Mother ડેરી ગુજરાતમાં કરશે આટલા કરોડનું રોકાણ, બરોડા પાસે નવા પ્લાન્ટને મંજૂરી

માર્કેટમાં ઉપસ્થિતિ ધરાવતી મધર ડેરી હવે ગુજરાતમાં મોટું રોકાણ કરવા જઈ રહી છે. કંપની વડોદરા નજીક ઇટોલા ખાતે નવો પ્લાન્ટ સ્થાપવાની તૈયારીમાં છે. જેમાં કુલ 100 કરોડ રૂપિયાનો ખર્ચ થવાનો છે. આ પ્રોજેક્ટ માટે કંપની દ્વારા 400 કરોડ રૂપિયાથી વધુનો ખર્ચ થવાની શક્યતા છે. આ પ્લાન્ટ આગામી બે વર્ષમાં કાર્યરત થશે.

ગુજરાત અને આંધ્રપ્રદેશમાં નવા પ્રોસેસિંગ પ્લાન્ટ

મધર ડેરીએ ફળ અને શાકભાજી પ્રોસેસિંગ માટે ગુજરાત અને આંધ્રપ્રદેશમાં બે નવા પ્લાન્ટ માટે 100 કરોડ રૂપિયાનું રોકાણ મંજૂર કર્યું છે. કંપની ટૂંક સમયમાં કુલ 600 કરોડ રૂપિયાના રોકાણની યોજના બનાવી રહી છે. મધર ડેરીના મેનેજિંગ ડિરેક્ટર મનીષ બંદલિશે જણાવ્યું હતું કે બોર્ડે આ યોજનાઓ માટે મંજૂરી આપી દીધી છે. ઇટોલા પ્લાન્ટના નિર્માણ કાર્યની શરૂઆત ટૂંક સમયમાં થશે, જે આગામી બે વર્ષમાં પૂર્ણ થશે. આંધ્રપ્રદેશના કુપ્પમમાં પણ બીજા પ્લાન્ટ માટે 150-200 કરોડનું રોકાણ થશે, પરંતુ ત્યાંની જમીન હજુ મળવાની બાકી છે.

મધર ડેરી હાલ ઝારખંડના રાંચી, કર્ણાટકના બેંગલુરુ અને દિલ્હીના મંગોલપુરીમાં ફળ-શાકભાજી પ્રોસેસિંગ પ્લાન્ટ સંચાલિત કરે છે. આ ત્રણ પ્લાન્ટમાં દર વર્ષે આશરે 2 લાખ ટન ઉત્પાદનનું પ્રોસેસિંગ થાય છે. કંપની નાગપુરમાં પણ 500 કરોડ રૂપિયાના ખર્ચે નવો દૂધ અને ડેરી પ્રોસેસિંગ પ્લાન્ટ બનાવી રહી છે, જે 2026 સુધીમાં શરૂ થવાની સંભાવના છે.

મધર ડેરી ગુજરાતમાં કરશે 100 કરોડનું રોકાણ

મધર ડેરી, જે રાષ્ટ્રીય ડેરી વિકાસ બોર્ડ (NDDB)ની પેટાકંપની છે, ડેરી ઉદ્યોગના વિકાસ માટે 100 કરોડ રૂપિયાનું નવું રોકાણ કરશે. કંપનીનું વાર્ષિક ટર્નઓવર 17,500 કરોડ રૂપિયાથી વધી 18,000 કરોડ થવાની અપેક્ષા છે, જે પછલા વર્ષ કરતાં 15-16%નો વધારો દર્શાવે છે. આ નવી યોજનાઓથી મધર ડેરી દૂધ, ફળ અને શાકભાજી પ્રોસેસિંગ ક્ષેત્રમાં પોતાની હાજરીને વધુ મજબૂત બનાવવા માગે છે, અને દેશભરમાં વધુ ગતિશીલ વિકાસ લાવવા માટે પ્રતિબદ્ધ છે.