Gujarat: અમદાવાદમાં નરોડા અને બાપુનગર સ્થિત ESIC હોસ્પિટલને મેડિકલ કોલેજની મંજૂરી

દેશમાં શ્રમ મંત્રાલય દ્વારા દેશની 10 ESIC હોસ્પિટલોને મેડિકલ કોલેજ તરીકે મંજૂરી આપવામાં આવી છે. જેમાં ગુજરાતમાંથી અમદાવાદના નરોડા અને બાપુનગર સ્થિત ESIC હોસ્પિટલને મેડિકલ કોલેજ તરીકે મંજૂરી આપવામાં આવી છે. 2024-25માં 10 ESIC હોસ્પિટલોને મેડિકલ કોલેજની મંજૂરી આપવા માટે પ્રસ્તાવ મુકવામાં આવ્યો હતો. 200 કે તેથી વધુ બેડની ESIC હોસ્પિટલોને મેડિકલ કોલેજમાં રૂપાંતરિત કરવાની જોગવાઈ છે.

નરોડા અને બાપુનગર સ્થિત ESIC હોસ્પિટલને મેડિકલ કોલેજ તરીકે મંજૂરી

પ્રાપ્ત વિગતો પ્રમાણે દેશના શ્રમ મંત્રાલય દ્વારા દેશની 10 ESIC હોસ્પિટલોને મેડિકલ કોલેજ તરીકે મંજૂરી આપવામાં આવી છે. 2024-25 માટે 10 ESIC હોસ્પિટલોને મેડિકલ કોલેજ તરીકે મંજૂરી આપવા માટે પ્રસ્તાવ મુકવામાં આવ્યો હતો. આ પ્રસ્તાવ મુજબ જે 10 હોસ્પિટલોને મંજૂરી આપવામાં આવી છે તેમાં ગુજરાતમાં અમદાવાદના નરોડા અને બાપુનગર સ્થિત હોસ્પિટલને મેડિકલ કોલેજમાં રૂપાંતરિત કરવા માટે મંજૂરી આપવામાં આવી છે.

2025-26 માટે સુરતની હોસ્પિટલનું નામ સૂચવાયુ

આ ઉપરાંત 2025-26 માટે પણ 10 ESIC હોસ્પિટલોના નામ મેડિકલ કોલેજની મંજૂરી માટે મોકલવામાં આવ્યા હતાં. આ હોસ્પિટલોને મેડિકલ કોલેજમાં રૂપાંતરિત કરવા માટે પ્રસ્તાવ રજૂ કરાયો હતો. જેમા સુરતની ESIC હોસ્પિટલનું નામ પણ મેડિકલ કોલેજ તરીકે મંજૂરી આપવા માટે મુકવામાં આવ્યું હતું.