Ahmedabad : વિવાદીત પોસ્ટરોથી ખુદ ટ્રાફિક પોલીસ પણ શરમમાં મુકાઇ, આખરે હટાવ્યા

અમદાવાદના કેટલાક વિસ્તારોમાં ટ્રાફિક પોલીસ દ્વારા લગાવાયેલા પોસ્ટરો અને બેનરો બાદ ભારે વિરોધ થતાં આખરે ટ્રાફિક પોલીસે આ વિવાદીત પોસ્ટરો દુર કર્યા હતા. ગઇ કાલે શુક્રવારે સંદેશ ન્યૂઝે આ વિવાદીત પોસ્ટરો અંગેનો અહેવાલ પ્રસારિત કરતાં જ ટ્રાફિક પોલીસ શરમમાં મુકાઇ હતી અને આખરે આ વિવાદીત પોસ્ટરો અને બેનરો હટાવ્યા હતા અને આ મામલે સોલા પોલીસ સ્ટેશનમાં જાણવા જોગ ફરિયાદ પણ કરી હતી.

કેટલાક સ્થળો પર ટ્રાફિક પોલીસ દ્વારા બેનરો અને પોસ્ટરો લગાવાયા હતા

અમદાવાદમાં કેટલાક સ્થળો પર ટ્રાફિક પોલીસ દ્વારા બેનરો અને પોસ્ટરો લગાવાયા હતા જેમાં મહિલાઓની સુરક્ષા બાબતે વિવાદીત લખાણ લખાયેલું હતું. ખુદ પોલીસ જ આ પ્રકારનું લખાણ લખે તે બાબતે ભારે ઉહાપોહ થયો હતો. સંદેશ ન્યૂઝ દ્વારા ગઇ કાલે શુક્રવારે આ મામલે ખાસ અહેવાલ પણ પ્રસારિત કર્યો હતો.

સંદેશ ન્યૂઝના અહેવાલ બાદ વિવાદિત પોસ્ટર દૂર કરાયા

અમદાવાદમાં પોસ્ટર વિવાદમાં સંદેશ ન્યૂઝની અસર જોવા મળી છે અને આ મામલે હવે સોલા પોલીસ મથકમાં જાણવાજોગ ફરિયાદ નોંધાઈ છે તો સંદેશ ન્યૂઝના અહેવાલ બાદ વિવાદિત પોસ્ટ દૂર કરાયા છે. આ પોસ્ટર વિવાદ પર ટ્રાફિક DCP સફીન હસનની સ્પષ્ટતા પણ આવી છે. તેમણે કહ્યું કે NGOએ મંજૂરી લીધા વિના આ પોસ્ટરો લગાવ્યા હતા અને હવે વિવાદાસ્પદ પોસ્ટરો હટાવી લીધા છે .

વિવાદિત પોસ્ટરો સાથે પોલીસને કોઇ સંબંધ નથી

તેમણે એમ પણ કહ્યું કે વિવાદિત પોસ્ટરો સાથે પોલીસને કોઇ સંબંધ નથી અને 4થી 5 વિસ્તારમાંથી 10 જેટલા બેનર જપ્ત કરાયા છે. તેમણે કહ્યું કે બેનરમાં થયેલા આક્ષેપ સાથે કોઇ લેવા-દેવા નથી

અમે તો ટ્રાફિક અવેરનેસ માટે પોસ્ટની મંજૂરી આપી હતી.

ડીસીપીએ કહ્યું કે અમદાવાદમાં મહિલાઓ એકદમ સુરક્ષિત છે. અમે તો ટ્રાફિક અવેરનેસ માટે પોસ્ટની મંજૂરી આપી હતી. મીડિયા થકી અમને આ મામલે જાણ થતાં પોલીસ કમિશનરે આ પોસ્ટરો હટાવવા જણાવ્યું હતું. સતર્કતા NGO ને અમે ટ્રાફિક અવેરનેસ ના પોસ્ટર લગાવાની મંજૂરી આપી હતી પણ પોસ્ટરમાં મહિલાઓને એકલા ક્યા ન જવા જેવી વિવાદાસ્પદ ટિપ્પણી હતી તેમ ડીસીપીએ કહ્યું હતું.

અમદાવાદમાં મહિલાઓ બિલકુલ સુરક્ષિત

DCP એ કહ્યું હતું કે NGOએ સ્કોપથી બહાર જઈ મંજૂરી લીધા વિના પોસ્ટરો લગાવાયા હતા અને બેનરમાં જે પણ આક્ષેપ થયા છે તેને અમદાવાદની સુરક્ષા સાથે કોઈ લેવા દેવા નથી. અમદાવાદમાં મહિલાઓ બિલકુલ સુરક્ષિત છે

?controls=0" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen> title="Sandesh IMPECT | અમદાવાદમાં પોસ્ટર વિવાદમાં સંદેશ ન્યૂઝની અસર | Gujarat" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>" target="_blank">