Ahmedabad News : અમદાવાદની સાબરમતી જેલમાં રક્ષાબંધનના પર્વએ બહેન ભાઈને રાખડી બાંધતા રડી પડી

ભાઇ બહેનના પવિત્ર તહેવાર એટલે રક્ષાબંઘનમાં બહેન ભાઇને રાખડી બાંધી રક્ષાનું એક વંચન આપે છે, આવું જ વચન અમદાવાદ સાબરમતી જેલ કેદી ભાઇઓને પોતાની બહેન આપ્યુ વચન, રાખડી બાધતા જેલમાં બંધ ભાઇ જોઇને બહેન પણ રડી પડયા હતા, સાથે જ જેલ તરફથી સ્પેશિયલ વ્યવસ્થા ઉભી કરી હતી.

સાબરમતી જેલમાં રાખડી બાંધવા બહેનો ઉમટી પડી

જેલમાં બંધ ભાઈઓને રાખડી બાંધવા મોટી સંખ્યામાં બહેનો ઉમટી પડી હતી, જુદા જુદા ગુનામાં સજા કાપતા ભાઈને જોતા જ બહેનોની આંખોમાંથી અશ્રુ વહેવા લાગ્યા હતા, બહેનોએ વિધિવત રીતે પોતાના કેદી ભાઈને કંકુ-ચાંદલા કરી રાખડી બાંધી મોઢુ મીઠુ કરાવી રક્ષાબંધન તહેવારની ઉજવણી કરી હતી, જેલમાં સજા કાપતા કેદીભાઈઓ પણ બહેનને જોઈ ભેટી પડયા હતા, બહેનોએ ભાઈઓ વહેલી તકે જેલમાંથી છુટ્ટે તેવા આર્શીવાદ આપ્યા હતા.

રાખડી બાંધવા આવેલ બહેનોને છોડ રોપા આપવામાં આવ્યા હતા

સાબરમતી સેન્ટ્રલ જેલમાં પાકા અને કાચા કામના કેદી મળી કુલ 4 હજાર કેદી ભાઈબંધુઓ માટે રાખડી બાંધવા જેલમાં તમામ વ્યવસ્થા કરી, રાજ્યના અલગ અલગ ખુણામાંથી અનેક બહેનો પોતાના ભાઇને મળવા જેલ પર આવી પહોંચી હતી, આ સમયે ભાવુક દ્રશ્યો સર્જાયા હતા. ત્યારે કેટલી બહેનો ભાઇને રાખડી બાંધીને ખુશી ખુશી આર્શિવાદ આપ્યા હતા કે નિર્દોષ છુટી જાય, જો કે રાખડી બાંધવા આવેલ બહેનોને છોડ રોપા આપવામાં આવ્યા હતા.