અમદાવાદમાં આજે 7 જુલાઈથી પાસપોર્ટ સેવા કેન્દ્ર શરૂ થયું. મીઠાખળીમાં વિસ્તારમાં આવેલ પાસપોર્ટ સેવા કેન્દ્રમાં પડતી અગવડતાને લઈને તેને પૂર્વ વિસ્તારમાં શિફ્ટ કરવામાં આવ્યું. શહેરના પૂર્વ વિસ્તાર બાપુનગરમાં વ્હાઈટ હાઉસમાં આજથી પાસપોર્ટ સેવાકેન્દ્ર (Passport Seva Kendra (PSK) ) શરૂ થયું.. નાગરિકોને સુવિધા આપવા પાસપોર્ટ કેન્દ્રમાં તમામ આધુનિક ટેકનોલોજીનો ઉપયોગ કરવામાં આવ્યો છે. અમદાવાદ ઉપરાંત સુરત, વડોદરા અને રાજકોટમાં એમ કુલ પાંચ પાસપોર્ટ સેવા કેન્દ્ર છે.

રાજ્યનું સૌથી મોટું પાસપોર્ટ કેન્દ્ર

શહેરના પૂર્વ વિસ્તારમાં રાજ્યનું સૌથી મોટું પાસપોર્ટ કેન્દ્ર આજથી શરૂ થયું. જે સેવા કેન્દ્ર ખૂલ્યાના પ્રથમ દિવસે 600 લોકોને પાસપોર્ટ માટે અપાઇ એપોઇન્ટમેન્ટ આપવામાં આવી છે. આ સેવા કેન્દ્રમાં પાસપોર્ટ સંબંધિત ફિંગરપ્રિન્ટ, વેરિફિકેશન અને અરજી સબમિટ કરવા સહિતની કામગીરીને લઈને 3 વિંગમાં અલગ-અલગ કુલ 36 કાઉન્ટર બનાવવામાં આવ્યા છે. અગાઉ પાસપોર્ટ સેવા કેન્દ્ર મીઠાખળી હતું પરંતુ પૂર્વ વિસ્તારમાં પાસપોર્ટ કેન્દ્ર ના હોવાના કારણે આ નિર્ણય લેવામાં આવ્યો હોવાનું રિજનલ પાસપોર્ટ ઓફિસના અધિકારીએ જણાવ્યું.

પાસપોર્ટ કેન્દ્રમાં વિશેષ વ્યવસ્થા

અધિકારીએ વધુમાં જણાવ્યું કે બાપુનગરમાં સૌથી મોટા પાસપોર્ટ કેન્દ્રમાં લોકો માટે વિશેષ વ્યવસ્થા કરવામાં આવી છે. એટલે પહેલા દિવસે જે 600 લોકોને એપોઈમેન્ટ આપવામાં આવી છે તેમને અગાઉ એટલે રવિવારના દિવસે ટ્રાયલ માટે બોલાવ્યા હતા. સેવા કેન્દ્રમાં વધુ સુવિધા હોવાના લીધે આગામી દિવસોમાં એક દિવસમાં 800થી વધુ લોકોની પાસપોર્ટની અરજીની કામગીરી હાથ ધરાશે. મીઠાખળી વિસ્તાર હવે વધુ વ્યસ્ત બન્યો હોવાથી પાર્કિંગ સુવિધા સહિત અન્ય બાબતોમાં લોકોને હાલાકીનો સામનો કરવો પડતો હતો. એટલે મીઠાખળીનું સેવા કેન્દ્ર બંધ કરી તેને બાપુનગર શિફ્ટ કરવામાં આવ્યું.

Also Read