ગુજરાતમાં 'રાત' શબ્દ આવે છે. પરંતુ ગુજરાતમાં વિકાસનો સૂરજ ક્યારેય આથમ્યો નથી. આ રાજ્ય દુનિયાના નકશામાં સિતારાની જેમ ઝગમગે છે. દેશના વિકાસની વાત હોય કે ભારતવાસીઓના હિતની, ગુજરાતે હંમેશા દેશને નવો રાહ ચિંધ્યો છે. દેશના અન્ય રાજ્યો જ નહીં પરંતુ વિશ્વના દેશોમાં ગુજરાતીઓનો દબદબો છે.મહાત્મા થી મોદી સુધીના યુગમાં અનેક લડવૈયાઓ, નેતાઓ, ઉદ્યોગપતિઓ, વૈજ્ઞાનિકો, કલાકારો અને ખેલાડીઓએ પોતાનો પરચમ લહેરાવ્યો છે. આ મહાન સપૂતો ભારત દેશનું ગૌરવ છે.
અમદાવાદમાં કોમનવેલ્થ ગેમ્સની સુવર્ણ જયંતી
આવો વધાવી લઇએ આ નવા સોપાનને, જે દેશમાં અતિથિને દેવ માનવામાં આવે છે. ત્યારે 72 દેશના ખેલાડીઓ, પ્રતિનિધિઓને ગુજરાતના ગૌરવ સમાન અમદાવાદ શહેરની ઉત્કૃષ્ટ ઝલક બતાવીએ, મહેમાનગતિથી દરેક અવસરને મહેકાવીએ. આ એક સુવર્ણ અવસર છે કારણકે કોમનવેલ્થ ગેમ્સની શરૂઆત 1930માં થઈ અને 2030ના વર્ષમાં 100 વર્ષ પૂરા થવા જઈ રહ્યાં છે ત્યારે કોમનવેલ્થ ગેમ્સની સુવર્ણ જયંતી અમદાવાદના આંગણે થવા જઈ રહી છે.
