ગુજરાતમાં થયેલા 2002ના રમખાણોના કેસમાં એક ટ્રક ડ્રાઈવરને સળગાવી દેવાના કેસમાં 9 લોકોનો છુટકારો થયો છે. સાબરકાંઠા કોર્ટના નિર્ણયને હાઈકોર્ટ દ્વારા માન્ય રાખવામાં આવ્યો છે. સાબરકાંઠા કોર્ટના નિર્ણયને રદ્દ કરવા સરકારે કોર્ટમાં અપીલ કરી હતી. પરંતુ હાઈકોર્ટે સાબરકાંઠા કોર્ટના નિર્ણયને ગ્રાહ્ય રાખ્યો હતો. આ ઉપરાંત ગોધરાકાંડ બાદ થયેલા તોફાનોના કેસમાં પણ પુરાવાના અભાવે રાજેન્દ્ર સોલંકીને મેટ્રો કોર્ટે નિર્દોષ જાહેર કર્યો છે.
ગુજરાત હાઈકોર્ટે સરકારની અરજીને ફગાવી
ગુજરાતમા થયેલા વર્ષ 2002ના રમખાણોમાં લઘુમતી કોમના એક ડ્રાઈવરને સળગાવી દેવાનો મામલો બન્યો હતો. આ મામલે સાબરકાંઠા કોર્ટે 9 આરોપીઓને નિર્દોષ છોડ્યા હતાં. જેની સામે હાઈકોર્ટમાં તેને પડકાર આપવામાં આવ્યો હતો. સાબરકાંઠા કોર્ટના નિર્ણયને રદ કરવા સરકારે કોર્ટમાં અપીલ કરી હતી. ગુજરાત હાઈકોર્ટે સરકારની અરજીને ફગાવી સાબરકાંઠા કોર્ટનો ચુકાદો યોગ્ય ઠેરવ્યો હતો. રમખાણો દરમિયાન ટોળાએ મોહમ્મદ શાહિદ નામના ટ્રક ડ્રાઈવરને સળગાવી દેવામાં આવ્યો હતો.
