અમરેલી જિલ્લામાં એક ગંભીર આરોપ સામે આવ્યો છે, જ્યાં સ્થાનિક ધારાસભ્ય જે.વી. કાકડીયાના પુત્ર પર દુષ્કર્મનો આક્ષેપ કરવામાં આવ્યો છે. આ આક્ષેપ સાથે બગસરા તાલુકા ભાજપ પ્રમુખ પ્રદીપ ભાખરનું નામ પણ સંકળાયેલું છે. આ મામલો બહાર આવતા જ રાજકીય વર્તુળોમાં ગરમાવો આવી ગયો છે.


મારા પુત્રને આમાં કંઈ લેવા દેવા નથી: જે.વી.કાકડીયા

આ મામલે MLA જે.વી. કાકડીયાએ તાત્કાલિક પ્રતિક્રિયા આપી છે. તેમણે સ્પષ્ટપણે જણાવ્ય છે કે, મારા પુત્રને આમાં કશું જ લેવા દેવા નથી. તેમણે આ સમગ્ર ઘટનાને પોતાની રાજકીય કારકિર્દીને બદનામ કરવાનું કાવતરું ગણાવ્યું છે. કાકડીયાએ એ પણ ભારપૂર્વક કહ્યું છે કે, તાલુકા ભાજપ પ્રમુખ પ્રદીપ ભાખર સાથે પણ તેમને કોઈ લેવા દેવા નથી.

Also Read

MLA પુત્ર અને બગસરા તા.ભાજપ પ્રમુખ પર છે આક્ષેપ

તમને જણાવી દઈએ કે, આક્ષેપ કરનાર પીડિતા દ્વારા MLA પુત્ર અને બગસરા તા.ભાજપ પ્રમુખ બંને પર દુષ્કર્મનો આરોપ મૂકવામાં આવ્યો છે. આ ગંભીર આક્ષેપો બાદ પોલીસે તપાસ હાથ ધરી છે. આ ઘટનાથી રાજકીય ક્ષેત્રે ખળભળાટ મચી ગયો છે. પોલીસ દ્વારા નિષ્પક્ષ તપાસ હાથ ધરવામાં આવે અને સત્ય બહાર આવે તે અત્યંત આવશ્યક છે, જેથી પીડિતાને ન્યાય મળે અને દોષિતો સામે કડક કાર્યવાહી થઇ શકે.


  • Follow us on: