અમરેલીમાં કમોસમી વરસાદથી લોકોને હાલાકી. રાજ્યમાં ઠંડીની ઋતુ વચ્ચે ફરી વરસાદી માહોલ જામ્યો. અમરેલીમાં ભારે વરસાદથી ચોમાસા જેવો માહોલ. રાત ભર વરસાદને કારણે નદીમાં ઘોડા પૂર આવ્યા અને નાળાઓ છલકાયા. વરસાદી પાણી ભરાતા ડેમમાં પાણીના જળસ્તરમાં વધારો થયો. સાવરકુંડલા તાલુકાની સુરજ વળી નદી બે કાંઠે થઈ અને હાથસણીનો સેલ દેદુમલ ડેમમાં પાણીની આવક વધતા એક દરવાજો ખોલાવ્યો. કમોસમી વરસાદથી ખેતરો બેટમાં ફેરવાતા ખેડૂતોને મોટું આર્થિક નુકસાનની ભીતિ.
સુરજ વળી નદી બેકાંઠે વહેતી થઈ
અમરેલીના સાવરકુંડલા તાલુકાના ગ્રામ્ય વિસ્તારમાં ત્રણથી પાંચ ઇંચ જેટલો વરસાદ ખાબકયો. ભારે વરસાદથી સાવરકુંડલા તાલુકાની સુરજ વળી નદી બેકાંઠે વહેતી થઈ. ડેમમાંથી પાણી છોડાતા નદીમાં પાણીની આવક વધી. શેલ દેદુમલ ડેમનો દરવાજો ખોલી પાણી છોડાયું. રાજુલા તાલુકાનો ધાતરવડી ડેમ પણ ઓવરફ્લો થયો. ખાંભામાં વરસાદથી રાયડી ડેમ છલકાયો. ડેમના 5 દરવાજા 2-2 ફૂટ ખોલવામાં આવ્યા. મોટા બારમણ, નાના બારમણ ગામને એલર્ટ કરાયા. ચોતરા, મીઠાપુર ગામને એલર્ટ કરતા નદીના પટમાં કોઈએ અવરજવર ન કરવા સૂચના આપવામાં આવી. નદીઓમાં નવા નીર અને ડેમના જળસ્તરમાં વધારો ગ્રામજનો માટે મોટી સમસ્યા બની. અત્યારે ખેડૂતો માટે પાક લેવાની સિઝન છે ત્યારે કમોસમી વરસાદથી મોઢામાં આવેલ કોળિયો છિનવાયો તેવી સ્થિતિ સર્જાઈ છે.
