

હર્ષ સંઘવીએ સાદાઈથી ઉજવ્યો જન્મદિવસ

• સુરતમાં ગર્ભવતી મહિલાઓ સાથે ઉજવ્યો જન્મદિવસ
• સુરતની નવી સિવિલમાં જન્મદિવસની ઉજવણી
• કિડની બિલ્ડિંગમાં બાળકો માટે રમકડાં ભવન બનાવ્યું
• દર્દીઓને ગરમ ધાબળા, ચાદર આપવામાં આવી
• જન્મદિવસની સેવા દિવસ તરીકે ઉજવ્યોઃ હર્ષ સંઘવી

રાજકોટમાં પાકા કામનો કેદી ફરાર

• રાજકોટ જેલમાં સજા કાપતો હતો
• પોલીસ જાપ્તામાંથી થયો ફરાર
• અમદાવાદ કોર્ટમાં મુદ્દત માટે લવાયો હતો
• રાધેશ્યામ ઉર્ફે ગોપાલ રાજદેવ ફરાર

હિંમતનગરમાં HMPVનો શંકાસ્પદ કેસ સામે આવ્યો

• પ્રાંતિજના 8 વર્ષના બાળકને શંકાસ્પદ લક્ષણો
• લક્ષણોને પગલે આરોગ્ય વિભાગ હરકતમાં
• ખાનગી હોસ્પિટલથી બાળકને અમદાવાદ ખસેડાયું
• બાળકના સેમ્પલ લઈ ગાંધીનગર મોકલવામાં આવ્યા 
• રિપોર્ટ આવ્યા બાદ સ્થિતિ સ્પષ્ટ થઈ શકેઃ DHO
• શંકાસ્પદ લક્ષણોને પગલે સર્વેની કામગીરી હાથ ધરાશે

ગાંધીનગર સેકટર 1 મેટ્રો સ્ટેશન નજીક કાર પલટી

• કાર ચાલકે સ્ટિયરિંગ પરથી કાબૂ અકસ્માત
• કારમાં સવાર લોકોનો આબાદ બચાવ
• ડિવાઈડર સાથે અથડાઇને કારે પલટી મારી
• કારના અકસ્માતથી ટ્રાફિક જામના દ્રશ્યો સર્જાયા

ધનસુરાના સિકામાં તસ્કરો ત્રાટક્યા

• સિકા ગામના 6 મકાનમાં ચોરીનો પ્રયાસ
• 5 રહેણાંક મકાનમાં તસ્કરોનો હાથ ફેરો
• તસ્કરોએ 1.89 લાખની કરી ચોરી
• ધનસુરા પોલીસે હાથ ધરી તપાસ

અમરેલીમાં પૂર્વ સાંસદ નારણ કાછડીયા સામે ફરિયાદ

• સામાજીક કાર્યકર નાથાલાલ સુખડિયાએ નોંધાવી ફરિયાદ
• નારણ કાછડિયા સામે પોલીસમાં ફરિયાદ
• પૂર્વ સાંસદ સામે સામાજીક કાર્યકરના ગંભીર આક્ષેપ
• કાછડિયાએ વોટ્સએપ કોલથી ધમકી આપ્યાનો આરોપ
• નાથાલાલ સુખડિયાને મારી નાંખવાની ધમકી આપી
• કાછડિયા સામે દબાણની પોસ્ટને લઇને વિવાદ

કોટામાં હરિયાણાના વિદ્યાર્થીએ આત્મહત્યા કરી

રાજસ્થાનના કોટામાં એક વિદ્યાર્થીની આત્મહત્યા પર એસએચઓ બુધરામ ચૌધરીએ કહ્યું, “હરિયાણાના મહેન્દ્રગઢનો એક બાળક છે જે અહીં કોચિંગ કરતો હતો. ગત રાત્રે 10 વાગ્યે હોસ્ટેલમાં એક બાળકે આપઘાત કરી લીધો હોવાની માહિતી મળી હતી. પોલીસે ઘટના સ્થળે પહોંચી લાશને હોસ્પિટલ ખસેડી હતી. પરિવારજનોએ જાણ કરી છે જેના આધારે આગળની કાર્યવાહી કરવામાં આવી રહી છે.

સીએમ ચંદ્રબાબુ નાયડુ અને પવન કલ્યાણે પીએમ મોદીનું સ્વાગત કર્યું

આંધ્રપ્રદેશના મુખ્યમંત્રી એન ચંદ્રબાબુ નાયડુ અને નાયબ મુખ્યમંત્રી પવન કલ્યાણે વિશાખાપટ્ટનમમાં વડાપ્રધાન નરેન્દ્ર મોદીનું ઉષ્માભર્યું સ્વાગત કર્યું. આ સ્વાગત પીએમ મોદીના રાજ્ય પ્રવાસ દરમિયાન કરવામાં આવ્યું હતું. નાયડુ અને કલ્યાણે મોદી સાથે મહત્વપૂર્ણ બેઠક કરી હતી અને રાજ્યના વિકાસ અંગે ચર્ચા કરી હતી.

વડોદરાની MS યુનિવર્સિટીમાં VCનું રાજીનામું

• VC વિજય શ્રીવાસ્તવે રાજીનામું આપતા ઉજવણી
• NSUIએ ફટાકડા ફોડી કરી ઉજવણી
• હાઇકોર્ટમાં સુનાવણી પહેલા VCનું રાજીનામું
• 
  

ટેકાના ભાવોને લઈને રાજ્ય ભાવ પંચની મળી બેઠક

• કૃષિ મંત્રીની અધ્યક્ષતામાં રાજ્ય કૃષિ ભાવ પંચની બેઠક
• ટેકાના ભાવો રાજ્ય કૃષિ ભાવ પંચે કર્યા નક્કી
• ટેકાના ભાવ માટે રાજ્ય સરકારની કેન્દ્રને ભલામણ
• કપાસના પ્રતિ ક્વિન્ટલ રૂપિયા 3000ની ભલામણ
• બાજરીના પ્રતિ ક્વિન્ટલ રૂપિયા 3500ની ભલામણ
• જુવારના પ્રતિ ક્વિન્ટલ રૂપિયા 5600ની ભલામણ
• મકાઈના પ્રતિ ક્વિન્ટલ રૂપિયા 4550ની ભલામણ
• તુવેરના પ્રતિ ક્વિન્ટલ રૂપિયા 9100ની ભલામણ
• મગના પ્રતિ ક્વિન્ટલ રૂપિયા 9700ની ભલામણ
• અડદના પ્રતિ ક્વિન્ટલ રૂપિયા 9500ની ભલામણ
• મગફળીના પ્રતિ ક્વિન્ટલ રૂપિયા 8600ની ભલામણ
• તલના પ્રતિ ક્વિન્ટલ રૂપિયા 12000ની ભલામણ
• કપાસના પ્રતિ ક્વિન્ટલ રૂપિયા 10500ની ભલામણ

વડોદરા: ડિજિટલ એરેસ્ટ કરનારી ગેંગના બે સાગરીત ઝડપાયા

• વડોદરા સાયબર ક્રાઇમ દ્વારા બે લોકોની ધરપકડ
• અમદાવાદના બે વ્યક્તિઓની ધરપકડ
• ડિજિટલ અરેસ્ટ ગેંગ માટે બેન્ક ખાતું આપતા હતા
• 90 લાખની છેતરપિંડીમાં આ ખાતાઓનો ઉપયોગ થયો
• સાયબર ક્રાઇમે  બંને આરોપીઓની પૂછપરછ કરી
• પ્રશાંત સારંગેના બેન્ક એકાઉન્ટ સામે 6 ફરિયાદ

સાંજના 06 વાગ્યા સુધીના મહત્વના સમાચાર

01. BZ ગ્રૂપ કૌભાંડના આરોપી નરેન્દ્ર પ્રજાપતિના 3 દિવસના રિમાંડ મંજૂર

2. Vadodaraની MS યુનિ.ના વાઈસ ચાન્સેલરનું રાજીનામું, પિટિશનમાં ફૂટ્યો ભાંડો

03. Suratમાં ધોળા દિવસે 6 લાખના સોનાના દાગીનાની લૂંટ, પોલીસે તપાસ શરૂ કરી

04. Ahmedabad: મિલકતના બોગસ દસ્તાવેજ ઉભા કરી કરોડોની લોન લીધી, 2 આરોપીની ધરપકડ

05. Gujarat સરકાર દ્વારા અંદાજે 23 લાખના ખર્ચે કારીગરોને પતંગ બનાવવાની તાલીમ અપાઈ

06. Mahakumbh 2025: મહાકુંભમાં આસ્થાની ડૂબકી લગાવશે અબજોપતિ મહિલાઓ

07. 'તમારે ઇમરજન્સી જોવી જોઇએ' કંગનાની ઑફર પર પ્રિયંકા ગાંધી શું બોલ્યા ?

08. Afghanistan-પાકિસ્તાનમાં સ્થિતિ વધુ ખરાબ? 800 અફઘાનોની કસ્ટડી શા માટે મોટો મુદ્દો?

09. 'બંધકોને મુક્ત નહી કરે તો'...ડોનાલ્ડ ટ્રમ્પે હમાસને કડક શબ્દોમાં આપી ચેતવણી

10. બુમરાહ બાદ આ ભારતીય બોલર થયો ઈજાગ્રસ્ત, ટૂર્નામેન્ટમાંથી થશે બહાર!

પ્રયાગરાજમાં મહાકુંભ વિસ્તારની જમીન પર વકફ બોર્ડનો દાવો, ફરિયાદ નોંધાઈ

પ્રયાગરાજમાં મહાકુંભ વિસ્તારમાં 54 વીઘા જમીન વકફ બોર્ડની હોવાનો દાવો કરનારા લોકો વિરુદ્ધ સિવિલ લાઇન્સ પોલીસ સ્ટેશનમાં ફરિયાદ દાખલ કરવામાં આવી છે. હાઈકોર્ટના વકીલો દ્વારા કરાયેલી ફરિયાદમાં એવો આક્ષેપ કરવામાં આવ્યો છે કે, કોમી વાતાવરણને બગાડવા માટે પાયાવિહોણી અને પાયાવિહોણી દલીલોનો ઉપયોગ કરવામાં આવી રહ્યો છે. આ મામલામાં મૌલાના શહાબુદ્દીન રિઝવી બરેલવી અને અન્યો સામે એફઆઈઆર નોંધવામાં આવી છે અને કાર્યવાહીની માંગ કરવામાં આવી છે.

ચોમાસામાં આ ફળની વાવણીનું કાર્ય શરૂ કર્યુ

જેમજેમ ખેતીવાડી, બાગાયત અને આત્મા વિભાગના અધિકારીઓ-કર્મચારીઓ પાસેથી તેમજ વિવિધ પ્રાકૃતિક ખેતીને પ્રોત્સાહિત કરતી શિબિરોમાંથી ભોળાભાઈ માહિતી મેળવતા ગયા તેમતેમ તેમના જ્ઞાનમાં ઉત્તરોત્તર વધારો થતો ગયો. ભોળાભાઈએ લાલ સીતાફળનું વાવેતર કરીને નવો પ્રયોગ શરૂં કર્યો. અને આ પ્રયોગ એટલો સફળ રહ્યો કે લોકો લાલ સીતાફળ ખરીદવા ભોળાભાઈની વાડી શોધતા આવે છે. તમામ ઉત્પાદનનું વેચાણ તેમની વાડીએથી જ થઈ જાય છે. સામન્ય રીતે તેઓ ચોમાસામાં આ ફળની વાવણીનું કાર્ય શરૂં કરી દે છે. બોટાદના લાલ જામફળ તો સમગ્ર દેશમાં વખણાય છે અને હવે બોટાદની નવી ઓળખાણ છે લાલ સીતાફળ. 

ગાંધીનગરમાં કૃષી મંત્રીની અધ્યક્ષતામાં ભાવપંચની બેઠક

• એરંડા અને દેશી કપાસના ટેકાના ભાવ બાંધવા માંગણી
• કિસાન સંઘે સરકાર સમક્ષ ટેકાના ભાવ અંગે કરી માગ
• એરંડા, કપાસના ભાવની માંગણી કેન્દ્ર સમક્ષ કરવા માગ

ભારત અને માલદીવના રક્ષા મંત્રી વચ્ચે વાતચીત

સંરક્ષણ પ્રધાન રાજનાથ સિંહે આજે દિલ્હીમાં માલદીવના સંરક્ષણ પ્રધાન મોહમ્મદ ઈસાન મૌમૂન સાથે દ્વિપક્ષીય સંબંધોની ચર્ચા કરી હતી અને દ્વિપક્ષીય સંરક્ષણ અને સુરક્ષા સહયોગના વિવિધ પાસાઓની વ્યાપક સમીક્ષા કરી હતી. બંને પક્ષો વચ્ચેની બેઠક દરમિયાન, બંને નેતાઓએ ભારત-માલદીવ વ્યાપક આર્થિક અને દરિયાઈ સુરક્ષા ભાગીદારીના સંયુક્ત વિઝનને સાકાર કરવા સાથે મળીને કામ કરવાની તેમની મજબૂત પ્રતિબદ્ધતાનો પુનરોચ્ચાર કર્યો હતો.

હિમતનગર-શામળાજી હાઇવે પર અકસ્માત

• મોડાસિયા સમાજવાડી પાસે કારે મારી બાઇકને ટક્કર
• બાઇક પર સવાર મહિલાનું મોત, યુવક ગંભીર
• સુશીલાબેન નિનામા નામની મહિલાનું મોત
• અકસ્માત સર્જી કાર ચાલક ઘટનાસ્થળેથી ફરાર
• ઇજાગ્રસ્તને હિંમતનગર સિવિલ હોસ્પિટલ ખસેડાયો
• પોલીસે ફરાર કારચાલક સામે તપાસ હાથ ધરી
• 
  

પ્રાકૃતિક કૃષિ તરફ અન્ય ખેડૂતો પણ પ્રેરાયા

પ્રાકૃતિક કૃષિ પદ્ધતિ અપનાવવા અંગે ખેડૂતોને અનુરોધ કરતા ભોળાભાઈ જણાવે છે કે, પ્રાકૃતિક કૃષિમાં ખર્ચ શૂન્ય અને આવક વધારે છે. માટે દરેક ખેડૂતભાઈઓએ પ્રાકૃતિક કૃષિ કરવી જ જોઈએ. જેમ આપણાં મોદી સાહેબ કહે છે તેમ ખેડૂતોને પ્રાકૃતિક ખેતીથી ઓછો ખર્ચ અને બમણી આવક થાય છે.વડાપ્રધાન નરેન્દ્રભાઈ મોદી, ગુજરાત રાજ્યના રાજ્યપાલ આચાર્ય દેવવ્રતજી અને મુખ્યમંત્રીશ્રી ભૂપેન્દ્રભાઈ પટેલે ગુજરાતને પ્રાકૃતિક ખેતીનું રોલ મોડલ બનાવવા માટે ઘનિષ્ઠ પ્રયાસો આદર્યા છે.  ત્યારે ભોળાભાઈ જેવા ઈનોવેટિવ ખેડૂતો પ્રેરણારૂપ બન્યા છે. આટલું જ નહીં ભોળાભાઈ પ્રાકૃતિક કૃષિ તરફ અન્ય ખેડૂતોને પણ પ્રેરી રહ્યા છે.તેઓ અવારનવાર અન્ય ખેડૂતો માટે વર્કશોપ અને તાલીમ સત્રો યોજે છે, તેમની સાથે તેમનું જ્ઞાન અને તકનીકોનું આદાન-પ્રદાન કરે છે.

અમરેલી બનાવટી લેટરકાંડ મુદ્દે ઘમાસાણ

• પાયલ ગોટી અમરેલી SP કચેરીએ પહોંચ્યા
• કોંગ્રેસ નેતા જેની ઠુમ્મર અને વકીલ પણ હાજર
• જિલ્લા પોલીસ વડા સમક્ષ કરશે રજૂઆત 
• પાયલ ગોટી મેડિકલ ચેકઅપ માટે જવાના હતા
• મેડિકલ ચેકઅપ પહેલા SP કચેરીએ પહોંચ્યા 

લીલા સીતાફળ

ભોળાભાઈ વડોદ ખાતેથી 300 જેટલા લાલ સીતાફળના છોડ લાવ્યા હતા અને પોતાના ખેતરમાં વાવેતર કરવાનું શરૂં કર્યું. સામાન્ય રીતે બજારમાં મળતાં લીલા સીતાફળ કરતા આ લાલ સીતાફળ સ્વાદમાં વધુ સ્વાદિષ્ટ છે. અને તેમાં પણ પ્રાકૃતિક કૃષિથી આ સીતાફળનો સ્વાદ અનેક ગણો વધી જાય છે. ભોળાભાઈ પોતાનો અનુભવ વર્ણવતા જણાવે છે કે, હું છેલ્લા ત્રણ વર્ષથી પ્રાકૃતિક કૃષિ પદ્ધતિથી બાગાયતી ખેતી કરી રહ્યો છું. બાગાયતમાં મેં લાલ સીતાફળનું વાવેતર કર્યું છે. જેનો બજાર ભાવ રૂ. 150 પ્રતિ કિલો છે. આ વર્ષે મને 2,000 કિલો કરતા વધારે સીતાફળનું ઉત્પાદન મળ્યું છે. ઉપરાંત આંતર પાક તરીકે મેં ચણાનું વાવેતર કર્યું છે. તેનું પણ ખૂબ સારૂં ઉત્પાદન મળ્યું છે.

બોટાદના ધરતીપુત્રએ કરી કમાલ, પ્રાકૃતિક ઢબે ઉગાડયા લાલ-લાલ  સીતાફળ  

બોટાદ જિલ્લાના ગઢડા તાલુકામાં સમઢિયાળા ગામે રહેતા ભોળાભાઈ ધનજીભાઈ ધલવાણિયા વર્ષોથી પ્રાકૃતિક કૃષિ કરી રહ્યા છે. સ્નાતક સુધી અભ્યાસ કરેલા અને ખેતીક્ષેત્રે નિતનવાં પ્રયત્નો કરનારા ભોળાભાઈને અગાઉથી જ ખ્યાલ આવી ગયો હતો કે રાસાયણિક ખેતીથી લોકોના પેટમાં ઝેર જઈ રહ્યું છે. એટલે ભોળાભાઈને વિચાર આવ્યો કે પ્રાકૃતિક ખેતીથી કંઈક અલગ કરીએ.જેનાથી જમીન અને લોકોનું એકસાથે પોષણ થઈ શકે. માટે તેમણે પ્રાકૃતિક ખેતીથી બાગાયતી પાકો લેવાનું શરૂં કર્યું. 

