ઓગસ્ટ 2025 દરમિયાન, મંડળે પ્રતિદિન 2999.7 વેગનની રેકોર્ડબ્રેક સરેરાશ હાંસલ કરી, જે ઓગસ્ટ 2024માં નોંધાયેલા 2453.9 વેગનની સરખામણી કરતાં 22.24% વધુ છે. આ ઉપલબ્ધી ઓગસ્ટ 2022માં સ્થાપિત 2980.13 વેગનના અગાઉના સર્વકાલીન સર્વશ્રેષ્ઠ સ્તરને પણ પાર કરી ગઈ.
કન્ટેનરોમા 6.95% અને પીઓએલ(પેટ્રોલિયમ)માં 1.46%ની વૃદ્ધિ નોંધાઈ
અમદાવાદ મંડળ દ્વારા ઓગસ્ટ મહિનામાં ગયા વર્ષની સરખામણીમાં લગભગ એક મિલિયન ટનથી વધુ લોડિંગ કર્યું છે. ભારતીય રેલ્વેમાં કોઈપણ મંડળમાં કરવામાં આવેલ આ સૌથી વધુ લોડિંગ છે. કુલ માલ લોડિંગની દ્રષ્ટિએ, મંડળે 4.54 મિલિયન ટન (એમટી) માલનું સંચાલન કર્યું, જે ઓગસ્ટ 2024ની સરખામણીમાં 25.83% ની મજબૂત વૃદ્ધિ દર્શાવે છે, જ્યારે 3.61 એમટી માલ લોડિંગ નોંધાયું હતું. કોમોડિટી વાઈજ લોડિંગમાં પણ નોંધપાત્ર સુધારો જોવા મળ્યો છે. ખાતર (ફર્ટિલાઇઝર) લોડિંગમાં નોંધપાત્ર 128.55% ની વૃદ્ધિ સાથે સર્વાધિક વૃદ્ધિ નોંધાઈ, ત્યારબાદ મીઠું (ઔદ્યોગિક મીઠા સહિત)માં 68.87%, ઓટોમોબાઈલ્સમાં 39.63%, કન્ટેનરોમા 6.95% અને પીઓએલ(પેટ્રોલિયમ)માં 1.46% ની વૃદ્ધિ નોંધાઈ છે.
