ગુજરાતના પોલીસ વિભાગમાં છાશવારે બદલીના આદેશ થતાં હોય છે. અમદાવાદમાં ગત 18 ઓગસ્ટે એક સાથે 31 PIની આંતરિક બદલી કરવામાં આવી હતી. પોલીસ કમિશનર જી.એસ. મલિક દ્વારા લાંબા સમય બાદ બદલીનો આદેશ કર્યો હતો. જેમાં શહેરના અલગ અલગ પોલીસ સ્ટેશનમાં ફરજ બજાવતા પોલીસ ઈન્સપેક્ટરોની બદલી કરવામાં આવી હતી. હવે રાજ્યના પોલીસ વડાની કચેરી દ્વારા અમદાવાદના બે PIની બદલીના આદેશ આપ્યા છે. બંને PIની વડોદરા ખાતે બદલી કરી દેવામાં આવી છે.
બંને પોલીસ ઈન્સપેક્ટરોની વડોદરા ખાતે બદલી કરાઈ
અમદાવાદ શહેરમાં બિનહથિયાર ધારી પોલીસ ઈન્સપેક્ટર તરીકે ફરજ બજાવતા એ.આર. ધવન અને એન.જી. સોલંકીની તાત્કાલિક અસરથી બદલી કરવાનો આદેશ રાજ્યના પોલીસ વડાની કચેરી દ્વારા કરવામાં આવ્યો છે. આ બંને પોલીસ ઈન્સપેક્ટરોને વડોદરા ખાતે તાત્કાલિક બદલી કરી દેવામાં આવી છે. બંને પોલીસ ઈન્સપેક્ટરોને હાજર થયા બાદ પોલીસ વડાની કચેરીને જાણ કરવા પણ આદેશ કરાયો છે.