આજે ટાંગલિયા કારીગરો આધુનિક સમયને અનરૂપ તેમનાં ઉત્પાદનો બનાવી રહ્યા છે

આકર્ષક ડિઝાઈન્સ સાથે સમયને અનરૂપ ફેરફારોના કારણે આજે ટાંગલિયાની બજારમાંગમાં પણ ઘણો વધારો થયો છે. ગરવી ગુર્જરી વેચાણ કેન્દ્રો ખાતે પણ ટાંગલિયાનું વિપુલ પ્રમાણમાં વેચાણ થઈ રહ્યું છે. ટાંગલિયાને મળેલો GI ટેગ ગુજરાતની ટાંગલિયા હસ્તકળાના સમૃદ્ધ વારસા અને જટિલ કારીગરીને વ્યાખ્યાયિત કરે છે. ટેગથી  ટાંગલિયા કળાનું સ્થાન વૈશ્વિક ફલક પર મજબૂત બન્યું છે.

GI ટેગએ ગુણવત્તાનું પ્રમાણપત્ર છે

ડાંગસિયા સમુદાય સાથે સંકળાયેલી આ ટાંગલિયા કળાને યુનેસ્કો દ્વારા વર્ષ ૨૦૦૯માં ભૌગોલિક સૂચકાંક (GI) ટેગ આપવામાં આવ્યો હતો. આ ટેગની અવધિ પૂર્ણ થતાં વર્ષ ૨૦૨૪માં ટેગ રીન્યુ કરવામાં આવ્યો છે. આ ટેગ મળવાથી આજે ટાંગલિયા કળાને આંતરરાષ્ટ્રીય સ્તરે ઓળખ મળી છે. આ ઉપરાંત આ કળાને નકલી ઉત્પાદનોથી બચાવવામાં પણ મદદ મળી છે. GI ટેગએ ગુણવત્તાનું પ્રમાણપત્ર છે જે ગ્રાહકોને ખાતરી આપે છે કે તેઓ અસલી ઉત્પાદન ખરીદી રહ્યા છે. 

GI ટેગથી આરક્ષિત ટાંગલિયા કળા

આંગળીના ટેરવે કોટન, વુલન અને સિલ્ક પર બારીકાઈથી અને ચીવટપૂર્વક કરવામાં આવતું પરંપરાગત હાથ વણાટ એટલે ટાંગલિયા. ટાંગલિયા વર્ક એ હાથની કળા છે, આ કામ મશીનથી કરવામાં આવતું નથી. કારીગર ગણતરી કરીને કોટનના એક પછી એક તાર પર દોરાના છેડાને સિફતપૂર્વક આંગળીથી ગોળ વણીને તોડી નાખે છે અને એમ કરતાં-કરતાં ડિઝાઈન બનતી જાય છે. તારની ઉપર દોરો ગોળ વણાઈ જતો હોવાથી કાપડની બન્ને બાજુ એની ડિઝાઈન એકસરખી જ દેખાય છે.

દેશ-વિદેશમાંથી ખરીદદારો મળી રહ્યા

વર્ષ ૨૦૦૭માં ગાંધીનગરની નેશનલ ઇન્સ્ટિટ્યુટ ઓફ ફેશન ડિઝાઇન (NIFT)ની મદદથી ટાંગલિયા હસ્તકળા સંગઠન (ટાંગલિયા હેન્ડીક્રાફ્ટ એશોસિએશન)ની રચના કરવામાં આવી અને NIFT દ્વારા કારીગરોને કૌશલ્ય તાલીમ આપવામાં આવી હતી. તદુપરાંત “સાથ” NGOએ પણ આ કળાને પુનર્જીવિત કરવામાં મહત્વની ભૂમિકા ભજવી છે. આજે NIFT, સાથ તેમજ સરકારની મદદથી લીલાબેન જેવા અનેક કારીગરોને બેંગલુરુ, કોલકાતા, ચેન્નાઈ, હૈદરાબાદ, વિશાખાપટ્ટનમ સહીતનાં દેશ-વિદેશમાંથી ખરીદદારો મળી રહ્યા છે.

ટાંગલિયા કળાની શરૂઆત સુરેન્દ્રનગર જિલ્લામાં થઈ હતી

સુરેન્દ્રનગર જિલ્લાનાં વઢવાણ તાલુકાનાં દેદાદરા, વસ્તડી ગામનાં ડાંગસીયા પરિવારો દ્વારા આ હસ્તકળાનું સંવર્ધન કરવામાં આવી રહ્યું છે. આ કળાને જીવંત રાખવામાં તેઓ મહત્વની ભૂમિકા ભજવી રહ્યા છે. ટાંગલિયા વણાટ કળાએ ભારતની સમૃદ્ધ હસ્તકળા પરંપરાનો મહત્વપૂર્ણ ભાગ છે, જે તેની અનોખી ડિઝાઈન અને નિપુણતા માટે જાણીતી છે. પહેલાના જમાનામાં મોટાભાઈ ભરવાડની સ્ત્રીઓ ઉનનો ટાંગલિયો પહેરતી હતી. આ કળામાં પહેલા ઊંનનું કાપડ વાપરવામાં આવતું હતું પરંતુ હવે કોટન તેમજ સિલ્કની મદદથી અવનવી વસ્તુ તૈયાર કરવામાં આવે છે. અત્યારે ટાંગલિયા વણાટનાં દુપટ્ટા, ડ્રેસ, સાડીએ લોકોમાં અનોખું આકર્ષણ ઉભું કર્યું છે.

ટાંગલિયા વણાટ

ગુજરાતએ હસ્તકળાઓનો સમૃદ્ધ વારસો ધરાવતું રાજ્ય છે. જુદા-જુદા જિલ્લાઓની હસ્તકળા અને જુદી-જુદી હાથવણાટ કળાઓ દેશ–વિદેશમાં આગવી ઓળખ ધરાવે છે. પટોળા, બાંધણી, કચ્છી ભરતકામ, કાષ્ટ કળા, માટી કળા, ટાંગલીયા, જરીકામ સહિતની કળાઓએ લોકોમાં અનેરું આકર્ષણ જન્માવ્યું છે. હસ્તકળાએ માત્ર કારીગરી નથી, પરંતુ આપણી પ્રાચીન સંસ્કૃતિનું જીવંત ઉદાહરણ છે. આવી જ એક ૭૦૦ વર્ષ કરતાં પણ જૂની કળા એટલે ટાંગલિયા વણાટ.

રંગોનો તાણોવાણો હાથેથી બનેલો

સુરેન્દ્રનગર જિલ્લાના વઢવાણ તાલુકાનાં દેદાદરા ગામનાં વતની લીલાબેન રાઠોડ અને તેમનો પરિવાર ટાંગલિયા વણાટના ડ્રેસ, સાડી, દુપટ્ટા, કુર્તા, બેડશીટ બનાવી લુપ્ત થતી આ ટાંગલિયા કળાનો વારસો સાચવી રહ્યા છે. ગામની કળાપ્રેમી બહેનોને સાથે જોડીને લીલાબેને ‘શ્રદ્ધા મહિલા મંડળ’ નામે સખી મંડળની રચના કરી છે. આ મંડળમાં લીલાબેન પ્રમુખ તરીકેની ભૂમિકા ભજવી રહ્યા છે. મંડળ સાથે જોડાયેલી તમામ બહેનો આજે સ્વની સાથે અન્યને પણ જોડી આ કળાને જીવંત રાખવાનાં અવિરત પ્રયાસો કરી રહી છે. લીલાબેન વડોદરા, સુરત, અમદાવાદ, બેંગ્લોર, હૈદરાબાદ, દિલ્હી જેવા મોટા શહેરોમાં યોજાતા હસ્તકળા મેળાઓમાં ભાગ લઈ પોતાના ઉત્પાદનોને આંતરરાષ્ટ્રીય સ્તરે ખ્યાતી અપાવી ચુક્યા છે. રાજ્યની આંગળીના વેઢે ગણી શકાય તેવી હાથવણાટ કળાઓમાં સુરેન્દ્રનગરની ટાંગલિયા વણાટ કળા આગવું સ્થાન ધરાવે છે.

સુરેન્દ્રનગરમા અનુસુચિત જાતિના ડાંગસીયા પરિવારો ટાંગલિયા વણાટની હસ્તકળાનું સંવર્ધન

એક સમય હતો, જયારે અમારી ટાંગલિયા કળા લુપ્ત થવાના આરે હતી. પરંતુ આજે સરકારની મદદથી અમારી કળાને નવજીવન મળ્યું છે. દેશના વડાપ્રધાન નરેન્દ્રભાઈ મોદી અને ગુજરાતના મુખ્યમંત્રી ભુપેન્દ્રભાઈ પટેલનો આભાર માનીએ એટલો ઓછો છે. આ શબ્દો છે ટાંગલિયા કળાથી આર્થિક રીતે પગભર થયેલા સુરેન્દ્રનગરનાં લીલાબેન રાઠોડના. તેઓ કહે છે કે, આધુનિક ટેકનોલોજીથી બનેલા કાપડ આવી જતા પરંપરાગત ટાંગલિયા કળાની માંગ ધીમે-ધીમે સાવ ઘટી ગઈ હતી. જેના પરિણામે તેઓ સાવ ધંધા-રોજગાર વિનાના બેકાર થઈ ગયા હતા. દુઃખનાં આ કપરા સમયમાં કેન્દ્ર અને રાજ્ય સરકારનાં દીર્ઘદ્રષ્ટિભર્યા આયોજનનાં પરિણામે આજે મૃત:પાય ટાંગલિયા કળા જીવંત બની ટકી રહી છે.

દિવાળી પછી ઉતરાયણના પર્વની ઉજવણી કરાય છે

ગુજરાત સહિત દેશભરમાં વર્ષોથી દર વર્ષે ૧૪મી જાન્યુઆરીના રોજ ‘ઉત્તરાયણ’નો તહેવાર ખૂબ ઉત્સાહપૂર્વક ઉજવવામાં આવે છે. આ દિવસે સૂર્ય મકર રાશિમાં પ્રવેશ કરે છે, તેથી તેને ‘મકરસંક્રાંતિ’ પણ કહેવામાં આવે છે. દિવાળી પછી તરત જ ઉત્તરાયણની તૈયારીઓ શરૂ થઈ જાય છે. હાલના બદલાતા અને આધુનિક યુગમાં રાજય, આંતરરાજય અને આંતરરાષ્ટ્રીય સ્તરે ભિન્ન-ભિન્ન પ્રકારે પતંગ ચગાવીને આનંદ માણવાના આ પર્વનું મહત્વ દિન-પ્રતિદિન ઘણું વધી રહ્યું છે. છેલ્લા ઘણા વર્ષોથી ગુજરાત સરકાર દ્વારા રાષ્ટ્રીય અને આંતર રાષ્ટ્રીયકક્ષાના 'કાઈટ ફેસ્ટિવલ'નું આયોજન પણ કરવામાં આવે છે, એમ ગુજરાત માટીકામ કલાકારી અને રૂરલ ટેકનોલોજી સંસ્થા, ગાંધીનગરની યાદીમાં જણાવાયું છે. 

યુરોપિયન દેશોમાં પતંગ-ફિરકીની ભારે માંગ

દેશના વિવિધ રાજયો તેમજ વિદેશમાં મુખ્યત્વે યુએસએ તથા યુરોપિયન દેશોમાં પતંગ-ફિરકીની ભારે માંગ રહે છે. વિશ્વના ઘણા દેશોમાં ભારત પતંગોત્સવને લગતા વિવિધ ઉત્પાદનોનો નિકાસ કરે છે. પતંગના નિકાસ માટેની ઘણી કંપનીઓ દિલ્હી, મુંબઈ, કોલકાતા, સુરત અને અમદાવાદમાં કાર્યરત હોવાથી આ પ્રોડકટના વેચાણ માટે પૂરતા પ્રમાણમાં બજાર મળી રહે છે. વૈશ્વિક અને સ્થાનિક બજારોમાં પતંગોની વધુ માંગ હોવાથી સાંપ્રત સમયમાં પતંગ વ્યવસાય માટેની સંભાવનાઓ ખુબ વિશાળ પ્રમાણમાં રહેલી છે.

તાલીમ વર્ગનો સમય 30 દિવસ 

સંસ્થા દ્વારા રોજગારલક્ષી તાલીમ માટે પતંગ વ્યવસાય ગુજરાતના પ્રત્યેક જિલ્લામાં વિકસે તે માટે ખેત મજૂરી તેમજ છૂટક મજૂરી કરતા ભાઈઓ તથા બહેનોને તાલીમ આપવામાં આવે તેવું આયોજન કરવામાં આવ્યું છે. જેમાં પતંગ બનાવવાની પ્રક્રિયા, તે માટે લાગતો સમય, પતંગનું માર્કેટ અને રોજગારીની ઉજ્જવળ સંભાવનાઓ જેવા વિવિધ વિષયો પર તજજ્ઞો દ્વારા પ્રત્યક્ષ તાલીમ-માર્ગદર્શન આપવામાં આવે છે. આ તાલીમ વર્ગનો સમય ગાળો ૩૦ દિવસનો હોય છે તથા દરેક વર્ગમાં ૧૮ થી ૪૫ વર્ષ વચ્ચેની વયના તાલીમાર્થીઓની પસંદગી કરીને કુલ ૩૦ તાલીમાર્થીઓની બેચમાં તાલીમ આપવામાં આવે છે. હાલમાં, ગુજરાતમાં અમદાવાદ, વડોદરા અને ગાંધીનગર મહાનગરપાલિકા, આણંદ, ખેડા, વલસાડ, સુરત, પાટણ, અરવલ્લી, ડાંગ, નર્મદા અને તાપી એમ કુલ ૧૨ જિલ્લાઓના વિવિધ કેન્દ્રો ઉપર પતંગ બનાવવા માટેના તાલીમ વર્ગો શરૂ કરવામાં આવ્યા છે. જેમાંથી ૧૦ જેટલા વર્ગો પૂર્ણ થતાં તાલીમ થકી તૈયાર થયેલ કારીગર બહેનો દ્વારા પતંગોનું ઉત્પાદન કરીને તેમજ વેચાણ માટે સ્ટોર બનાવીને આવક ઉભી કરવામાં આવી હતી.  

વોકલ ફોર લોકલનું સૂત્ર સાર્થક

પ્રધાનમંત્રી નરેન્દ્રભાઇ મોદીના ”વોકલ ફોર લોકલ”ના સૂત્રને સાકાર કરવા મુખ્યમંત્રી ભૂપેન્દ્ર પટેલના માર્ગદર્શનમાં તેમજ કુટિર, ખાદી અને ગ્રામોદ્યોગ મંત્રી બલવંતસિંહ રાજપુત અને રાજ્ય મંત્રી જગદીશ વિશ્વકર્માના નેતૃત્વમાં રાજ્ય સરકાર ગ્રામોદ્યોગ દ્વારા રોજગારી ઉભી કરવા માટે સતત કાર્યશીલ છે. જે અંતર્ગત ગુજરાત માટીકામ કલાકારી અને રૂરલ ટેકનોલોજી સંસ્થા, ગાંધીનગર દ્વારા પતંગ બનાવવા માટે રાજ્યભરમાં કૌશલ્ય નિમાર્ણ તાલીમ વર્ગો શરૂ કરવામાં આવ્યા છે. જે સંદર્ભે ચાલુ વર્ષે રાજ્ય સરકાર દ્વારા અંદાજે રૂ. ૨૩ લાખના ખર્ચે ૪૪૪ જેટલા કારીગરોને ઘરે બેઠા પતંગ બનાવવાની તાલીમ આપીને રોજગારી માટે સક્ષમ કરવામાં આવ્યા છે. સંસ્થા દ્વારા આપવામાં આવતી આ તાલીમનો મોટા પ્રમાણમાં રોજગાર ઇચ્છુક નાગરિકો લાભ લઈ રહ્યા છે. 

ગુજરાત સરકાર દ્વારા અંદાજે રૂ. ૨૩ લાખના ખર્ચે ૪૪૪ જેટલા કારીગરોને પતંગ બનાવવાની તાલીમ અપાઈ

ગુજરાતમાં “ઉત્તરાયણ” પર્વ નિમિત્તે દર વર્ષે કરોડો રૂપિયાના પતંગનું વેચાણ થતું હોય છે, જેના પરિણામે આ ઉદ્યોગ થકી લાખો ભાઈ-બહેનોને રોજગાર મળી રહે છે. રાજ્યમાં ઘણા પરિવારો માટે પતંગ ઉદ્યોગ આજીવિકાનું એક સાધન બન્યો છે. આધુનિક ટેકનોલોજી-AIના યુગમાં પણ પતંગ બનાવવાનું ૯૫ ટકા કામ ફકત હાથ વડે થાય છે. 

ખેડૂતોને મળવાપાત્ર સહાય

ખેડૂતોને નેનો ફર્ટીલાઈઝરની ખરીદી પર કિંમતના ૫૦% ની મર્યાદામાં FCO - 1985 માન્ય ગ્રેડના સરકાર માન્ય કંપનીનું નેનો ફર્ટીલાઈઝર સબસીડી બાદ કરતા મળી રહેશે. અને ખાતા દીઠ વધુમાં વધુ ચાર હેકટરની મર્યાદામાં સબસીડી મળવાપાત્ર છે.ખેડૂતો આ યોજનાનો લાભ લેવા માટે આજે જ આપના નજીકના સરકાર માન્ય વિક્રેતાનો સંપર્ક કરવો અને યોજનાની વધુ વિગત માટે આપના વિસ્તારના ગ્રામસેવક અથવા તાલુકા કક્ષાએ વિસ્તરણ અધિકારી (ખેતી)નો સંપર્ક કરવા અનુરોધ કરવામાં આવે છે.

