પંચમહાલ જિલ્લાના ઘોઘમ્બા તાલુકામાંથી વધુ એક ગમખ્વાર માર્ગ અકસ્માતની ઘટના સામે આવી છે. ઘોઘમ્બાના ખરખડી-ભાણપુરા ગામ પાસે મુસાફરોથી ભરેલા એક છકડા રિક્ષા અને ટાટા પંચ કાર વચ્ચે જોરદાર અકસ્માત સર્જાયો હતો. આ ભયાનક ટક્કરમાં બે મહિલાઓએ પોતાના જીવ ગુમાવ્યા છે, જેને પગલે પંથકમાં અરેરાટી વ્યાપી ગઈ છે.
નવા ઝાંખરિયા ગામની મહિલાનું ઘટનાસ્થળે જ મોત
પેસેન્જર છકડો રિક્ષા મુસાફરોને લઈને પસાર થઈ રહી હતી ત્યારે ખરખડી-ભાણપુરા રોડ પર સામેથી આવી રહેલી પુરપાટ ઝડપે દોડતી ટાટા પંચ કારના ચાલકે છકડાને જોરદાર ટક્કર મારી હતી. આ અકસ્માતમાં છકડામાં સવાર નવા ઝાંખરિયા ગામની એક મહિલાનું ગંભીર ઈજાઓ થવાના કારણે ઘટનાસ્થળે જ કમકમાટીભર્યું મોત નીપજ્યું હતું. જ્યારે અન્ય મુસાફરોને પણ નાની-મોટી ઈજાઓ પહોંચી હતી.
