Prantijમાં ડ્રાઇવરને ચાલુ બસે હાર્ટ એટેક આવતા ST બસ ડિવાઈડર પર ચઢી

સાબરકાંઠાના પ્રાંતિજમાં એસટી બસના ડ્રાઈવરને ચાલુ બસે હાર્ટ એટેક આવ્યો અને તેના કારણે બસ ડિવાઈડર પર ચઢી ગઈ હતી, તો બસમાં રહેલ તમામ મુસાફરો સલામત અને અને ડ્રાઈવરે સ્ટેયરિંગ પરથી કાબુ ગુમાવી દીધો છે, ડ્રાઈવરને સારવાર માટે હોસ્પિટલ ખસેડાયો હતો અને એસટી બસ હિંમતનગરથી પ્રાંતિજ આવતી હતી તે દરમિયાન આ ઘટના બની હતી,

ચાલુ બસે દુઃખાવો ઉપડતા બસ ડિવાઇડર પર ચઢી

પ્રાંતિજ ખાતે એસટી બસના ડ્રાઇવરને ચાલુ બસે હાર્ટ એટેકનો દુખાવો ઉપડતા બસ રોડ વચ્ચે રહેલ ડિવાઇડરની રેલીંગ ઉપર ચડી ગઈ હતી બસમાં રહેલ 15 મુસાફરો સલામત છે અને તમામ મુસાફરોને અન્ય બસમાં ખસેડી રવાના કરાયા હતા. ડ્રાઈવરને શરીરના ભાગે ઈજા પહોંચી છે અને સારવાર માટે પ્રાંતિજ સિવિલ હોસ્પિટલ ખસેડવામાં આવ્યા છે.

હાર્ટ આપણા શરીરનું સૌથી મહત્વપૂર્ણ અંગ

હાર્ટ આપણા શરીરનું સૌથી મહાવપૂર્ણ અંગ હોય છે. આપણા દિલનું સ્વાસ્થ્ય ખૂબ જ જરૂરી છે. જો દિલની ગતિમાં થોડો પણ ફેરફાર થાય છે, તો આપણે ઘણા પ્રકારની તકલીફોનો સામનો કરવો પડે છે. દર્દીને શરૂઆતમાં કેલેસ્ટ્રોલ અને બ્લડ પ્રેશર સંબંધિત તકલીફો થાય છે અને પછી આ સમસ્યાઓ હાર્ટ એટેકનો ખતરો વધારી દે છે. જાણી લો કે જો તમે હાર્ટની બીમારીથી પીડિત છો તો તમારે હાર્ટ એટેકનાં આ લક્ષણો વિશે જરૂર જાણી લેવું જોઈએ.

શું છે હાર્ટ એટેક

જાણી લો કે કોઈને પણ હાર્ટ એટેક ત્યારે આવે છે, જ્યારે દિલમાં બ્લડનો પ્રવાહ ઓછો કે અવરોધિત થઈ જાય છે. ઘણી વાર કોરોનરી ધમનીઓમાં કેલેસ્ટ્રોલ અને ફેટ જમા થઈ જવાને કારણે પણ આમ બને છે. દિલને બ્લડ સપ્લાય કરનાર વાહિકાઓને કોરોનરી ધમનીઓ કહેવાય છે. જણાવી દઈએ કે જો તમને હાર્ટ એટેકનું કોઈપણ લક્ષણ જોવા મળે, તો તેને ઇગ્નોર ન કરશો અને તરત જ ડોક્ટરનો સંપર્ક કરશો.

હાર્ટ એટેકનાં લક્ષણો

ધ્યાન આપવા જેવી બાબત છે કે હાર્ટ એટેક આવતા પહેલા આપણાં શરીરમાં ઘણા બદલાવ જોવા મળે છે. આ સંકેતોને જોતાં જ તરત જ એલર્ટ થઈ જવું જોઈએ અને ડૉક્ટરનો સંપર્ક કરવો જોઈએ. જણાવી દઈએ કે હાર્ટ એટેક આવતા પહેલા વ્યક્તિને છાતીમાં દુખાવો, જડબા કે દાંતમાં દુખાવો, શ્વાસ લેવામાં સમસ્યા, પરસેવો આવવો, ગેસ થવો, ચક્કર આવવા, માથું ફરવું, બેચેની થવી જેવી ફરિયાદો જોવા મળે છે.