ખેડૂતોની આવકમાં વધારો થશે

નેનો ફર્ટીલાઈઝરમાં નેનો સ્કેલમાં તત્વોના કણો હોય પરંપરાગત ખાતરો કરતા વધુ સપાટી વિસ્તાર અને એકમ વિસ્તાર દીઠ કણોની સંખ્યા, તેઓ સરળતાથી કોષની દીવાલ દ્વારા અથવા પાંદડાના સ્ટોમેટલ છિદ્રો દ્વારા પ્રવેશ કરી શકે છે.છોડમા પ્રવેશ્યા પછી, તેઓ ફલોમ કોશિકાઓ, પ્લાઝમોડેસ્માટા દ્વારા છોડના અન્ય ભાગોમાં પરિવહન થાય છે અથવા એક્વાપોરીન, આયન ચેનલો અને એન્ડોસાયટોસીસ દ્વારા વાહક પ્રોટીન સાથે જોડાઈ શકે છે. નેનો ફર્ટીલાઈઝર પ્રવાહી સ્વરૂપે પર્ણસમૂહનો ઉપયોગ વધુ કાર્યક્ષમ નાઇટ્રોજન અને ફૉસ્ફરસ શોષણ, સારી વાનસ્પતિક વૃદ્ધિ, અનાજ ઉત્પાદન અને પાકની ગુણવત્તામાં વધારો કરે છે.નેનો ફર્ટીલાઈઝર (ખાતર)ના ફાયદાઓની વાત કરીએ તો, પાકની વધુ ઉપજ,ખેડૂતોની આવકમાં વધારો, ગુણવત્તા સભર ઉત્પાદન, રાસાયણિક ખાતરના વપરાશમાં ઘટાડો, પર્યાવરણ અનુકૂળ, સંગ્રહ અને પરિવહન કરવું સરળ છે.

નેનો ફર્ટીલાઈઝર ખાતરની ખરીદી પર સરકાર કરશે સહાય

નેનો ટેકનોલોજી આધારિત ખાતરો કૃષિમાં ક્રાંતિકારી ઈનપુટ સાબિત થઇ રહ્યા છે. જે પાકને જરૂરી મુખ્ય તત્વો નાઈટ્રોજન અને ફૉસ્ફરસ પ્રદાન કરે છે. નેનો ખાતરો ખેડૂતો માટે ઉત્પાદકતા વધારવા અને આબોહવા પરિવર્તન સામે લડવા માટે એક સક્ષમ વિકલ્પ છે. કૃષિમાં ક્રાંતિકારી નેનો ખાતરોનો વ્યાપ વધે અને પાકના પોષણ સાથે પ્રકૃતિની જાળવણીમાં મદદરૂપ થનાર નેનો ફર્ટીલાઈઝર (ખાતર)ની ખરીદી પર સહાય આપવાની યોજના સરકારશ્રી દ્વારા શરૂ કરવામાં આવી છે. 

વાંચો  03 વાગ્યા સુધીના મહત્વના સમાચાર

01 - Gujarat Highcourtની રાજય સરકારને ટકોર, ચાઈનીઝ દોરી અને તુક્કલનું વેચાણ અટકાવો

02 - Sheikh Hasina ભારતમાં જ રહેશે, પ્રત્યાર્પણની માગ વચ્ચે સરકારે લીધો નિર્ણય

03 - 'તમારે ઇમરજન્સી જોવી જોઇએ' કંગનાની ઑફર પર પ્રિયંકા ગાંધી શું બોલ્યા ?

04 - Gujarat Weather : રાજયમાં હજી વધશે ઠંડીનો ચમકારો, હવામાન વિભાગે કરી આગાહી

05 -Afghanistan-પાકિસ્તાનમાં સ્થિતિ વધુ ખરાબ? 800 અફઘાનોની કસ્ટડી શા માટે મોટો મુદ્દો?

06 - Dubaiમાં સાઉથ અભિનેતાની કારનો ભયંકર અકસ્માત, કારના કૂરચે કૂરચા ઉડ્યા, જુઓ VIDEO

07 - Bhavnagarના લાકડીયા ગામમાં આવેલ ડુંગર સુધી સિંહ પહોંચ્યા, પશુનું કર્યુ મારણ

08 - Kutch યુનિવર્સિટીમાં ભરતી કૌભાંડ, રજિસ્ટ્રાર અને અધિકારીની ગેરકાયદે ભરતી

09 - બંધકોને મુક્ત નહી કરે તો'...ડોનાલ્ડ ટ્રમ્પે હમાસને કડક શબ્દોમાં આપી ચેતવણી

10 - Assam : ખાણ ખોદકામ દરમિયાન ફસાઇ 9 જિંદગી, સેના પહોંચી મદદે

અન્ય જિલ્લાના વહીવટદારોની બદલી કયારે ?

મોટા આઈપીએસોની સેવા કરવા માટે નાના કોન્સ્ટેબલો તત્પર હોય છે અને તેઓ વહીવટ કરતા હોય છે અને તેમને રાજી રાખતા હોય છે,અમદાવાદ પોલીસમાં પણ એવો ગણગણાટ શરૂ થયો છે કે,જો ગાંધીનગરથી વહીવટદારોની બદલી કરવામાં આવતી હોય તો જિલ્લાભરમાં તો ઘણા વહીવટદારો છે તેમની બદલી કેમ કરવામાં આવતી નથી,શું પોલીસના ઉચ્ચ અધિકારીઓ આવા વહીવટદારની બદલી કરશે ? જો જિલ્લાભરના વહીવટદારોની બદલી કરવામાં આવે તો પોલીસબેડામાં ઘણા મોટા ફેરફાર એમનેમ થઈ જાય અને ભ્રષ્ટ્રાચાર પર કાબુ આવી જાય.માત્ર પોલીસ ખાતુ ભ્રષ્ટ્રાચાર કરે છે એવું નથી,ઘણા ખાતા એવા છે જેમાં ઘણા ખાનગી માણસો પણ વહીવટ કરતા હોય છે.

પીસીબીએ પાડયા હતા દરોડા 

તાજેતરમાં પીસીબી દ્વારા વિવિધ વિસ્તારમાં ગેરકાયદેસર પ્રવૃત્તિ ઉપર રેડ કરવામાં આવી હતી તેમજ તાજેતરમાં બાપુનગર અને રખિયાલ વિસ્તારમાં બનેલ બનાવની ગંભીર નોંધ લેવામાં આવી હતી.પોલીસ કમિશનર દ્વારા તેવા વિસ્તારના પોલીસ કર્મચારીઓ અને પીએસઆઇની કે કંપનીમાં બદલી કરવામાં આવી છે,પીસીબી દ્વારા ચાંદખેડા, સાબરમતી, બાપુનગર, ઇસનપુર, સોલા, સરખેજ, નારોલમાં દેશી અને અંગ્રેજી દારૂના અડ્ડા પર રેડ કરવામાં આવી હતી.

અમદાવાદ પોલીસના 19 વહીવટદારોનો છૂટી ગયો પરસેવો, પોલીસ કમિશનરે "કે કંપનીમાં" કરી બદલી

અમદાવાદ શહેર પોલીસમાં ફરજ બજાવતા 19 પોલીસ કોન્સ્ટેબલો અને ત્રણ પીએસઆઈની કે કંપનીમાં સજાના ભાગરૂપે અમદાવાદ શહેર પોલીસ કમિશનરે બદલી કરી છે,અમદાવાદ શહેર પોલીસ કમિશનરે અગાઉ પણ 13 પોલીસ કોન્સ્ટેબલોની બદલી કરી હતી,શહેરમાં ગેરકાયદેસર પ્રવૃતિને પ્રોત્સાહન આપવા બદલ પોલીસ કમિશનરે બદલી કરી હોવાની વાત સૂત્રો તરફથી મળી રહી છે.

અનેક લોકોના જીવ ગયા છે ચાઈનીઝ દોરીથી

ગુજરાતમાં ઉત્તરાયણનું અનોખો મહત્વ છે અને લોકો ધામધૂમથી તહેવારની ઉજવણી કરતા હોય છે પણ ઉજવણીના ભાગરૂપે લોકો અન્યના જીવ જોખમમાં મૂકતા હોય છે ત્યારે ચાઈનીઝ દોરીથી લોકોને નુકસાન ના થાય તેને લઈ લોકો પણ સચેત નથી,ગુજરાતમાં ખાનગી રાહે ચાઈનીઝ દોરી અને આકાશી તુક્કલનું વેચાણ થઈ રહ્યું છે,ચાઈનીઝ દોરીના કારણે અનેક લોકો જીવ ગુમાવી બેઠા છે ત્યારે ચાઈનીઝ તુક્કલથી આગ લાગવાની પણ અનેક ઘટનાઓ બની છે.

ચાઈનીઝ દોરીને લઈ આ ગામની અનોખી પહેલ 

અરવલ્લી જિલ્લાની અંદર ભિલોડા તાલુકામાં લીલછા ગામે બે દિવસ અગાઉ ચાઈનીઝ દોરીથી યુવકનું ગળું કપાયું હતું. જેના કારણે યુવક લોહી લુહાણ થયો હતો. જોકે સમયસર સારવાર મળી રહેતા જીવ બચી ગયો હતો. ભિલોડાના લીલછા ગ્રામપંચાયત વિસ્તારમાં ચાઈનીઝ દોરીનો ઉપયોગ ન થાય અને ચાઈનીઝ દોરીથી કોઈ પતંગ ચગાવે નહીં તે માટે ભિલોડાના લીલછા ગ્રામપંચાયતની અનોખી પહેલ જોવા મળી હતી.ભિલોડાના લોલછા ગામમાં ચાઈનીઝ દોરી વેચતાં પકડાયા તો પાંચ હજારનો દંડ પણ થશે.

ગુજરાત હાઈકોર્ટની રાજય સરકારને ટકોર, ચાઈનીઝ દોરી અને તુક્કલનું વેચાણ અટકાવો

ઉત્તરાયણના તહેવારને લઇ ગુજરાત હાઇકોર્ટમાં એક મહત્વની અરજી થઈ છે જેમાં જોખમી દોરી અને તુક્કલને લઈ અરજી કરવામાં આવી છે,અરજદારે જોખમી દોરી અને ચાઇનીઝ તુક્કલ પર રોક લગાવવા માગ કરી છે,બીજી તરફ હાઇકોર્ટે રાજ્ય સરકારને મહત્વની ટકોર કરી છે જેમાં જાહેરમાં વપરાતી જોખમી વસ્તુઓનું ધ્યાન રાખવા ટકોર કરવામાં આવી છે,લોકોના જીવ જોખમમાં ના મુકાય તેનું ધ્યાન રાખવા ટકોર કરાઈ છે,જાહેરમાં રંગાતી દોરીની પણ તપાસ કરવા ગુજરાત હાઈકોર્ટની સૂચના છે. 

સામૂહિક આકાંક્ષાઓને પ્રતિબિંબિ

માનનીય મંત્રીએ બાયો-મેથેનોલ પર એક માર્ગદર્શિકા પણ બહાર પાડી, જે સરકારની ગ્રીન પહેલને વધુ મજબૂત બનાવે છે. તેમણે DPAના ટ્રાફિક વિભાગના ઉત્સાહી નિમણૂકોને નિમણૂક પત્રોનું વિતરણ પણ કર્યું.સ્ટેકહોલ્ડર્સ સાથેની બેઠકમાં,મંત્રીએ DPAની વૃદ્ધિ વાર્તામાં તેમના યોગદાન બદલ આભાર વ્યક્ત કર્યો અને DPAને વૈશ્વિક મેરીટાઇમ લીડર તરીકે સ્થાન આપવા માટે સતત સહયોગના મહત્વ પર ભાર મૂક્યો.પોર્ટ યુઝર્સ અને સ્ટેકહોલ્ડર્સ દ્વારા મંત્રીના હ્રદયપૂર્વકના અભિવાદન સાથે આ મુલાકાત સમાપ્ત થઈ, જે દરિયાઈ કામગીરીમાં શ્રેષ્ઠતા માટે બંદર સમુદાયની સામૂહિક આકાંક્ષાઓને પ્રતિબિંબિત કરે છે.

સ્થાપના સહિત DPAની પહેલ પ્રશંસનીય 

નેશનલ ગ્રીન હાઇડ્રોજન મિશનને હાઇલાઇટ કરતાં મંત્રીએ જણાવ્યું હતું કે, દીનદયાલ પોર્ટ ઓથોરિટી ગ્રીન હાઇડ્રોજન હબ બનવા માટે તૈયાર છે, જે ભારતના ડીકાર્બોનાઇઝેશનના લક્ષ્યોને હાંસલ કરવા અને ટકાઉ ભવિષ્યને પ્રોત્સાહન આપવા માટેનું એક મહત્વપૂર્ણ પગલું છે. ગ્રીન હાઇડ્રોજન ઉત્પાદન સુવિધાઓ માટે 3400 એકરની ફાળવણી, નવીનીકરણીય ઉર્જા ઇન્ફ્રાસ્ટ્રક્ચરનો વિકાસ અને ડિસેલિનેશન પ્લાન્ટ્સની સ્થાપના સહિત DPAની પહેલ પ્રશંસનીય છે.

બંદરો, શિપિંગ અને જળમાર્ગોના  મંત્રીએ મુલાકાત દરમિયાન DPAના મુખ્ય વિકાસલક્ષી પ્રોજેક્ટ્સનું પણ ઉદ્ઘાટન કર્યું

01-કાર્યક્ષમ કાર્ગો હેન્ડલિંગ માટે હાર્બર મોબાઈલ ક્રેન્સનું ઉદ્ઘાટન.

02-કામગીરીને સુવ્યવસ્થિત કરવા માટે, ઑઇલ જેટી-8 ખાતે ટેલિસ્કોપિક ગેંગવેનું ઉદ્ઘાટન.

03-ગાંધીધામ મ્યુનિસિપલ કોર્પોરેશન માટે વેસ્ટ રિસાયક્લિંગ પ્લાન્ટનું ઉદ્ઘાટન, પર્યાવરણ સંરક્ષણ અને સ્વચ્છ ભારત અભિયાન તરફનું એક મહત્વપૂર્ણ પગલું.

04-શિક્ષણ અને સમુદાયના વિકાસ માટે બંદરની પ્રતિબદ્ધતા પર ભાર મૂકવા કેન્દ્રીય વિદ્યાલય શાળા બિલ્ડીંગનું ઉદ્ઘાટન

વધુમાં, માનનીય મંત્રી PSW એ નીચે મુજબ DPA અને અગ્રણી સંસ્થાઓ વચ્ચે એમઓયુ અને કરાર પર હસ્તાક્ષર કર્યા હતા:

05-ગ્રીન હાઇડ્રોજન બસોની ગતિશીલતા માટે NTPC સાથે એમઓયુ.

06-1MWના હાઇડ્રોજન ટેક્નોલોજી ડેમોન્સ્ટ્રેશન પ્લાન્ટ માટે L&T સાથે કરાર.

વૈશ્વિક જ્ઞાન હબ તરીકે ગાંધીધામની સ્થિતિને મજબૂત કરશે

બંદરો, શિપિંગ અને જળમાર્ગોના મંત્રીએ, માનનીય સાંસદ (કચ્છ-મોરબી) શ્રી વિનોદભાઈ ચાવડાની હાજરીમાં ઓગસ્ટમાં ગ્રીન હાઇડ્રોજન અને ગ્રીન મેરીટાઇમ ઇંધણને સમર્પિત બે શ્રેષ્ઠતા કેન્દ્રો (CoE) માટે શિલાન્યાસ કર્યો હતો.માલતીબેન મહેશ્વરી, માનનીય ધારાસભ્ય (ગાંધીધામ), સુશીલ કુમાર સિંઘ, IRSME, ચેરમેન (DPA),નંદીશ શુક્લા, IRTS,Dyઅધ્યક્ષ (DPA),એમ. રામમોહન રાવ, IRS,કમિશનર (કસ્ટમ-કંડલા), શ્રી મહેશ પુજ, પ્રમુખ (ગાંધીધામ ચેમ્બર ઓફ કોમર્સ એન્ડ ઇન્ડસ્ટ્રીઝ), શ્રી રાહુલ મોદી, સભ્ય (નેશનલ શિપિંગ બોર્ડ), અગ્રણી સ્ટેકહોલ્ડર્સ, પોર્ટ વપરાશકર્તાઓ, ટ્રેડ યુનિયનો અને DPAના અધિકારીઓ.ગાંધીધામમાં સ્થિત આ કેન્દ્રોનો ઉદ્દેશ્ય ગ્રીન એનર્જી ટેક્નોલોજીમાં ઉદ્યોગસાહસિકતાને પ્રોત્સાહન આપવાની સાથે સાથે ડ્રાઇવ, નવીનતા અને વૈશ્વિક સહયોગનો છે. આ કેન્દ્રો તાલીમ અને હિસ્સેદારોની સંલગ્નતા માટેના પ્લેટફોર્મ તરીકે પણ કામ કરશે, જે ગ્રીન મેરીટાઇમ પહેલ માટે વૈશ્વિક જ્ઞાન હબ તરીકે ગાંધીધામની સ્થિતિને મજબૂત કરશે.

કચ્છમા જળમાર્ગના મંત્રીએ  દીનદયાલ પોર્ટ ઓથોરિટીની લીધી મુલાકાત

ભારત સરકારના બંદરો, શિપિંગ અને જળમાર્ગોના મંત્રીએ દીનદયાલ પોર્ટ ઓથોરિટી (DPA)ની મુલાકાત લીધી હતી, જે ભારતમાં દરિયાઈ ક્ષેત્ર માટે એક મહત્વપૂર્ણ અવસર છે. આ મુલાકાતે વિકસિત ભારત @2047 ના વ્યાપક વિઝન સાથે સંરેખિત, ટકાઉ વિકાસ, માળખાગત આધુનિકીકરણ અને રાષ્ટ્રીય ગ્રીન હાઇડ્રોજન મિશનની અનુભૂતિ માટે DPAની અતૂટ પ્રતિબદ્ધતાને રેખાંકિત કરી. પોર્ટ્સ, શિપિંગ અને જળમાર્ગોના માનનીય મંત્રીએ પાયો નાખ્યો. 

