Railway News : ટ્રેનમાં જનરલ ટિકિટ લેવા માટે હવે લાઈનમાં ઉભા રહેવાની જરૂર નહી, રેલવેએ કરી આપી આ મોટી સુવિધા

હવે યાત્રીઓને જનરલ ટિકિટ (અનરિઝર્વ્ડ ટિકિટ) લેવા માટે લાંબી લાઈનોમાં ઊભા રહેવાની કોઈ જરૂર નથી. રેલવેએ યાત્રીઓને બે સુવિધા આપી છે – યૂટીએસ મોબાઈલ એપ (UTS App) અને ઑટોમેટિક ટિકિટ વિતરણ મશીન (ATVM). આ બંને માધ્યમોથી યાત્રી પોતે ટિકિટ બુક કરી શકે છે, જેનાથી સમય અને ધન બંનેની બચત થાય છે.

યૂટીએસ એપ (UTS APP)ની વિશેષતાઓ:

•યાત્રી પોતાના મોબાઈલ ફોનથી ઘેર બેઠા જ ટિકિટ બુક કરી શકે છે.

•યાત્રા ટિકિટ, સીઝન ટિકિટ તથા પ્લેટફોર્મ ટિકિટની સુવિધા ઉપલબ્ધ.

•ચુકવણી માટે UPI, ડેબિટ/ક્રેડિટ તથા R-Wallet નો વિકલ્પ ઉપલબ્ધ.

•R-Wallet રિચાર્જ પર 3% બોનસ રકમ મેળવો.

•ટિકિટ બારી પર લાઈનમાં ઊભા રહેવાની જરૂર નહીં.

•સમય અને પૈસાની બચત.

•છુટ્ટા પૈસાની સમસ્યા નહીં.

•પેપરલેસ ટિકિટની સુવિધા, જે પર્યાવરણને અનુકૂળ છે.

એટીવીએમ (ATVM) ની વિશેષતાઓ:

•યાત્રી સ્ટેશન પર આવેલા ATVM મશીનથી પોતે ટિકિટ બુક કરી શકે છે.

•યાત્રા ટિકિટ, સીઝન ટિકિટ તથા પ્લેટફોર્મ ટિકિટની સુવિધા ઉપલબ્ધ.

•ચુકવણી માટે UPI QR કોડ તથા રેલવે સ્માર્ટ કાર્ડની સુવિધા.

•રેલવે સ્માર્ટ કાર્ડ રિચાર્જ પર 3% બોનસ રકમ મેળવો.

•ટિકિટ બારીની લાંબી લાઈનોથી મુક્તિ.

•સમય અને પૈસા બંનેની બચત.

•છુટ્ટા પૈસાની સમસ્યા નહીં.

રેલવેના મુસાફરોને આધુનિક સુવિધા મળે છે

પશ્ચિમ રેલવે યાત્રીઓને અનુરોધ કરે છે કે તેઓ આ આધુનિક સુવિધાઓનો લાભ ઉઠાવે અને પોતાની યાત્રાને સરળ અને સુવિધાજનક બનાવે. યૂટીએસ એપ અને એટીવીએમ મારફતે બુકિંગ કરીને યાત્રી ફક્ત પોતાનો સમય જ નથી બચાવી શકતા, પરંતુ ડિજિટલ ઈન્ડિયા અભિયાનમાં સહભાગી પણ બની શકે છે.