Dang જિલ્લા પોલીસે “ઓપરેશન મિલાપ” અભિયાનથી 11 ગુમ વ્યક્તિઓને પુનઃમિલન કરાવ્યું

ડાંગ જિલ્લા પોલીસ અધિક્ષક પૂજા યાદવનાં માર્ગદર્શન હેઠળ શરૂ કરાયેલ સંવેદનશીલ અભિયાન ઓપરેશન મિલાપને વ્યાપક સફળતા મળી છે. ઓગસ્ટ-2025થી આ અભિયાન અંતર્ગત પોલીસે અત્યાર સુધીમાં 11 ગુમ અથવા અપહરણ થયેલા વ્યક્તિઓને શોધી કાઢીને તેમના પરિવારજનો સાથે પુનઃમિલન કરાવ્યું છે.

મુખ્ય હેતુ વર્ષ 2007થી આજ સુધી ગુમ થયેલા લોકોને શોધવાનો હતો

આ અભિયાનનો મુખ્ય હેતુ વર્ષ 2007થી આજ સુધી ગુમ થયેલા લોકોને શોધવાનો હતો. આ કાર્યને સફળતાપૂર્વક પાર પાડવા માટે ડાંગ જીલ્લા પોલીસે વિવિધ ખાસ ટીમોનું આયોજન કર્યું હતું. ટીમો દ્વારા ગુમ લોકોની શોધ માટે વૈજ્ઞાનિક અને ટેકનોલોજીકલ અભિગમ અપનાવવામાં આવ્યો હતો.

 સર્વેલન્સ સિસ્ટમ, સોશિયલ મિડિયા અને સરકારી ડેટાબેઝમાંથી માહિતી

પોલીસે સ્થાનિક સ્તરે માહિતી એકત્ર કરી, વિશ્વસનીય સૂત્રોની મદદ લીધી અને સર્વેલન્સ સિસ્ટમ, સોશિયલ મિડિયા અને સરકારી ડેટાબેઝમાંથી માહિતીની ચકાસણી કરી. આ રીતે, ગુમ થયેલ વ્યક્તિઓને સલામત રીતે તેમના પરિવારો સુધી પહોંચાડવામાં સફળતા મળી.

પોલીસની માનવતા

ડાંગ જિલ્લા પોલીસના અધિકારીઓએ જણાવ્યું કે, આ અભિયાન દ્વારા પોલીસની માનવતા અને સેવા ભાવનાને પણ વધુ મજબૂત બનાવવામાં આવી છે અને તે આવનારા સમયમાં વધુ લોકો માટે રાહતરૂપ સાબિત થશે.

આ પણ વાંચો---- GSSSB Recruitment 2025: ગ્રેજ્યુએટ ઉમેદવારો માટે સારા સમાચાર, ગુજરાત ગૌણ સેવા પસંદગી મંડળ દ્વારા ભરતીની જાહેરાત