આ સિઝનની સૌથી વધુ ઠંડી નોંધાવાની શક્યતા

આવતીકાલથી ઠંડીનો નવો રાઉન્ડ શરૂ થવાની શક્યતા છે, જેને પગલે ઠંડીનો પારો 13 ડિગ્રી સુધી ગગડવાની આગાહી કરવામાં આવી છે, જે આ સિઝનની સૌથી વધુ ઠંડી નોંધાઇ શકે એમ છે. કારણ કે, આ સિઝનમાં અત્યાર સુધીમાં લઘુતમ તાપમાન 14 ડિગ્રીના નીચે ગયું નથી.છેલ્લા બે દિવસથી ઉત્તર ભારતમાં બરફ વર્ષા શરૂ થઈ છે, જેને પગલે તાપમાન ફ્રીઝિંગ પોઇંટ પર છે. આ ઉપરાંત સુરત સહિત દક્ષિણ ગુજરાતમાં ઉત્તર-પૂર્વ દિશા તરફથી બર્ફીલા પવનો ફૂંકાવાના શરૂ થતાં અચાનક તાપમાનમાં મોટો ઘટાડો થતો જોવા મળી રહ્યો છે.

પવનની વધશે ગતિ

પવનની ગતિ 5 થી 10 કિમીની ઝડપની રહેશે તેવી આગાહી હવામાન વિભાગ દ્વારા કરવામાં આવી છે તો બે દિવસ બાદ ઠંડીથી આંશિક રાહત રહેશે તો નલિયા સિઝનનું સૌથી ઓછું તાપમાન પહેલીવાર નોંધાયું હોવાની વાત સામે આવી છે,હવામાન વિભાગ દ્વારા કમોસમી વરસાદને લઈ કોઈ આગાહી કરવામાં આવી નથી.,લઘુત્તમમાં વધુ પરિવર્તન નહિ થાય તેવી આગાહી હવામાન વિભાગ દ્વારા કરવામાં આવી છે.

રાજયમાં હજી વધશે ઠંડીનો ચમકારો, હવામાન વિભાગે કરી મોટી આગાહી 

હવામાન વિભાગે રાજયમાં ઠંડીને લઈ આગાહી કરી છે જેમાં ઠંડીનો ચમકારો હજી પણ આગળના દિવસોમાં વધશે તેવી આગાહી હવામાન વિભાગ દ્વારા કરવામાં આવી છે.નલિયામાં ગત રાત્રે 3.2 ડિગ્રી તાપમાન નોંધાયું હોવાની વાત સામે આવી છે જેમાં ઉત્તર પૂર્વના પવનોને લીધે ઠંડીનું જોર યથાવત રહેશે સાથે સાથે પવનની ગતિ 5 થી 10 કિમીની ઝડપની રહેશે તેમજ બે દિવસ બાદ ઠંડીથી આંશિક રાહત મળશે તેવી આગાહી કરવામાં આવી છે.

સિંહને ટ્રેક કરવાની કામગીરી શરૂ

લાકડીયા ગામનાં ડુંગરમાં માલધારીઓ પોતાના પશુઓને ચરાવવા માટે લઈને જતા હોય છે, પરંતુ સિંહોના સતત આટાફેરાને કારણે હવે તેઓ આ કાર્ય કરવા માટે પણ ડરી રહ્યા છે. સિંહના હુમલાના ભયને કારણે માલધારીઓ પોતાના પશુઓને સુરક્ષિત રીતે ચરાવવા જવાની હિંમત કરી શકતા નથી. હાલની ઘટનાને ધ્યાનમાં રાખીને, ફોરેસ્ટ વિભાગને સિંહ મારણની જાણ કરવામાં આવી છે. ફોરેસ્ટ વિભાગ દ્વારા સિંહને ટ્રેક કરીને તેની ગતિવિધિઓ પર નજર રાખવાની કામગીરી શરૂ કરવામાં આવી છે. આ પગલાં દ્વારા માનવ અને પશુઓને સુરક્ષિત કરવા માટે પૂરતું ધ્યાન રાખવામાં આવશે.

ગ્રામજનોમાં ફફડાટ

જેમાં કુંવા બાંધવા, ખેતરોમાં માટે મેડો, તેમજ તાર ફેંસિંગ જેવી અનેક યોજનાઓ આપવામાં આવતી નથી. ત્યારે ખેડૂતો માંગ કરી રહ્યા છે કે લાકડીયા ગામનાં ખેડૂતોને આ સહાય આપવામાં આવે. ભાવનગર જિલ્લાના ઘોઘા તાલુકાનાં લાકડીયા ગામમાં સિંહોના અટાફેરા વધી જતા ખેડૂતોઓમાં ભયનો માહોલ સર્જાયો છે. છેલ્લા કેટલાક દિવસોથી આ વિસ્તારમાં સિંહોની ગતિવિધિઓ વધતી જોવા મળી છે. ગતકાલે જ સિંહે એક પશુને મારી નાખ્યું, જેને લઈને ખેડૂતોઓમાં ફફડાટ ફેલાયો છે. 

ગ્રામજનોને વન વિભાગ સુવિધા નહી આપતું હોવાનો આક્ષેપ

હવે દિવસોથી લાકડીયા ગામ સુધી સિંહનાં આટાફેર વધી જતા પશુપાલકો અને માલધારીઓમાં ભય ફેલાતા પોતાના પશુને ચરાવવા લઈને પણ જઈ શકતા નથી. હાલ સિંહ દ્વારા મારણ કરવામાં આવ્યું હોવાની જાણ ફોરેસ્ટ વિભાગને કરવામાં આવી છે. ઘટનાને લઈ ફોરેસ્ટ વિભાગ દ્વારા સિંહને ટ્રેક કરવાની કામગીરી હાથ ધરવામાં આવી. બીજી તરફ ગામ લોકોનો આક્ષેપ છે કે વન વિભાગ દ્વારા લાકડીયા ગામમાં એકપણ ખેડૂતને વન વિભાગ તરફ થી કોઈપણ સહાય આપવામાં આવતી નથી. 

ભાવનગરના લાકડીયા ગામમાં આવેલ ડુંગર સુધી સિંહ પહોંચ્યા, પશુનું કરી રહ્યાં છે મારણ

ભાવનગર જિલ્લાના ઘોઘા તાલુકાનાં લાકડીયા ગામમાં આવેલ ડુંગર સુધી સિંહનાં અટાફેરા વધતા ખેડૂતોઓમાં ફફડાટ જોવા મળી રહ્યો છે.  આ વિસ્તારમાં 3 થી 4 સિંહો ગામની સીમમાં જોવા મળી રહ્યા છે તેવો આક્ષેપ સ્થાનિકોનો છે. આ વિસ્તારમાં સિંહે ગઈકાલે જ એક પશુનું મરણ કર્યું છે જેને લઈ ખેડૂતોઓમાં ફફડાટ જોવા મળી રહ્યો છે. લાકડીયા ગામનાં ડુંગરમાં ખેડૂતોઓ પોતાનાં પશુને લઈને ચરાવા માટે લઈ જતા હોય છે. 

નામ વગરની અરજીનો નિકાલ નહી થાય 

વધુમાં, તારીખ વિત્યા પછીની કે અસંદિગ્ધ અને અસ્પષ્ટ રજુઆતવાળી એક કરતાં વધુ શાખાના પ્રશ્નો હોય તેવી, સુવાચ્યઓ ન હોય તેવી, નામ, સરનામા વગરની કે વ્યક્તિગત આક્ષેપોવાળી તેમજ અરજદારનું હિત સંકળાયેલ ન હોય તેવી તથા કોર્ટ મેટર, આંતરિક તકરાર, સેવાને લગતી અરજી પર કોઈ કાર્યવાહી થઈ શકશે નહીં. જેની અરજદારોને નોંધ લેવા નિવાસી અધિક કલેકટરની યાદીમાં જણાવાયું છે. 

ઓનલાઈન પીડીએફ મૂકવી

અરજદારે ઓનલાઈન અરજી કરી હોય તે તમામ આધારોની પીડીએફ ઓનલાઈન અરજીમાં અપલોડ કરવાની રહેશે. અલગ અલગ વિષય દર્શાવતાં પ્રશ્નો માટે અલગ અલગ અરજી કરવાની રહેશે. એક અરજદાર વધુમાં વધુ બે પ્રશ્નો જ રજૂ કરી શકાશે. બે કરતા વધુ પ્રશ્નો રજૂ થશે તો તેવા પ્રસંગે ફકત પ્રથમ રજૂ થયેલા બે પ્રશ્નો જ માન્ય ગણાશે. સરકારી કર્મચારીઓની સેવા વિષયક બાબતને લગતા પ્રશ્નો અને કોર્ટ મેટર કે અપીલ/વિવાદ હેઠળના પ્રશ્નોનો કે બેન્કિંગ અંગેના પ્રશ્નો કે ભૂકંપને લગતા પ્રશ્નોનો સમાવેશ કરવામાં આવશે નહીં. ગ્રામ્ય સ્વાગત કાર્યક્રમ માટે અરજદારોએ તેઓની અરજી પ્રશ્નો બે નકલમાં સંબંધિત તાલુકા વિકાસ અધિકારીશ્રીઓને મોકલવાની રહેશે.

ફરિયાદ નિવારણ કાર્યક્રમ

આ ફરિયાદ નિવારણ કાર્યક્રમ અંતર્ગત તા.૧૦.૦૧.૨૦૨૫ સુધીમાં ગ્રામ્ય કક્ષાના પ્રશ્નો, ફરિયાદો જે તે તાલુકા વિકાસ અધિકારીશ્રીને પહોંચતા કરવાના રહેશે. તેમજ તાલુકા અને જિલ્લા કક્ષાના ફરિયાદ નિવારણ કાર્યક્રમ માટેના તાલુકા કક્ષાના તથા જિલ્લા કક્ષાના પ્રશ્નો, ફરિયાદો માટે તા.૧૦.૦૧.૨૦૨૫ સુધીમાં swagat.gujarat.gov.in/cmog વેબ સાઈટ પર સાંજના ૧૮.૦૦ કલાક સુધીમાં ઓનલાઈન અરજી કરવાની રહેશે. ત્યારબાદ આવેલ અરજીઓ "ફરિયાદ નિવારણ કાર્યક્રમ"માં સમાવિષ્ટ કરવામાં આવશે નહી.

સુરેન્દ્રનગરમાં 22 અને 23 જાન્યુઆરી યોજાશે જિલ્લા કક્ષાનો ફરિયાદ નિવારણ કાર્યક્રમ 

સુરેન્દ્રનગર જિલ્લાના પ્રજાજનોનો પ્રશ્નો તથા ફરિયાદો સ્થાનિક કક્ષાએ હલ થાય તે માટે મુખ્યમંત્રી તરફથી ગ્રામ્ય કક્ષાએ, તાલુકા કક્ષાએ અને જિલ્લા કક્ષાએ “ફરિયાદ નિવારણ દિવસ”નું આયોજન કરવામાં આવે છે. જે અંતર્ગત ચાલુ માસમાં તા.૨૨.૦૧.૨૦૨૫, બુધવારના રોજ ગ્રામ્ય કક્ષાનો તેમજ જિલ્લાના તમામ તાલુકાઓમાં તાલુકા સ્વાગત કાર્યક્રમ યોજાનાર છે. તા.૨૩.૦૧.૨૦૨૫, ગુરૂવારના રોજ સવારે ૧૧.૦૦ કલાકે કલેકટર કચેરી, સભાખંડ ખાતે જિલ્લા કક્ષાનો સ્વાગત કાર્યક્રમ યોજાશે.

કોર્પોરેશન દ્વારા કરાય છે કામગીરી

કોર્પોરેશન દ્વારા વિશ્વામિત્રીમાં પાણીની વહન ક્ષમતા વધારવા સ્પોટ આઇડેન્ટીફાઈની કામગીરી શરુ કરવામાં આવતા શહેરીજનોમાં ખુશીનો માહોલ જોવા મળ્યો છે.પ્રોજેક્ટની ટેન્ડર પ્રક્રિયા દરમિયાન પૂર્વ તૈયારીના ભાગરૂપે આ કામગીરી કરવામાં આવી છે આ વખતે ભારે વરસાદના કારણે શહેરની સ્થિતિ અલગ જોવા મળી હતી.ફક્ત પૂર્વ તૈયારીના ભાગરૂપે કામગીરી શરૂ કરી હોવાનો મ્યુનિસિપલ કમિશનરનો દાવો છે.પ્રથમ ફેઝમાં થનારી આ કામગીરીથી વિશ્વામિત્રી નદીની વહન શક્તિમા 75 ટકા વધારો થનાર હોઇ, પાલિકા દ્વારા કામગીરી શરૂ કરી દેવામાં આવી છે.

વડોદરામાં સ્પોટ આઇડેન્ટીફાઈની કામગીરી શરુ

વડોદરાની વિશ્વામિત્રી નદીમાં સ્પોટ આઇડેન્ટીફાઈની કામગીરી શરૂ કરવામાં આવી છે જેમાં પાણીની વહન ક્ષમતા વધારવા સ્પોટ આઇડેન્ટીફાઈની કામગીરી શરૂ કરવામાં આવી છે,નદી પર જેસીબી મશીન મૂકી આ કામગીરી ગઈકાલથી શરૂ કરવામાં આવી છે,ચોમાસામાં વિનાશક પૂરમાં તારાજી સર્જાઈ હતી જેને લઈ આ કામગીરી શરૂ કરવામાં આવી છે.પૂર્વ તૈયારીના ભાગરૂપે સ્પોટ શોધી કામગીરી શરુ કરવામાં આવી છે અને મશીનરી નદીમાં ઉતારવા માટે રેમ્પ બનાવવાની કામગીરી કરાઈ છે.

વિશ્વામિત્રી નદીમાં પૂર આવ્યા બાદ તંત્ર હતું જાગ્યું 

ઉતરાયણ બાદ પ્રથમ તબક્કામાં વિશ્વામિત્ર નદીમાં 50 કરોડના ખર્ચે કામગીરી કરવામાં આવશે જેમાં વિશ્વામિત્રી નદીમાં રહેલા જાડી ઝાંખડા અને કાંપ દૂર કરવામાં આવશે 100 દિવસમાં કામગીરી કરાશે પૂર્ણ  જેમા નદીમાં રહેલ કાપ અને જાડી ઝાંખડા કાઢવા માટે 40 પોલેન્ડ, 75 થી વધુ જેસીબી અને 250થી વધુ હાઈવા મશીનરીનો થશે ઉપયોગ સાથે સાથે નદીમાં રહેલ શિડ્યુલ વનના પ્રાણી કાચબા અને મગરવા માટે સલામતીને અગ્રીમતા આપશે,જરૂર પડે તો કમાટીબાગ ઝૂ અને આજવા સરોવર ખાતે 150 જેટલા મગર અને કાચબા રાખવાની ગોઠવાશે વ્યવસ્થા.અને અંદાજે 15 લાખ ક્યુબિક મીટર કાંપ અને કચરો નદીમાંથી કઢાશે બહાર. 

વડોદરામાં વિશ્વામિત્રી નદીમાં ઉતરાયણ બાદ પ્રથમ તબક્કાની કરાશે કામગીરી 

વડોદરા વિશ્વામિત્રી નદીમાં પૂર બાદ તંત્ર જાગ્યું છે જેમાં નદીમાં 50 કરોડના ખર્ચે કામગીરી કરવામાં આવશે સાથે સાથે ઉત્તરાયણ બાદ પ્રથમ તબક્કામાં કામગીરી કરાશે જેમા નદીમાં રહેલા જાડી, ઝાંખડા અને કાપ દૂર કરાશે સાથે સાથે 100 દિવસમાં સમગ્ર કામગીરી પૂર્ણ કરાશે તેવુ તંત્રનુ માનવું છે જેમા JCB મશીન અને હાઈવા મશીનરીનો ઉપયોગ કરવામાં આવશે.

સુરત પોલીસ હજી પણ ઝડપશે નકલી ડોકટરો

સુરત પોલીસે છેલ્લા બે મહિનામાં 50 કરતા વધુ નકલી ડોકટરો સામે તવાઈ બોલાઈ હતી,ત્યારે અગામી સમયમાં પણ સુરત પોલીસ આ ઓપરેશન ચાલુ રાખશે અને નકલી ડોકટરોને ઝડપશે,પોલીસે પણ એક જનતાજોગ સંદેશો જાહેર કર્યો છે અને કહ્યું છે કે,સ્થાનિકોના ધ્યાનમાં જો આવા બોગસ ડોકટરો આવે તો તે લોકો પણ પોલીસનો સંપર્ક કરી શકશે.

સુરતમાં 20માર્ચ 2024ના રોજ ત્રણ નકલી ડોકટર ઝડપાયા

સુરતમાં નકલી ડોકટર ઝડપવાને લઈ સુરત એસઓજી દ્રારા મુહીમ ચલાવવામાં આવી રહી છે,સુરતના ડીંડોલી વિસ્તારમાં 20 માર્ચ 2024ના રોજ ત્રણ બોગસ ડોકટરો ઝડપી લેવામાં આવ્યા હતા,પોલીસને બાતમી હતી કે,ડોકટરો દ્રારા અલગ-અલગ લોકોને સારવાર આપવામાં આવી રહી છે અને તે ડોકટરો સર્ટીફાઈડ ડોકટરો નથી જેના લીધે દરોડા પાડવામાં આવ્યા હતા.

સુરતમાં વધુ 4 બોગસ તબીબ ઝડપાયા

સુરતમાં નકલી ડોક્ટરોનો રાફડો ફાટ્યો છે જેને લઈ પોલીસે તપાસ હાથધરી 4 બોગસ ડોકટરને ઝડપી પાડયા છે.ગોડાદરામાંથી બોગસ ડોકટર ઝડપાયા છે.ડિગ્રી વગર દવાખાનું ચલાવતા ડોક્ટરો ઝડપાતા પોલીસ પણ ચોંકી પણ ઉઠી છે.એક મહિલા સહિત 4 લોકોને પોલીસે ઝડપી પાડયા છે.

