Ahmedabadમાં શિક્ષકે સગીરાને નિવસ્ત્ર કરી વીડિયો ઉતાર્યો, લગ્નનું કહેતા ફૂટયો ભાંડો

અમદાવાદમાં શિક્ષકે સગીરાને નિવસ્ત્ર કરી વીડિયો ઉતાર્યો હોવાની વાત સામે આવી છે,અંકુર સ્કૂલના શિક્ષક યશ વાઘેલા સામે ફરિયાદ નોંધાઈ છે,જેમાં કબડ્ડીમાં ભાગ લેવાના બહાને સગીરાને હોટલમાં લઈ જવામાં આવી હતી અને તેની સાથે લગ્ન કરવા માટે દબાણ કરાયું હતુ,સમગ્ર ઘટનામાં સગીરાએ તેની માતાને જાણ કરી હતી અને સરખેજ પોલીસે ગુનો નોંધીને વધુ તપાસ હાથધરી છે.

હોટલમાં લઈ જઈ સગીરાને નિવસ્ત્ર કરી વીડિયો ઉતાર્યા

શિક્ષકની બદનામી પર વધુ એક ડાગ લાગ્યો છે જેમાં શિક્ષકે સગીરાને ફોસલાવી નિવસ્ત્ર કરી અને હોટલમાં લઈ જઈને તેનો વીડિયો ઉતારી લીધો હોવાની વાત સામે આવી છે,શિક્ષક અંકુર શાળામાં ફરજ બજાવે છે,તો સગીરાને બ્લેકમેલ કરી લગ્ન કરવા માટે દબાણ કરાતું હોવાની વાત પણ સામે આવી છે,સગીરાની માતાએ યશ વાઘેલા સામે ફરિયાદ નોંધાવી છે.સગીરાનો આક્ષેપ છે કે,શિક્ષક છેલ્લા એક મહિનાથી તેને હેરાન કરી રહ્યો હતો અને સગીરા કંટાળી જતા તેણે તેની માતાને આપવીતી જણાવી હતી.

સરખેજ પોલીસ સ્ટેશનમાં અંકુર સ્કૂલના સ્પોર્ટ શિક્ષક સામે ફરિયાદ

તો સમગ્ર ઘટનાની જાણ થતાની સાથે જ સરખેજ પોલીસે સ્પોર્ટ્સ ટીચર યશ વાઘેલા સામે પોકસો એકટ હેઠળ ગુનો નોંધ્યો છે,કબડ્ડીમાં ભાગ લેવા અને ફોર્મ ભરવાના તેમજ સ્પોર્ટ્સની ટિકિટ લેવાના બહાને શિક્ષક સગીરાને હોટલમાં લઈ ગયો હોવાની વાત સામે આવી છે,સગીરાનું કહેવું છે કે,ગીતામંદિર પાસેની હોટલમાં લઈ જઈ જબરદસ્તી કપડા ઉતાર્યા હતા અને મને લગ્ન કરવા માટે દબાણ કરવામાં આવતું હતુ,અને હું ગભરાઈ ગઈ હતી જેથી મે મારી માતાને સમગ્ર ઘટનાની જાણ કરી હતી.