ગુજરાતમાં મતદાર યાદી સુધારણાની કામગીરી દરમિયાન આપઘાત અને હાર્ટ એટેકના બનાવો સામે આવી રહ્યાં છે. ત્યારે ડાંગ જિલ્લામાં કેટલાક શિક્ષકો બીએલઓ તરીકેની કામગીરીમાં પોતાની નારાજગી બતાવી કામ બંધ કરવાની વાત કરી રહ્યાં છે.
કામગીરી માટેની સમય મર્યાદા વધારવામાં આવે
ડાંગ જિલ્લાની ડુંગરાળ ભૌગોલિક સ્થિતિને કારણે અહીં મોબાઈલ નેટવર્ક મળતુ નથી. જેના કારણે બીએલઓને કામ કરવામાં તકલીફોનો સામનો કરવો પડે છે. જિલ્લામાં 40 ટકાથી વધુ લોકો રોજગાર અર્થે અન્ય જિલ્લા કે રાજ્યોમાં સ્થળાંતરિત થયાં છે. જેઓ આગામી માર્ચ મહિનામાં વતન પરત ફરશે. આવા લોકોની માહિતી મેળવવામાં બીએલઓને મોટી મુશ્કેલીઓ થઈ રહી છે. જેથી તેમની માગ છે કે, ડાંગ જિલ્લામાં કામગીરી માટેની સમય મર્યાદા વધારવામાં આવે.