વાંચો 12 વાગ્યા સુધીના મહત્વના સમાચાર 

01 - Gold Price Today: સોના-ચાંદીના ભાવમાં થયો ફેરફાર, જાણો સોનું કેટલું મોંઘુ ?

02 - bhagyshree: અભીનેત્રીએ 55 વર્ષે પણ યુવાન રહેવાની આપી ટીપ્સ

03 - BZ ગ્રૂપનો હિસાબ રાખનાર કૌંભાડી નરેશ પ્રજાપતિની CID ક્રાઈમે કરી ધરપકડ

04 - Kumbh Mela 2025: મહાકુંભમાં ડૂબકી લગાવતા પહેલા જાણીલો આ નિયમ

05 - PAN Card: સાવધાન..PAN કાર્ડને લઇને આવી પોસ્ટથી ન ભરમાતા, PIBએ કરી સ્પષ્ટતા

06 - Canadaનો મેપ શેર કરીને ડોનાલ્ડ ટ્રમ્પે લખ્યુ સ્ટેટ ઓફ USA

07 - Gujarat પોલીસની શારીરિક ભરતી પ્રક્રિયાનો પ્રારંભ, ઉમેદવારોમાં ખુશીનો માહોલ છવાયો

08 - મૃતકના પરિવારની વ્હારે આવ્યો રામચરણ, ગેમ ચેંજરની ઇવેન્ટ દરમિયાન અકસ્માતની ઘટના

09 - Petrol Diesel Price Today: દેશમાં પેટ્રોલ ડીઝલના ભાવમાં ફેરફાર, અમદાવાદમાં કેટલી કિંમત?

10 - Amreli લેટરકાંડમાં પાયલનો મેડિકલ ચેક-અપનો ઇનકાર, શું છે કારણ

BSFની ટીમો પણ કામે લાગી હતી

બોરવેલમાં ફસાયેલ યુવતીને બચાવવા ફાયર વિભાગને મુશ્કેલી લાગતા આર્મી અને BSFની ટીમો પણ બોલાવવામાં આવી હતી. જો કે આર્મી અને BSFને પણ 500 ફૂટ ઊંડા બોરવેલમાંથી યુવતીને બહાર કાઢવા બહુ પ્રયાસ કર્યા છતાં પણ સફળતા ના મળી. જેના બાદ ગાંધીનગરથી NDRFની ટીમ બોલાવવામાં આવી. હાલમાં રેસ્કયુ ઓપરેશન ચાલુ છે અને 18 વર્ષીય યુવતીને શ્વાસ લેવામાં તકલીફ ના પડે માટે ઓક્સિજન સપ્લાય ચાલુ કરાયો હતો. સ્થાનિક તંત્ર દ્વારા બોરવેલમાં ફસાયેલ યુવતીને બચાવવા યુદ્ધ ધોરણે પ્રયાસ હાથ ધરાયા છે. ફાયર વિભાગ, આર્મી, BSF અને NDRFની ટીમો બચાવ કામગીરીમાં કામે લાગી હતી. તો યુવતી બહાર આવે ત્યારે પ્રાથમિક સારવાર મળી રહે માટે એમ્બ્યુલન્સ પણ ઘટનાસ્થળ પર રાખવામાં આવી હતી.

મૃતદેહ બહાર કાઢવામાં સફળતા મળી

કચ્છના ભુજના કંઢેરાઇ ગામમાં 500 ફૂટ ઊંડા બોરવેલમાં ફસાયેલી યુવતી 33 કલાક બાદ જીદગીની જંગ હારી ગઇ છે.બોરવેલમાં ફસાયેલી ઇન્દિરા મીણા નામની યુવતીનું મોત થયું છે. રેસક્યુ દરમિયાન મૃતદેહને બોરવેલમાંથી 300 ફૂટ ઉપર આવ્યા બાદ ફરી નીચે પટકાયો હતો. NDRFની ટીમ દ્વારા ફરી મૃતદેહને બહાર કાઢવાનો પ્રયાસ કરવામાં આવી રહ્યો છે. મૃતદેહ બોરવેલમાં ફુલાઇ જવાથી મૃતદેહ બહાર કાઢવામાં સફળતા મળી.

 ભૂજમાં બોરવેલમાં ખાબકેલી યુવતી હારી જિંદગી 

ભૂજમાં બોરવેલમાં ખાબકેલ યુવતીનું મોત થયું છે,34 કલાકના ઓપરેશન બાદ પણ યુવતી બચી ના શકી અને તેણે અંતિમ શ્વાસ લીધા હતા,બોરવેલમાં ખાબકેલી યુવતીને બહાર કઢાઈ છે,યુવતીનો કોહવાયેલી હાલતમાં મૃતદેહ બહાર કાઢી પીએમ માટે મોકલી આપવામાં આવ્યો છે.પોલીસે પણ યુવતીના પરિવારજનોના નિવેદન નોંધ્યા છે. 

અન્ય લોકોની પણ પોલીસે હાથધરી તપાસ

BZ ગ્રૂપ કૌભાંડમાં CID ક્રાઈમને વધુ એક સફળતા મળી. કૌભાંડ કિંગ ભૂપેન્દ્રસિંહ ઝાલાની ધરપકડ બાદ કરોડોના કૌભાંડનો હિસાબ રાખનાર નરેશને CIDએ ઝડપી પાડ્યો છે. રાજ્યમાં 6000 કરોડનું કૌભાંડ કરનાર ભેજાબાજ ભૂપેન્દ્રસિંહ ઝાલાના 3 દિવસના રિમાન્ડ પૂર્ણ થતાં કોર્ટમાં રજૂ કરાયો. ઝાલાને હાલ જ્યુડિશિયલ કસ્ટડીમાં રાખવામાં આવ્યો છે.દરમ્યાન CID ક્રાઈમ આ કૌભાંડમાં અત્યાર સુધી કરેલ તપાસનો રિપોર્ટ કોર્ટને સોંપાશે. BZ ગ્રૂપ સ્કેમના મુખ્ય આરોપી ભૂપેન્દ્રસિંહ ઝાલાની ડિસેમ્બર મહિનાના અંતમાં ધરપકડ કરવામાં આવી. BZ ગ્રૂપ સ્કેમનો પર્દાફાશ થયા બાદ સામાન્ય એજન્ટથી લઈને અધિકારીઓ શંકાના દાયરામાં છે.

ભૂપેન્દ્રસિંહ ઝાલાએ કર્યો મોટો ખુલાસો 

ધરપકડ બાદ પૂછપરછ કરતાં ભૂપેન્દ્રસિંહ ઝાલાએ વધુ એક ચોંકાવનારો ખુલાસો કર્યો. પૉન્ઝી સ્કીમ ચલાવનારા કૌભાંડ કિંગે જણાવ્યું કે તે ટૂંક સમયમાં રાજનીતિમાં પ્રવેશ કરવાનો હતો. મહાઠગની ઇચ્છા હતી કે આ કૌભાંડ આટોપાઈ જાય બાદ તે આગામી 2027ની વિધાસભા ચૂંટણી લડવાની તૈયારીમાં હતો. તેને અનેક રાજનેતાઓ સાથે સંબંધો હોવાનો પણ ખુલાસો કરતાં ભાજપના નેતૃત્વ હેઠળ ચૂંટણી લડવાની યોજના પણ બનાવી હોવાની કબૂલાત કરી. અને આથી જ તેણે લોકસભા ચૂંટણીમાં સાબરકાંઠા બેઠક પરથી અપક્ષ ઉમેદવારી નોંધાવી હતી. જો કે ચૂંટણી લડવાની તૈયારી કરી લીધા બાદ ઝાલાએ કોઈ કારણસર બાદમાં ઉમેદવારી પરત ખેંચી હતી.

BZ ગ્રૂપનો હિસાબ રાખનાર કૌંભાડી  નરેશ પ્રજાપતિની  CID ક્રાઈમે કરી ધરપકડ

BZ ગ્રૂપના કૌભાંડને લઈ CID ક્રાઈમને વધુ એક સફળતા મળી છે જેમાં નરેશ પ્રજાપતિની CID ક્રાઈમે ધરપકડ કરી છે,નરેશ પ્રજાપતિ ગ્રૂપના સંપૂર્ણ હિસાબો રાખતો હતો અને ભૂપેન્દ્રસિંહ ઝાલા ઝડપાયો તે પહેલાનો તે ફરાર થયો હતો સાથે સાથે નરેશ પ્રજાપતિને આજે કોર્ટમાં રજૂ કરાશે અને હિસાબોને લઈ પોલીસ તેના રિમાન્ડ પણમાંગી શકશે,નરેશ જૂનાગઢ પાસેના એક ગામમાંથી મળ્યો છે,કયાં અને કોની પાછળ કેટલા રૂપિયા ખર્ચ કર્યા તેને લઈ પોલીસ તપાસ હાથધરશે. 

ધારાસભ્ય રહ્યાં હાજર 

આ દીક્ષાંત સમારોહમાં પોરબંદરના ધારાસભ્ય અર્જુનભાઈ મોઢવાડિયા, સુપર ૩૦ કાર્યક્રમના સ્થાપક અને  પદ્મશ્રી આનંદકુમાર અને વિદ્વાન વૈષ્ણવાચાર્ય ડૉ. દ્વારકેશલાલજી, સિલ્વર ઓક યુનિવર્સિટીના પ્રેસિડેન્ટ, વોઈસ પ્રેસિડેન્ટ, રજીસ્ટ્રાર, મોટી સંખ્યામાં વિદ્યાર્થીઓ તેમજ પેરેન્ટ્સ પણ ઉપસ્થિતિ રહ્યા હતા. 

વિદ્યાર્થીઓને મેરિટ સર્ટિફિકેટ્સ એનાયત થયા

તેમણે વધુમાં કહ્યું કે, વડાપ્રધાન નરેન્દ્રભાઈ મોદીના નેતૃત્વ અને માર્ગદર્શનમાં છેલ્લા ૧૦ વર્ષમાં દેશમાં શિક્ષણનો કાયાકલ્પ થયો છે. વિદ્યાર્થીઓને વિશ્વ કક્ષાનું જ્ઞાન ઘર આંગણે મળે એ માટે વન નેશન, વન સબ્સક્રિપ્શનનો નવતર વિચાર પણ વડાપ્રધાન નરેન્દ્રભાઈ મોદી એ આપ્યો છે. એટલું જ નહી વન નેશન, વન સબ્સ્ક્રિપ્શન પહેલ ભારતમાં રિસર્ચ ક્ષેત્રે ગેમ-ચેન્જર સ્કીમ સાબિત થશે એમ મુખ્યમંત્રી શ્રી વિશ્વાસ વ્યક્ત કર્યો હતો.અત્રે ઉલ્લેખનીય છે કે, સિલ્વર ઓક યુનિવર્સિટી દ્વારા ત્રીજા પદવીદાન સમારોહમાં  ૩૯૦૬ વિદ્યાર્થીઓને ડિગ્રી એનાયત કરવામાં આવી હતી. આ સાથે ૪૦ વિદ્યાર્થીઓને ગોલ્ડ મેડલ્સ અને ૧૪ વિદ્યાર્થીઓને મેરિટ સર્ટિફિકેટ્સ એનાયત થયા હતા.

નેશનલ યુનિવર્સિટીઝ કાર્યરત

વડાપ્રધાન નરેન્દ્રભાઈ મોદીએ વિકસિત ભારત ૨૦૪૭નો સંકલ્પ આપ્યો છે, ત્યારે સૌ વિદ્યાર્થીઓ એ મેળવેલા જ્ઞાન અને પદવીને કેરિયર ડેવલપમેન્ટ, કેરેક્ટર ડેવલપમેન્ટ અને નેશન ડેવલપમેન્ટમાં ઉપયોગ કરવો જોઈએ એમ તેમણે વધુમાં ઉમેર્યું હતું.સેક્ટર સ્પેસિફિક યુનિવર્સિટીની વાત કરતા મુખ્યમંત્રી ભૂપેન્દ્ર પટેલે કહ્યું કે, ૧૦૩ યુનિવર્સિટીઝ સાથે ગુજરાત દેશમાં સેક્ટર સ્પેસિફિક યુનિવર્સિટીના હબ તરીકે ઊભરી આવ્યું છે. ગુજરાતમાં ફોરેન્સિક સાયન્સ,ઇન્ફોર્મેશન ટેકનોલોજી, ડિફેન્સ, રીન્યુએબલ એનર્જી જેવા ઉભરતા ક્ષેત્રોમાં આધુનિક જ્ઞાન આપતી નેશનલ યુનિવર્સિટીઝ કાર્યરત છે.

વિકસિત ભારત

મુખ્યમંત્રી ભૂપેન્દ્ર પટેલે વધુમાં કહ્યું કે, યુનિવર્સિટીમાંથી શિક્ષા મેળવીને જ્યારે કોઈ વિદ્યાર્થી બહાર નીકળે છે ત્યારે  રાષ્ટ્ર નિર્માણમાં યોગદાનની નવી મંઝિલ શરૂઆત થાય છે,એમ આજથી સિલ્વર ઓક યુનિવર્સિટીના પદવી મેળવનાર વિદ્યાર્થીઓની નવી મંઝિલની શરુઆત થઈ છે.ભૂપેન્દ્રભાઈ પટેલે વધુમાં ઉમેર્યું કે, વડાપ્રધાનશ્રી નરેન્દ્રભાઈએ વિકસિત ભારત માટેના ચાર સ્તંભોમાં યુવાશક્તિને ખુબ મહત્વ આપ્યું છે. એટલું જ નહી, ગુજરાતનું યુવાધન એનર્જી અને સ્કીલથી ભરપૂર છે, ત્યારે વિકસિત ભારતના નિર્માણમાં સૌ વિદ્યાર્થીઓએ પોતાની એનર્જી અને સ્કિલને કામે લગાડવાની છે.

CM ભૂપેન્દ્ર પટેલની ઉપસ્થિતિમાં સિલ્વર ઓક યુનિવર્સિટીનો ત્રીજો દીક્ષાંત સમારોહ યોજાયો

મુખ્યમંત્રી ભૂપેન્દ્ર પટેલે સિલ્વર ઓક યુનિવર્સિટીનો ત્રીજો દીક્ષાંત સમારોહમાં સંબોધન કરતા જણાવ્યું હતું કે, વડાપ્રધાન નરેન્દ્રભાઈ મોદી હંમેશાથી કહેતા આવ્યાં છે કે, શિક્ષણ એ વિકાસનો પાયો છે અને યુવાશક્તિ આ વિકાસના પાયાનો પથ્થર છે. ત્યારે આ પદવીદાન સમારોહમાં પદવી ધારક શિક્ષિત-દીક્ષિત યુવાઓના ડેમોગ્રાફીક ડિવિડન્ડ એવી યુવા શક્તિ એ પોતાની આ શક્તિનો ઉપયોગ રાષ્ટ્ર નિર્માણમાં કરવો જોઈએ એવી પ્રેરણા તેમણે આપી હતી.

કુલ 12 હજાર ઉપરની જગ્યાઓ

આ ભરતીમાં બિન હથિયારી પોલીસ સબ ઇન્સ્પેકટર(પુરુષ/મહિલા)ની 472 જગ્યા અને લોકરક્ષક કેડર (બિન હથિયારી પોલીસ કોન્સ્ટેબલ/ હથિયારી પોલીસ કોન્સ્ટેબલ/ એસ.આર.પી.એફ./ જેલ સિપાહી) પુરુષ/મહિલાની 12000 જગ્યાઓ મળી કુલ-12472 જગ્યાઓ માટે ભરતી પ્રક્રિયા કરવામાં આવશે.

અમદાવાદમાં પણ યોજાઈ પરીક્ષા

PSI અને LRD ની શારીરિક પરીક્ષા આજથી શરૂ થઈ ગઈ છે. જે અંતર્ગત અમદાવાદના શાહીબાગ પોલીસ હેડ ક્વાર્ટરમાં આવેલ જે ડી નગરવાલા પોલીસ સ્ટેડિયમમાં મહિલા ઉમેદવારો માટે શારીરિક પરીક્ષા લેવામાં આવશે. વહેલી સવારે 5:00 વાગ્યાથી જ મહિલા ઉમેદવારો શારીરિક પરીક્ષા આપવા માટે પહોંચી ગયા છે. તમામ મહિલા ઉમેદવારોને પ્રવેશ આપવાની શરૂઆત કરવામાં આવી છે. આજથી શરૂ થયેલી શારીરિક પરીક્ષામાં મહિલા ઉમેદવારોને માત્ર કોલ લેટર અને આઈડી પ્રૂફ સાથે જ પ્રવેશ આપવામાં આવી રહ્યો છે. સ્વેટર-જેકેટ કોઈ પણ વસ્તુ સાથે પ્રવેશ આપવામાં આવશે નહીં. ઇલેક્ટ્રોનિક ગેજેટ,ઘડિયાળ સહિતની ચીજવસ્તુઓ પણ બહાર મુકી દેવામાં આવી રહી છે.

ગુજરાત પોલીસની શારીરિક ભરતી પ્રક્રિયાનો પ્રારંભ, ઉમેદવારોમાં ખુશીનો માહોલ છવાયો 

ગુજરાત પોલીસ ભરતી બોર્ડ દ્વારા ભરતી પ્રક્રિયાનો પ્રારંભ કરવામાં આવ્યો છે જેમા બિન હથિયારી PSIની પોલીસની જગ્યાઓ માટે યોજાઈ શારીરિક કસોટી છે,કુલ 12 હજાર કરતા વધારે જગ્યાઓ ભરવામાં આવશે જેમા હથિયારી PSI, લોક રક્ષક કેડરના પુરુષની લેવાશે કસોટી તેમજ લોક રક્ષક કેડરના મહિલાઓની પણ લેવાશે કસોટી.8 થી 13 જાન્યુઆરી સુધી લેવાશે શારીરિક કસોટી જેમા પોલીસ અધિક્ષક કક્ષાના અધિકારીઓ રહેશે ગ્રાઉન્ડ ઇન્ચાર્જ.

રકતદાતાઓ રહ્યાં હાજર

આ પ્રસંગે મુખ્યમંત્રી અને ઉપસ્થિત મહાનુભાવોના હસ્તે સેન્ચ્યુરીયન બ્લડ ડોનર્સ, શેરદિલ રક્તદાતાઓ તથા સ્ટાર બ્લડ ડોનર ઇન્સ્ટિટયૂશન્સનું સન્માન કરવામાં આવ્યું હતું, જેમાં પાંચ મહિલા શતકવીર રક્તદાતાઓ પણ સમાવિષ્ટ છે. વધુમાં, આ પ્રસંગે 'અમદાવાદ રેડ ક્રોસ - પ્રાઈડ ઓફ ગુજરાત' પુસ્તકનું પણ આ પ્રસંગે વિમોચન કરવામાં આવ્યું હતું.સેન્ચ્યુરીયન બ્લડ ડોનર્સ અને સ્ટાર બ્લડ ડોનર ઇન્સ્ટિટયૂશન્સના સન્માન સમારોહમાં ધારાસભ્ય  અમિતભાઈ શાહ, પોલીસ કમિશનર  જી.એસ.મલિક, ઇન્ડિયન રેડ ક્રોસ સોસાયટીના ચેરમેન શ્રી અમિત દોશી,  ચેરમેન એમિરેટ્સ શ્રી મુકેશ પટેલ, ઇન્ડિયન રેડ ક્રોસ સોસાયટીના હોદ્દેદારો, સભ્યો, કર્મચારીઓ સહિત બ્લડ ડોનર્સ અને આ ક્ષેત્રે સંકળાયેલી સંસ્થાઓના પ્રતિનિધિઓ, રક્તદાતાઓ વગેરે ઉપસ્થિત રહ્યા હતા.

૨૦૪૭માં વિકસિત ભારતના નિર્માણમાં ગુજરાત લીડ લેશે

વધુમાં વાત કરતા મુખ્યમંત્રીએ જણાવ્યું હતું કે, વડાપ્રધાન નરેન્દ્રભાઈ મોદીએ પ્રધાનમંત્રી જન આરોગ્ય યોજના અંતર્ગત આયુષ્માન કાર્ડ આપીને ગરીબ અને મધ્યમ વર્ગને આરોગ્ય સુરક્ષા કવચ પૂરું પાડ્યું છે. રાજ્યમાં આયુષ્માન કાર્ડ હેઠળ મળતી સહાય પાંચ લાખથી વધારીને દસ લાખ કરવામાં આવી છે. વડાપ્રધાનશ્રીના માર્ગદર્શનમાં આજે સમાજને નિરામય રાખવા માટે યોગથી આયુષ્યમાન સુધીના પ્રકલ્પો અમલી બનાવવામાં આવ્યા છે, એમ તેમણે ઉમેર્યું હતું.મુખ્યમંત્રીએ વડાપ્રધાનના 'યહી સમય હે, સહી સમય હે' સૂત્રને દોહરાવીને વર્ષ ૨૦૪૭માં વિકસિત ભારતના નિર્માણમાં ગુજરાત લીડ લેશે તેઓ આશાવાદ પણ વ્યક્ત કર્યો હતો.

રેડક્રોસ કામગીરી

રેડક્રોસના વિવિધ ઉપક્રમો અને સેવાઓ વિશે વાત કરતાં મુખ્યમંત્રીએ જણાવ્યું હતું કે,અજયભાઈ પટેલના માર્ગદર્શનમાં આરોગ્ય ક્ષેત્રે રાહત દરે વિવિધ સેવાઓ અને નવીન ઉપક્રમો થકી રેડક્રોસ, ગુજરાત સતત સમાજસેવા માટે પ્રયાસરત છે. આજે રેડ ક્રોસ રાહત દરે પેથોલોજી ટેસ્ટ, જેનરિક દવાઓ, ડેન્ટલ અને ફિઝિયોથેરાપી સેવાઓ પૂરી પાડી રહ્યું છે. એટલું જ નહિ, રાજ્યના દરેક જિલ્લામાં બ્લડ બેન્કની વ્યવસ્થા થકી નાગરિકોને ત્વરિત રક્ત સહાય મળી રહે તે માટે પણ રેડક્રોસ કામગીરી કરી રહી છે, એમ તેમણે ઉમેર્યું હતું.

CM ભૂપેન્દ્ર પટેલે સેન્ચ્યુરીયન બ્લડ ડોનર્સ અને સ્ટાર બ્લડ ડોનર ઇન્સ્ટિટયૂશન્સને સન્માનિત કર્યા

મુખ્યમંત્રી ભૂપેન્દ્ર પટેલ અમદાવાદ ખાતે ઇન્ડિયન રેડ ક્રોસ સોસાયટીના 'પ્રાઈડ ઓફ અમદાવાદ' એવોર્ડ સમારોહ ૨૦૨૩-૨૦૨૪માં ઉપસ્થિત રહ્યા હતા. આ પ્રસંગે ઇન્ડિયન રેડ ક્રોસ સોસાયટી, ગુજરાતના ચેરમેન અજય પટેલ પણ ઉપસ્થિત રહ્યા હતા.સેન્ચ્યુરીયન બ્લડ ડોનર્સ અને સ્ટાર બ્લડ ડોનર ઇન્સ્ટિટયૂશન્સના સન્માન સમારોહ પ્રસંગે મુખ્યમંત્રી ભૂપેન્દ્ર પટેલે જણાવ્યું હતું કે, સેવા, સત્કર્મો અને દાનનું મહત્વ આપણે સૌ સુપેરે જાણીએ છીએ.બધા જ દાનમાં રક્તદાન સૌથી મહત્વનું અને મહામૂલું દાન છે. સો કે તેથી વધુ વખત રક્તદાન કરવું એ અત્યંત ગૌરવપૂર્ણ બાબત અને સત્કાર્ય છે. આવા શતકવીર રક્તદાતાઓ ખરા અર્થમાં યોદ્ધાઓ છે, એમ તેમણે ઉમેર્યું હતું. 

ગુજરાતમાં પોઝિટિવ કેસ નોંધાયો છે

હાલમાં, ગુજરાતમાં HMPV વાઈરસનો એક પોઝિટિવ કેસ જોવા મળ્યો છે. રાજસ્થાનના ડુંગરપુરથી અમદાવાદ ખાતે સારવાર માટે આવેલા 2 મહિનાના બાળકના સેમ્પલ HMPV પોઝિટિવ જણાયા છે,હાલમાં બાળક સારવાર હેઠળ અને સંપૂર્ણપણે સ્ટેબલ છે. રાજ્યના આરોગ્ય વિભાગ દ્વારા નાગરિકોને ગભરાયા વિના સાવચેત રહેવા, ઉપર જણાવેલા સૂચનો અપનાવવા અને વાઇરસના લક્ષણો જણાય તો નજીકના આરોગ્ય કેન્દ્રનો સંપર્ક કરવા આથી જણાવવામાં આવ્યું છે.

મેટાન્યુમોવાઈરસ (HMPV)ના ચેપની સ્થિતિમાં શું ના કરવું (Don'ts):

01-આવશ્યક ના હોય તો આંખ, નાક કે મોઢાને સ્પર્શ ક૨વો નહિ.

02-ચેપ ગ્રસ્ત વ્યક્તિએ વ્યક્તિગત ચીજવસ્તુઓ જેમ કે ટુવાલ, રૂમાલ અથવા અન્ય વાસણો બીજા વ્યક્તિના સંપર્કમાં કે ઉપયોગમાં ના આવે તેનું ધ્યાન રાખવું.

03-જાતે દવા લેવાનું ટાળવું, લક્ષણોમાં વધારો દેખાય તો આરોગ્ય કર્મચારીનો સંપર્ક કરવો.

મેટાન્યુમોવાઈરસ (HMPV)ના લક્ષણો દેખાય તો શું કરવું (Do's) ?

01-જ્યારે ઉધરસ અથવા છીંક આવે ત્યારે મોઢું અને નાકને રૂમાલ અથવા ટિસ્યુથી ઢાંકવું.

02-નિયમિત રીતે હાથ સાબુ અને પાણીથી ધોવાં કે સેનેટાઈઝરનો ઉપયોગ કરવો.

03-ભીડભાડવાળા સ્થળોથી દૂ૨ રહેવું અને ફલૂથી પીડિત વ્યક્તિઓથી ઓછામાં ઓછું એક હાથનું અંતર રાખવું.

04-તાવ, ઉધરસ કે છીંક આવે છે તો જાહેર સ્થળો પર જવાનું ટાળવું.

05-વધુ પાણી પીવું અને પૌષ્ટિક ખોરાક ખાવો.

06-પ્રબળ પ્રતિરોધક શક્તિ માટે પૂરતી ઊંઘ લેવી.

07-બીમારીઓ ફેલાતી અટકાવવા માટે યોગ્ય વેન્ટિલેશન વાળા વાતાવરણમાં રહેવું.

08-શ્વસનને લગતા લક્ષણો જણાય તો ઘરમાં જ રહેવું, બીજાઓ સાથે સંપર્ક મર્યાદિત કરવો અને તાત્કાલિક નજીકના સરકારી દવાખાનાનો સંપર્ક કરવો.

રાજ્યમાં પણ આ કેસનું નિદાન થઈ શકશે

ગુજરાત રાજ્યનું આરોગ્ય અને પરિવાર કલ્યાણ વિભાગ આ વાઇરસને લઈને તમામ તૈયારીઓ અને વ્યવસ્થાઓ સાથે સચેત છે. આરોગ્ય વિભાગ દ્વારા અગમચેતીના ભાગરૂપે તા. ૪ જાન્યુઆરી ના રોજ બેઠક કરીને રાજ્યના દરેક જિલ્લાના દરેક CDHO, MoH, સિવિલ સર્જન, SDH સુપ્રીન્ટેન્ડન્ટને આ વાઇરસના ચેપ સંબંધિત બાબતો પર સંપૂર્ણ ધ્યાન રાખવા સૂચના આપવામાં આવી છે.ગુજરાતમાં HMPV વાઈરસ સંબંધિત કેસના નિદાન માટે રાજ્યની ડિસ્ટ્રિક્ટ હોસ્પિટલ થી લઇ મેડિકલ કૉલેજ સંલગ્ન હોસ્પિટલ અને સિવિલ હોસ્પિટલ ખાતે વ્યવસ્થા ઊભી કરવામાં આવનાર છે. આગામી અઠવાડિયાથી રાજ્યમાં પણ આ કેસનું નિદાન થઈ શકશે.

અમદાવાદની અસારવા સિવિલમાં આઇસોલેશન વોર્ડ તૈયાર

HMPV વાઇરસને લઈને એશિયાની સૌથી મોટી સિવિલ હોસ્પિટલમાં તૈયારી કરવામાં આવી છે. વાઈરસને લઈને હોસ્પિટલમાં 15 બેડનો આઇસોલેશન વોર્ડ તૈયાર કરવામાં આવ્યો છે, જેમાં વેન્ટિલેટર અને ઓક્સિજનની સુવિધા રાખવામાં આવી છે. સિવિલ હોસ્પિટલમાં 25 ટેસ્ટિંગ કિટ રાખવામાં આવી છે, આજે વધુ કિટ ખરીદવામાં આવશે. આ ઉપરાંત દવા અને ઓક્સિજન પણ પૂરતા પ્રમાણમાં છે. ડોક્ટરની પણ ટીમ સ્ટેન્ડબાય છે. અત્યારે રોજ 250થી 300 બાળદર્દીઓ OPDમાં સારવાર માટે આવે છે. 32 બાળદર્દીને વાઇરલ ઇન્ફેક્શન છે. ઓક્સિજનની 20 હજાર લિટરની બે ટેન્ક સિવિલ હોસ્પિટલમાં છે.

રાજકોમા HMPV વાયરસને લઇ તંત્ર એલર્ટ, સિવિલ હોસ્પિટલમાં 10 બેડનો વોર્ડ ઉભો કરાયો

રાજકોટની સિવિલ હોસ્પિટલમાં  HMPV વાયરસને લઇ 10 બેડનો વોર્ડ ઉભો કરાયો છે જેમાં ઓક્સિજન, વેન્ટીલેટર સહિતની પૂરતી વ્યવસ્થા દવાઓ અને ઇન્જેક્શનનો પૂરતો જથ્થો ઉપલબ્ધ કરવામાં આવ્યો છે.પીડિયાટ્રિક ડૉક્ટર્સ સાથે બેઠક બાદ આ નિર્ણય લેવામાં આવ્યો છે,હોસ્પિટલના અધિક્ષક મોનાલી માંકડિયાનો નિર્ણય છે,હાલ રાજકોટ જિલ્લામાં  HMPV વાયરસનો એક પણ કેસ નોંધવામાં આવ્યો નથી.

વાલ્વ લગાવીને ક્રૂડ ઓઇલની ચોરી

ડીવીઆરની ગેરહાજરી અંગે એસઓજી ડીએસપીનું માનવું છે કે સ્થળથી દૂર બેઠેલો કિંગપીન ઉચ્ચ ગુણવત્તાની મોબાઇલ સિસ્ટમથી ઓપરેટ કરતી વખતે સીસીટીવી દ્વારા દિશાઓ આપતો હતો. આ કાર્યવાહી દરમિયાન નીમરાના ડીએસપી સચિન શર્મા, શાહજહાંપુર પોલીસ સ્ટેશનના અધિકારી પુખરાજ મીના, કંપનીના કો-મેનેજર હેમંત કુમાર સહિત પોલીસ અને એસઓજીની ટીમ હાજર હતી. લગભગ દસ વર્ષ પહેલાં પણ શાહજહાંપુરમાં આ જ પાઇપલાઇનમાંથી સપ્લાય લાઇન પર વાલ્વ લગાવીને ક્રૂડ ઓઇલની ચોરી કરવામાં આવી હતી.

સ્થળ પરથી સાધનો કરવામાં આવ્યા જપ્ત 

26 ડિસેમ્બરે સપ્લાય લેવલમાં ઘટાડો થયા બાદ કંપનીને શંકા ગઈ અને તેણે તેની તપાસ કરાવી અને મામલો સામે આવ્યો. આ પછી મામલો 6 જાન્યુઆરીએ પોલીસ સુધી પહોંચ્યો. આ દરમિયાન માફિયાને તેની જાણ થતાં તેણે તેનું આખું નેટવર્ક ભેગું કર્યું અને ભાગી ગયો. આ કેસની તપાસ દરમિયાન, એક ઊંડી સુરંગની સાથે, સપ્લાય લાઇન સાથે જોડાયેલા વાલ્વની સાથે ખાલી ડ્રમ અને અન્ય કેટલીક વસ્તુઓ મળી આવી હતી.સ્થળ પર સીસીટીવી સિસ્ટમની ફીટીંગ મળી આવી છે.

ભાડાનું ખેતર રાખીને કરતા હતા કામ

આ પછી ઇન્ડિયન ઓઇલ કોર્પોરેશન રેવાડીના કો-મેનેજર હેમંત કુમારે શાહજહાંપુર પોલીસ સ્ટેશનમાં ઓઇલ સપ્લાય લાઇનમાંથી ક્રૂડ ઓઇલની ચોરીની ફરિયાદ નોંધાવી હતી. શાહજહાંપુર પોલીસ સ્ટેશનના અધિકારી પુખરાજ મીનાએ આ કેસ જયપુર એસઓજીને મોકલ્યો છે. મંગળવારે એસઓજી ટીમના ડીએસપી શિવકુમાર ભારદ્વાજ સ્થાનિક પોલીસ સાથે તપાસ કરવા પહોંચ્યા હતા. પોલીસનું કહેવું છે કે ભાડાના ખેતરથી સપ્લાય લાઇન સુધી લગભગ 8 ફૂટ ઊંડી અને ચાર ફૂટ પહોળી ટનલ ખોદવામાં આવી હતી અને સિમેન્ટના બ્લોક વડે ચણતર કરવામાં આવ્યું હતું. જેમાં ઈલેકટ્રીક ફીટીંગ અને સીસીટીવી કેમેરાની સાથે લાઈન સુધીના વાલ્વ લગાવીને મોટા જથ્થામાં ક્રુડ ઓઈલની ચોરી કરવામાં આવી રહી હતી.

શાહજહાંપુરના ટોલ પ્લાઝા નજીકથી તેલની ચોરી 

ક્રૂડ ઓઈલ ચોરીના કેસની તપાસ કરી રહેલા જયપુર SOGના DSP શિવ કુમાર ભારદ્વાજે જણાવ્યું હતું કે સોમવારે SOGમાં ફરિયાદ દાખલ કરવામાં આવી હતી. આ ફરિયાદમાં જણાવાયું હતું કે શાહજહાંપુરના રહેવાસી કૈલાશ ચંદનું દિલ્હી-જયપુર હાઈવે પર બેલાની માર્ગ પર ખેતર છે, જેમાં બાઉન્ડ્રી બનાવવામાં આવી છે. આ ખેતર તેલ ચોરોએ ભાડે લીધું હતું.ભાડાના ખેતરમાંથી ભારતીય ક્રૂડ ઓઈલની સપ્લાય પાઈપલાઈન ગુજરાતથી હરિયાણાના પાણીપત સુધી જઈ રહી છે. તેલ ચોરોએ સિમેન્ટની જાડી ટાઈલ્સ દ્વારા ટનલ બનાવી તેમાં વાલ્વ લગાવીને ચોરી કરી હતી. એસઓજીના તપાસ અધિકારી શિવકુમાર ભારદ્વાજે જણાવ્યું હતું કે 26 ડિસેમ્બરે ક્રૂડ ઓઇલ સપ્લાય લાઇનના નિયમિત સપ્લાયનું દબાણ ઘટ્યું હતું. જ્યારે સ્તર ઘટી ગયું, ત્યારે કંપની મેનેજમેન્ટ લાઇનમાંથી ઓઇલ ચોરીની આશંકા હતી. જ્યારે કંપની મેનેજમેન્ટે પોતાના સ્તરે તેની તપાસ કરી તો સામે આવ્યું કે શાહજહાંપુરના ટોલ પ્લાઝા નજીકથી તેલની ચોરી થઈ રહી છે.

અંડરગ્રાઉન્ડ પાઈપલાઈનમાંથી ઓઈલ ચોરી

રાજસ્થાનના અલવરમાં ઈન્ડિયન ઓઈલની અંડરગ્રાઉન્ડ પાઈપલાઈનમાંથી ઓઈલ ચોરીનો મામલો સામે આવ્યો છે. અહીં ચોરોએ શાહજહાંપુર નેશનલ હાઈવે નંબર 48 ટોલ પ્લાઝા પાસે એક પ્લોટ ભાડે લીધો હતો. ત્યારબાદ તેમાં કોંક્રીટની ટનલ તૈયાર કરવામાં આવી. આ પછી ભારતીય ક્રૂડ ઓઈલની પાઈપલાઈનમાં વાલ્વ લગાવીને મોટા જથ્થામાં ક્રૂડ ઓઈલની ચોરી કરવામાં આવી હતી. SOGએ આ સમગ્ર મામલો પકડી લીધો છે. જયપુરથી પહોંચેલી એસઓજીની ટીમ આ મામલે તપાસ કરી રહી છે.

રાજસ્થાનના અલવરમાં IOCLની પાઈપલાઈનમાંથી ક્રૂડ ઓઈલની મોટી ચોરી ઝડપાઈ

રાજસ્થાનના અલવરમાં ક્રૂડ ઓઈલ ચોરીની ઘટના સામે આવી છે જેમાં રૂમમાં ખાડો ખોદવામાં આવ્યો અને પછી સુરંગ બનાવવામાં આવી હતી સાથે સાથે IOCLની ગુજરાત-પાનીપત પાઇપલાઇનમાંથી ક્રૂડ ઓઇલની ચોરી કરવામાં આવી હતી,શાહજહાંપુર, અલવર, રાજસ્થાનમાં આ રીતની ઘટના બનતી હતી સાથે સાથે અહીં માફિયાઓએ હાઇવે નજીક પ્લોટ ભાડે આપ્યો હતો. ત્યારબાદ તેમાં ઊંડી સુરંગ બનાવી અને પાઈપલાઈનમાં વાલ્વ લગાવીને ઓઈલ ચોરીને અંજામ આપ્યો હતો. એસઓજીની તપાસમાં આ હાઇટેક બાબત પ્રકાશમાં આવી હતી.

26 ડિસેમ્બર 2024ના રોજ સાબરકાંઠામાં બની હતી આવી ઘટના

સાબર ડેરીમાં આજે મોટી દુર્ઘટના સર્જાઈ હતી. હિંમતનગર નજીક સાબરડેરીમાં બોઇલર સફાઈ કરતા ગૂંગળામણ થતા એક શ્રમિકનું મોત નિપજ્યું છે. તો ગેસ ગૂંગળામણને કારણે બે શ્રમિકોની હાલત ગંભીર થઈ છે. બંને શ્રમિકોને સારવાર અર્થે હોસ્પિટલ ખસેડાયા છે.

પોલીસે લીધા શ્રમિકોના નિવેદન

પોલીસે સમગ્ર ઘટનામાં શ્રમિકોના નિવેદન લીધા છે અને કંપનીમાં તપાસ હાથધરી છે,આગ લાગી છે કે લગાવવામાં આવી છે તે દિશામાં પણ તપાસ કરવામાં આવી છે ત્યારે એફએસેલના રીપોર્ટમાં શું ખુલાસા થાય છે તે જોવાનું રહ્યું,આગ લાગતા પહેલા ધડાકો થયો અને તેમાંથી આગ ફાટી નીકળી હતી,પ્લાસ્ટિકને લગતી સામગ્રી આ કારખાનામાં બનતી હતી.

વટવા GIDC ફેઝ 2ની ઘટના

અમદાવાદના વટવા જીઆઈડીસી ફેઝ 2માં આ ઘટના બની હતી જેમાં કંપનીની અંદર શ્રમિકો કામ કરી રહ્યાં હતા અને રાત્રી દરમિયાન બોઈલર ફાટયું હતુ અને બોઈલર ફાટતા આગા ફાટી નીકળી હતી ફાયર વિભાગ દ્વારા આગ પર કાબુ મેળવાયો હતો અને ફાયર વિભાગની સાત કરતા વધુ ગાડીઓ ઘટના સ્થળે પહોંચી હતી.અને આગને કાબુમા લીધી હતી ઘટનાની જાણ થતા કંપનીના મેનેજર પણ ઘટના સ્થળે પહોંચ્યા હતા અને કઈ રીતે બોઈલર ફાટયું તે દિશામાં તપાસ હાથધરી છે. 

અમદાવાદની વટવા જીઆઈડીસીમાં બોઈલર ફાટયા બાદ લાગી મોટી આગ 

અમદાવાદની વટવા GIDCમાં બોઈલર ફાટયું હતુ જેમાં પાર્શ્વનાથ પ્લાસ્ટીકના ગોડાઉનમાં આ બોઈલર ફાટવાની ઘટનના બની હતી વટવા જીઆઈડીસી ફેઝ 2માં બોઈલર ફાટયું અને આગ ભભૂકી ઉઠી હતી,સમગ્ર ઘટનાની જાણ થતાની સાથે પોલીસ અને ફાયર વિભાગ પણ ઘટના સ્થળે પહોંચ્યું હતુ તો વહેલી સવારે આ ઘટના બની હોવાની વાત સામે આવી છે.

ઓરેવા ઇલેક્ટ્રિક ટુ વ્હીલર ભડકે બળ્યું

મણિનગર દક્ષિણી સોસાયટીની ઘટના,ઘટના સ્થળે પહોંચી ફાયરબ્રિગેડ,ઘટનામાં કોઈ જાનહાનિના સમાચાર નથી

ભાવનગરમાં ડિજીટલ એરેસ્ટ કેસમાં એક આરોપી ઝડપાયો

ભાવનગર સાયબર ક્રાઈમમાં નોંધાયેલ ડિજિટલ એરેસ્ટના નોંધાયેલા ગુનામાં વધુ એક આરોપી ઝડપાયો મૂળ ભાવનગર ના અને હાલ પુના ખાતે રહેતા 65 વર્ષીય વૃદ્ધ કોન્ટ્રાક્ટર ને ગત તારીખ 7 નવેમ્બર ના રોજ વિડીયો કોલ ના માધ્યમ થી ડીઝીટલ એરેસ્ટ ની ધમકી આપી કરવામાં આવી હતી છેતરપિંડી,

અધિકારીઓને આપ્યું માર્ગદર્શન

કોઈપણ દુર્ઘટનાને રોકવા સાથે લોકોને સુરક્ષાનો અનુભવ કરાવવા માટેનું પણ એક આયોજન જરૂરી હોવાનું મંત્રીએ જણાવ્યું હતું.મુખ્ય સચિવ રાજકુમારે એક્સપીરિઅન્સલ ટુરિઝમને વધુ સમૃદ્ધ બનાવવાની જરૂરિયાત ઉપર ભાર મૂકતા જણાવ્યું હતું  કે,દરેક ગામ, દરેક તાલુકા, જિલ્લા અને રાજ્ય, પ્રવાસન તરીકે વિકસે એ લક્ષ્ય રાખવાનું છે.આપણે પ્રવાસીના દરેક અનુભવને સમૃદ્ધ બનાવવાનો છે.પ્રવાસન વિભાગની આ ચિંતન શિબિરના ઉદ્ઘાટન પ્રસંગે  સેક્રેટરી ટુરીઝમ રાજેન્દ્રકુમાર, પી. સી. સી. એફ એ.પી સિંઘ,  કમિશનર ઓફ સિવિલ એવિએશન ડોક્ટર ધવલ પટેલ, કમિશનર ઓફ ટુરીઝમ એન્ડ એમડી, ટીસીજીએલ છાકછુઆક, મેમ્બર સેક્રેટરી જી.પી. વાય. બી શ્રી રમેશ મેરજા, ટુરીઝમ સેક્રેટરી રાજેન્દ્રકુમાર વગેરેએ પણ  ઉપસ્થિત રહી પ્રવાસન ક્ષેત્રે રાજ્યને, નવી ઉંચાઈઓ સુધી પોહોંચાડવા હાજર સર્વે અધિકારીઓને માર્ગદર્શન આપ્યું હતું.

સુયોગ્ય વ્યવસ્થા કરવા મંત્રીની માગ    

સ્ટેચ્યુ ઓફ યુનિટીના મુખ્ય આકર્ષણનું કારણ તેની સ્વચ્છતા છે. આ વ્યવસ્થા અને ધાર્મિક સ્થળોની વ્યવસ્થામાં જે ફર્ક છે તેની પુરતી થશે તો જ ટુરિઝમને વેગ મળશે.કોઈપણ પ્રોજેક્ટ ઉપર માત્ર કરોડો રૂપિયા ખર્ચવાથી સફળતા નથી મળતી.બદલાવ માટે ઈચ્છા શક્તિ ખૂબ જરૂરી છે. યોગ્ય વ્યવસ્થા થકી સ્વચ્છ સુયોગ્ય સ્થળ બને તેની ખાસ  જરૂર છે. સફાઈની બાબતમાં ઢિલ ક્યારેય ન રાખવી, તે ટુરીઝમને ડેવલોપ કરવા માટે પ્રથમ મુદ્દો છે, ત્યાર પછી લો એન્ડ ઓર્ડર આવે છે. શૌચાલય જેવી પ્રાથમિક સુવિધાઓ ટુરિસ્ટની સંખ્યાને ધ્યાને રાખી વ્યવસ્થિત રીતે ઊભી કરવા અને સ્વચ્છતાની સુયોગ્ય વ્યવસ્થા કરવા પણ મંત્રીએ સૂચન કર્યું હતું.

વ્યવસ્થા બદલવાની જરૂરિયાત 

આ અવસરે પ્રથમ પેનલ ડિસ્કશન ગૃહ રાજ્ય મંત્રી હર્ષ સંઘવીની અધ્યક્ષતામાં યોજવામાં આવી હતી. જેમાં મહેસુલ વિભાગના અધિક મુખ્ય સચિવ જયંતિ રવિ, ગ્રામ વિકાસ વિભાગના અગ્ર સચિવ શ્રી મોના ખંધાર સહિત વિવિધ વિભાગોના વડાઓ હાજર રહીને વિવિધ સૂચનો કર્યા હતા.ચિંતન શિબિરની આ ચર્ચામાં ગૃહ રાજ્ય મંત્રી શ્રી હર્ષ સંઘવીએ ટુરીઝમ ડેવલોપમેન્ટ વિશે જણાવતા કહ્યું હતું કે, રાજ્યમાં ખૂબ મોટા પાયે  રોજગારી ઊભી કરવા સાથે દરેક વર્ગના લોકોમાં ફાયદો મળી શકે તેવા છે નિશ્ચય સાથે ટુરિઝમનો વિકાસ કરવો જરૂરી છે.મુળ ગુજરાતની વાત કરવામાં આવે તો મંત્રી શ્રીએ જણાવ્યું હતું કે, સફાઈ ન હોય ,રેસ્ટોરેન્ટ ન હોય , સ્ટે માટે વ્યવસ્થા યોગ્ય ન હોય તો પણ ટુરિસ્ટ ધાર્મિક સ્થળો પર આસ્થાના કારણે આવે છે. આસ્થા સાથે વ્યવસ્થા બદલાશે તો ટુરીઝમ સારું થશે,લોકો માત્ર આસ્થા નહીં પણ વ્યવસ્થા જોઇને આવે તે ટુરિઝમ માટે જરૂરી છે.

ઉચ્ચ અધિકારીઓને કર્યુ આહવાન

ગુજરાતના પ્રવાસન ક્ષેત્રો ની સફળતા પર વધુ ધ્યાન આપવા માટે પ્રવાસન વિસ્તારોમાં દબાણ, વિરાસત ક્ષેત્રોની જાળવણી, સ્વચ્છતા વગેરેનું વિશેષ ધ્યાન રાખતા શ્રેષ્ઠ પરિણામો મેળવી શકાય છે તે અંગે ચર્ચા કરી યોગ્ય પરિણામો મેળવી શકાશે.ખૂબ મોટા સમુદ્ર કિનારા સાથે જંગલો, મંદિરો અને પ્રવાસન સ્થળો છે, ત્યારે મીઠા આવકાર અને આદર્શ સાથે સંકલન વ્યવસ્થા થકી તુટતી કડીઓને જોડી ટુરીઝમ ક્ષેત્રે શ્રેષ્ઠ કાર્ય આપણે સૌએ મળીને કરવા અને રાષ્ટ્રના કલ્યાણ કાર્યમાં તથા વિકસિત ભારત ૨૦૪૭ના વિઝનમાં આપણે સહભાગી બનવા મુળુભાઇ બેરાએ ઉચ્ચ અધિકારીઓને આહ્વાન કર્યું હતું.  

રણોત્સવમાં આવે છે લોકો મજા માણવા 

વિશ્વના સોથી વધુ દેશના લોકો આ રણોત્સવ માણવા આવી રહ્યા છે. આજે રણોત્સવ એ જીવનોત્સવ બન્યો છે. યુનાઇટેડ નેશન્સના વિશ્વ પ્રવાસન સંગઠન દ્વારા કચ્છના આ ધોરડોને  શ્રેષ્ઠ પ્રવાસન સ્થળ તરીકે જાહેર કરવામાં આવ્યું છે. કચ્છમાં આવતા લાખો પ્રવાસીઓને કારણે હવે કચ્છના સ્થાનિક કલાકારો અને કારીગરો આત્મનિર્ભર બન્યા છે. કચ્છનું સફેદ રણ હવે હિન્દુસ્તાનનું તોરણ બની ગયું છે. રણની આ સફેદ રેતમાં વિકાસની રંગોળી પુરવાનું કાર્ય કરી રહ્યા છે, આ પ્રધાનમંત્રીશ્રીની દીર્ઘદ્રષ્ટિ અને  મુખ્યમંત્રી શ્રીના વિચારોનું પરિણામ છે.એમ તેમણે વધુમાં જણાવ્યું હતું.   

રણોત્સવથી રણમાં ખીલ્યું ગુલાબ

રાજ્ય સરકાર પાસે અનેક વિષયો હોય, મુદ્દાઓ હોય; પરંતુ  સોમનાથમાં પ્રવાસન જેવા વિષયને ચિંતનની મુખ્ય ધારામાં લાવવામાં આવ્યો તે જ બતાવે છે કે રાજ્ય સરકાર પ્રવાસન માટે ખૂબ ગંભીરતાપૂર્વક વિચારે છે, એમ ઉમેરી મંત્રી એ પ્રવાસન વિષયને મહત્વપૂર્ણ સ્થાન આપવા બદલ રાજ્યના લોકપ્રિય મુખ્યમંત્રીશ્રી ભૂપેન્દ્રભાઈ પટેલનો આભાર વ્યક્ત કર્યો હતો.‘ખુશ્બુ ગુજરાત કી,‘કચ્છ નહી દેખા, તો કુછ નહી દેખા’ જેવા સ્લોગન હેઠળ આપણે પહેલા પણ ટુરિઝમની દિશામાં સારી સફળતા મેળવી છે.રણોત્સવથી રણમાં ખીલ્યું ગુલાબ અને ધોરડો ધબકી ઉઠ્યું.

નવો દ્રષ્ટિકોણ મળે છે

ચિંતન શિબિરને કારણે જ ગુજરાતની વિકાસ યાત્રાને વેગ મળ્યો, ગુજરાતની વિકાસ યાત્રામાં નવા આયામ ઉમેરાયા અને ગુજરાત એક રોલ મોડલ તરીકે ઉભરીને દેશની સામે આવ્યું.તેમણે ઉમેર્યું કે, ક્યારેક એક વિચારથી ક્યારેક કોઈ નવતર પ્રયોગનું સર્જન થઈ જાય.. એક વિચારથી લાખો લોકોના જીવન બદલાઈ જાય.. એક વિચારથી સરકારી તંત્રમાં આમૂલ પરીવર્તન પણ આવી જાય. ચિંતન શિબિરના આયોજનથી એ સાબિત થયું છે કે એક ઉત્તમ વિચાર અને તેના સુચારું અમલથી પરીવર્તનને પાંખો મળે છે અને આપણા સાથી અધિકારીઓને નવી આંખો મળે છે.. એટ્લે કે નવું વિઝ્ન મળે છે.

સહ-ચિંતનથી જ સુશાસન લાવી શકાય

ગુજરાતને દેશનાં અગ્રણી પર્યટન સ્થળ તરીકે સ્થાન અપાવવા અને  સચોટ દિશામાં વિચારોની આપ- લે માટે , પ્રવાસનમંત્રી મુળુભાઈ બેરાની અધ્યક્ષતામાં આ ચિંતન શિબિરને ખુલ્લી મુકવામાં આવી હતી.ગુજરાતમાં પ્રવાસનના સર્વગ્રાહી વિકાસ પર મંત્રી મુળુભાઈ બેરાએ,  દેશના યશસ્વી વડાપ્રધાન નરેન્દ્રભાઈ મોદી દ્વારા શરૂ કરવામાં આવેલ ચિંતન શિબિર એ ગુજરાતની વિકાસયાત્રામાં પાયાના પથ્થર સમાન છે એમ જણાવી કહ્યું હતું કે, નરેન્દ્રભાઈ મોદીજીએ આપણી ભારતીય ચિંતન પરંપરાને નવું સ્વરૂપ આપીને એક નવો રસ્તો બતાવ્યો. પ્રાચીન કાળમાં દેશના ઋષિ –મુનિઓ આવી જ રીતે ચિંતન કરતાં અને સમાજના કલ્યાણ માટે, લોકોના કલ્યાણ માટે, રાષ્ટ્રના કલ્યાણ માટે વિચારોનું મંથન કરતાં હતા.  મોદીજીએ ભારતીય જ્ઞાન પરંપરાનો આ પ્રવાહ ફરી શરૂ કર્યો અને દેશ સામે એક ઉત્તમ ઉદાહરણ પૂરું પાડ્યું કે સહ-ચિંતનથી જ સુશાસન લાવી શકાય છે. 

ઉચ્ચ અધિકારીઓએ પેનલ ડિસ્ક્શનમાં ભાગ લીધો

આ અવસરે મહાનુભાવોના હસ્તે 'વન્યજીવન -ગુજરાતનાં વન્ય પ્રાણીઓ',‘પ્રવાસનની વિકાસ ગાથા’તથા ‘ગુજરાત ટુરિઝમ કેલેન્ડર- 2025’નું વિમોચન પણ કરવામાં આવ્યું હતું.વિશ્વના પ્રવાસીઓ ગુજરાતમાં વધુ  સ્ટે કરે તો, વધુ રોજગારીનું સર્જન થાય અને ગુજરાતનો જીડીપી વધે એવા હેતુ સાથે વિવિધ  વિષયો પર સત્રો પણ યોજાયા હતા.ગુજરાતના તમામ વિભાગો પ્રવાસનને ઉદ્યોગ તરીકે વિકસાવવા સાથે મળીને ટીમ ગુજરાત તરીકે કામ કરે તે જરૂરી છે.પ્રવાસન વિભાગની આ ચિંતન શિબિરમાં ગૃહ વિભાગ, વન અને પ્રયાવરણ ,શહેરી વિકાસ ,પંચાયત અને ગ્રામ ગૃહ નિર્માણ ,મહેસૂલ, બંદર અને વાહન વ્યવહાર, ઉદ્યોગ અને ખાણ વિભાગ, નિર્મલ ગુજરાત ,માર્ગ અને મકાન વિભાગ, જળ સંપત્તિ વિભાગ,શ્રમ અને રોજગાર, રમત ગમત વિભાગ, GRIT,સિવિલ એવિએશન , કુટિર અને ગ્રામોદ્યોગ,GPYVB,TCGL,કૌશલ્ય યુનિવર્સિટી અને પવિત્ર યાત્રાધામ વિકાસ બોર્ડના ઉચ્ચ અધિકારીઓએ પેનલ ડિસ્ક્શનમાં ભાગ લીધો હતો.

એક્સપીરિઅન્સલ ટુરિઝમને વધુ સમૃદ્ધ બનાવવાની જરૂરિયાત

ગુજરાત અમર્યાદિત સુંદરતા અને સાંસ્કૃતિક સમૃદ્ધિની ભૂમિ છે. ગુજરાતમાં જાજરમાન પર્વતોથી લઈને શાંત દરિયા કિનારા સુધી સ્થાપત્ય, અજાયબીઓથી લઈને આધ્યાત્મિક સ્થળો અને અભયારણ્યો સુધી દરેક સ્થળોનો ઐતિહાસિક વારસો અને ઇતિહાસ છે.ગાંધીનગરની હૉટેલ તાજ ખાતે “હોલિસ્ટિક ડેવલોપમેન્ટ ઓફ ટુરિઝ્મ ઇન ગુજરાત “ વિષયક ચિંતન શિબિર  ગુજરાતના પ્રવાસન વિભાગ દ્વારા આજે યોજાઇ હતી.મુખ્યમંત્રી ભૂપેન્દ્ર પટેલના દ્ષ્ટિવંત નેતૃત્વ હેઠળ સોમનાથના પવિત્ર યાત્રાધામમાં 2024ની રાજ્યકક્ષાની ચિંતન શિબિર યોજાઈ હતી.જેના પગલે ગુજરાતના પ્રવાસન વિભાગે ભવિષ્યને આકાર આપતી દુરંદેશી વિકાસલક્ષી વ્યૂહ રચના અને પરિવર્તનકારી નિર્ણયના વિઝનને અનુલક્ષીને“હોલિસ્ટિક ડેવલોપમેન્ટ ઓફ ટુરિઝ્મ ઇન ગુજરાત” વિષય ઉપર તમામ વિભાગો સાથે મળીને મનોમંથન કર્યું હતું. 

ચિંતન શિબિર રાજ્યના વિકાસમાં પાયાના પથ્થર સમાન છે

ચિંતન શિબિરને કારણે જ ગુજરાતની વિકાસ યાત્રાને વેગ મળ્યો, ગુજરાતનવિકાસ યાત્રામાં નવા આયામ ઉમેરાયા અને ગુજરાત એક રોલ મોડલ તરીકે ઉભરીને દેશની સામે આવ્યું-મંત્રી તેવુ મંત્રી મુળુભાઇ બેરાનું કહેવુ છે,ધાર્મિક સ્થળો પર લોકો આસ્થાથી નહીં, પણ વ્યવસ્થા જોઇને આવે તે ટુરિઝમ માટે જરૂરી છે : ગૃહ રાજ્યમંત્રી

ગુજરાતના પર્યટનના વિકાસ માટે તમામ વિભાગના ઉચ્ચ અધિકારીઓની યોજાઈ ચિંતન શિબિર

ગુજરાતના પ્રવાસન વિભાગ દ્વારા “હોલિસ્ટિક ડેવલોપમેન્ટ ઓફ ટુરિઝ્મ ઇન ગુજરાત “ વિષયક ચિંતન શિબિર  યોજાઇ હતી જેમાં ગુજરાતના પર્યટનના વિકાસ માટે તમામ વિભાગના ઉચ્ચ અધિકારીઓ ચિંતન શિબિરમાં જોડાયા છે.'વન્યજીવન -ગુજરાતના વન્ય પ્રાણીઓ', ‘પ્રવાસનની વિકાસ ગાથા’ તથા ‘ગુજરાત ટુરીઝમ કેલેન્ડર- 2025’નું લોકાર્પણ કરવામાં આવ્યું હતું.

અંકલેશ્વર રોડ પર 9 ડિસેમ્બર 2024ની રોજ પણ બની હતી ઘટના

અંકલેશ્વર હાઇવે પર સતત અકસ્માતોની ઘટના વધતી જાય છે. અંકલેશ્વર નેશનલ હાઇવે લોહિયાળ બની ગયો હોય તેમ લાગી રહ્યું છે. ત્યારે ભરૂચ અંકલેશ્વર નેશનલ હાઇવે પર બે બસ વચ્ચે અકસ્માત સર્જાયો છે. હાઇવે અર આવેલા અમલાખાડી બ્રિજ પર એક ખાનગી બસ અને સરકારી બસ વચ્ચે અકસ્માત સર્જાતા ખાનગી બસ પલટી મારી ગઇ હતી, જ્યારે સરકારી બસ ખાડામાં ઉતરી ગઇ હતી. આ અકસ્માત 15 જેટલા મુસાફરો ઘાયલ થયા હતા. ઇજાગ્રસ્તોને નજીકની હોસ્પિટલમાં ખસેડવામાં આવ્યા હતા. 

કાર ટ્રકની પાછળ ધડાકાભેર ભટકાઈ

પરિવાર અજમેરથી મુંબઇ પરત ફરી રહ્યો હતો તે દરમિયાન અંકલેશ્વર રોડ પર આ ઘટના બની હતી સાથે સાથે કાર ચાલકે સ્ટેયરિંગ પરથી કાબુ ગુમાવતા આ ઘટના બની હોવાની પ્રાથમિક માહિતી સામે આવી છે,બીજી તરફ 108 એમ્બ્યુલન્સ,ક્રેન અને ફાયર વિભાગની મદદથી રેસ્ક્યુ કરી ઇજાગ્રસ્તોને બહાર કાઢી સારવાર અર્થે ખેસેડાયા છે.ઘટનાને પગલે ટ્રાફિકજામ સર્જાયો હતો અને પોલીસે ઘટના સ્થળે પહોંચી હાથધરી કાર્યવાહી કરી છે. 

બાકરોલ બ્રિજ પાસે સર્જાયો અકસ્માત

ભરૂચ-અંકલેશ્વર રોડ પર બાકરોલ બ્રિજ પાસે આ અકસ્માત વહેલી સવારે સર્જાયો હતો જેમાં પરિવાર અજમેરથી મુંબઈ તરફ જઈ રહ્યું હતુ અને કારમાં કુલ 7 લોકો સવાર થઈ રહ્યાં હતા ત્યારે આ ઘટના બની હતી,કારમાં સવાર અન્ય લોકોને તાત્કાલિક સારવાર હેઠળ હોસ્પિટલ ખસેડાયા છે,ટ્રક જઈ રહી હતી અને કાર તેની પાછળ અથડાતા આ ઘટના બની હતી તો પોલીસે સમગ્ર ઘટનાને લઈ કારમાં સવાર અન્ય લોકોના નિવેદન લીધા છે તો ટ્રક ચાલકની પણ પૂછપરછ કરી છે.

અંકલેશ્વર પાસે કાર ટ્રક પાછળ ધડાકાભેર અથડાતા 3 વ્યકિતના ઘટના સ્થળે મોત 

અંકલેશ્વરના બારકોલ બ્રિજ પાસે અકસ્માતમાં 3 લોકોના મોત થયા હોવાની વાત સામે આવી છે જેમાં કાર ટ્રક પાછળ ધડાકાભેર ઘુસી જતા આ અકસ્માત સર્જાયો હોવાની વાત સામે આવી છે,પરિવાર અજમેરથી મુંબઈ પરત ફરી રહ્યો હતો તે દરમિયાન આ ઘટના બની છે સાથે સાથે અન્ય ઈજાગ્રસ્તોને સારવાર હેઠળ હોસ્પિટલ ખસેડવામાં આવ્યા છે તો પોલીસે આ મામલે વધુ તપાસ હાથધરી છે.

બપોરના સમયે ગરમી પણ પડી શકે છે

ગુજરાતમાં આજે ફરીથી ઠંડીનો ચમકારો વધ્યો છે. બંગાળની ખાડી તરફથી આવતા ભેજવાળા પવન અને વેસ્ટર્ન ડિસ્ટર્બન્સને કારણે રાજ્યના અનેક વિસ્તારોમાં વાદળછાયું વાતાવરણ છવાયું છે. ત્યારે હવામાન વિભાગે ગુરુવારથી ત્રણ દિવસ ગુજરાતનાં અનેક જિલ્લાઓમાં ગાજવીજ સાથે વરસાદ અને કરા પડવાની પણ આગાહી આપી છે. આ સાથે ગરમી વધવાની પણ આગાહી કરી છે.હાલ ગુજરાતમાં ઉત્તરથી ઉત્તર પૂર્વની દિશાના પવન ફૂંકાઈ રહ્યા છે. ત્યારે ગુજરાતમાં 24 કલાક શુષ્ક હવામાન રહેશે. જ્યારે બીજાથી પાંચમા દિવસે હળવાથી મધ્યમ વરસાદની સાથે વીજળીના કડાકાનું પૂર્વાનુમાન છે.

કોલ્ડવેવની શકયતા નહીવત

રાજયમાં હાલમાં કોલ્ડવેવની શકયતા નહીવત જોવા મળી છે,આગામી સમયમાં પણ રાજયમાં કોલ્ડવેવની આગાહી કરવામાં આવી નથી,રાજયમાં બેઠી ઠંડી રહેશે અને પવનો ફૂંકાશે એટલે ઠંડીનો અહેસાસ જોવા મળશે સાથે સાથે સૌરાષ્ટ્ર અને કચ્છમાં બે દિવસ ભારે ઠંડીની આગાહી કરવામાં આવી છે.વેસ્ટર્ન ડિસ્ટર્બન્સ દૂર થતા ઠંડીમાં વધારો જોવા મળ્યો છે.

હિમાચલ પ્રદેશમાં ભારે હિમવર્ષા

સમગ્ર કાશ્મીરમાં ઠંડીના મોજાની તીવ્રતામાં વધારો જોવા મળી રહ્યો છે. હવામાન વિભાગે ચાલુ સપ્તાહમાં ફરીથી બરફ વર્ષા થવાની આગાહી વ્યક્ત કરી છે. બીજી તરફ ઉત્તર પ્રદેશના વિવિધ વિસ્તારોના મહત્તમ તાપમાનમાં પાંચ ડિગ્રી જેટલો ઘટાડો નોંધાયો છે. ત્યારે ગુજરાતમાં લઘુત્તમ તાપમાનમાં વધારો નોંધાશે તેવી હવામાન વિભાગ દ્વારા આગાહી કરવામાં આવી છે.ગુજરાતમાં અત્યારે સાત દિવસ હવામાન શુષ્ક રહેશે. આગામી ચારથી પાંચ દિવસમાં ગુજરાતના મોટાભાગના વિસ્તારોમાં તાપમાનમાં બેથી ત્રણ ડિગ્રીનો વધારો જોવા મળી શકે છે. જે બાદ ફરીથી તાપમાનમાં ઘટાડો નોંધાશે.

રાજ્યમાં હાડ થીજવતી ઠંડીનો ચમકારો 

ગાત્રો થીજવતી ઠંડીમાં ગુજરાતવાસીઓ ઠુંઠવાયા છે સાથે સાથે ઉત્તર પૂર્વના પવનોને લીધે ઠંડીની અસર જોવા મળી છે.હવામાન વિભાગની આગાહી પ્રમાણે વાત કરવામાં આવે તો,અમદાવાદ 12.1 ડિગ્રી,ગાંધીનગર 11.2 ડિગ્રી,વડોદરા 11.4 ડિગ્રી,દ્વારકા 13.5 ડિગ્રી,ભુજ 10.8 ડિગ્રી,ડીસા 8.5 ડિગ્રી,વેરાવળ 15.3 ડિગ્રી,કંડલા 8.8 ડિગ્રી,નલિયા 6.2 ડિગ્રી,સુરત 15.9 ડિગ્રી,કેશોદ 11.4 ડિગ્રી,રાજકોટ 9.8 ડિગ્રી,ભાવનગર 13.8 ડિગ્રી,અમરેલી 12.0 ડિગ્રી,પોરબંદર 13 ડિગ્રી,મહુવા 12.5 ડિગ્રી તાપમાન નોંધાયું છે.

રાજયમાં હાડ થીજવતી ઠંડી પડવાની થઈ શરૂઆત, હજી વધી શકે છે ઠંડીનું જોર

રાજયભરમાં ઠંડીનો ચમકારો વધ્યો છે જેમા તાપમાનમાં 1થી 2 ડિગ્રીનો ઘટાડો નોંધાયો છે.મોટાભાગના જિલ્લામાં લઘુત્તમ તાપમાનમાં ઘટાડો નોંધાયો છે તો નલિયા 6.2 ડિગ્રી તાપમાન સાથે સૌથી ઠંડુગાર શહેર બન્યું છે,લઘુત્તમમાં વધુ પરિવર્તન નહિ થાય તેવી આગાહી હવામાન વિભાગ દ્વારા કરવામાં આવી છે.

ભરુચના અંકલેશ્વર પાસે અકસ્માતમાં 3ના મોત

બાકરોલ બ્રિજ પાસે સર્જાયો અકસ્માત,કાર ટ્રક પાછળ ધડાકાભેર ભટકાતા અકસ્માત,પરિવાર અજમેરથી મુંબઇ પરત ફરી રહ્યો હતો કારમાં સવાર 7 પૈકી 3 લોકોના મોત,ઇજાગ્રસ્તોને સારવાર માટે હોસ્પિટલ ખસેડાયા,પોલીસે ઘટનાસ્થળે પહોંચી તપાસ હાથધરી

અમદાવાદની વટવા GIDCમાં બોઈલર ફાટયું

પાર્શ્વનાથ પ્લાસ્ટીકના ગોડાઉનમાં ફાટયું બોઈલર,વટવા GIDC ફેઝ 2માં ફાટયું બોઈલર,વહેલી સવારે બની ઘટના,ફાયરની સાત ગાડીઓ ઘટના સ્થળે અને આગ લાગવાનું કારણ અકબંધ,વહેલી સવારે બની આગની ઘટના 

આજથી પોલીસની શારીરિક ભરતી પ્રક્રિયાનો પ્રારંભ

ગુજરાત પોલીસ ભરતી બોર્ડ દ્વારા ભરતી પ્રક્રિયા,બિન હથિયારી PSIની શરૂ થશે ભરતી પ્રક્રિયા,12,472 જગ્યાઓ માટે યોજાશે શારીરિક કસોટી,હથિયારી PSI, લોક રક્ષક કેડરના પુરુષની લેવાશે કસોટી,લોક રક્ષક કેડરના મહિલાઓની પણ લેવાશે કસોટી,8 થી 13 જાન્યુઆરી સુધી લેવાશે શારીરિક કસોટી,પોલીસ અધિક્ષક કક્ષાના અધિકારીઓ રહેશે ગ્રાંઉડ ઇન્ચાર્જ,શારીરિક કસોટીમાં DYSP સહિત 96 અધિકારીઓની નિમણુક,DIG અને IGP કક્ષાના અધિકારીઓ કરશે સુપરવિઝન

સુરતમાંથી વધુ 4 બોગસ તબીબ પકડાયા

ડીગ્રી વગર લોકોના આરોગ્ય સાથે કરતા ચેડા,મોહમ્મદ જાવેદ, બિબેકાનંદ બિસ્વાલની ધરપકડ,મોહમ્મદ લતીફ અંસારી, મલય બિસ્વાસની ધરપકડ,ભેસ્તાન પોલીસે વધુ તપાસ હાથધરી 

જામનગરમાં આજે પોલીસ ભરતીની પ્રક્રિયા શરૂ

પોલીસ હેડ ક્વાટર્સમાં લેવાશે ભરતી માટે શારીરિક કસોટી,ભરતી માટે 80000થી વધારે ઉમેદવારો ભાગ લેશે,પોલીસ ભરતીને લઇ તમામ તૈયારીઓ પૂર્ણ,પોલીસ વડા પ્રેમસુખ ડેલું રહેશે ગ્રાઉન્ડ ઇન્ચાર્જ,SRP ગ્રુપના સેનાપતિ, અધિકારીઓ રહેશે ખડેપગે,હોસ્પિટલના ડોક્ટરો, પેરા મેડિકલ સ્ટાફ રહેશે સ્ટેન્ડ બાય,અધિકૃત વ્યક્તિને ગ્રાઉન્ડની અંદર પ્રવેશ પર પ્રતિબંધ.